YOHANES GI NIGOM 3:3 - ALLAH NIHYET MEM TUNGWATU NYA

³ Bikwop yo di igyok ingon mem nijam di iluei itta noyam kin Kristus niluei nittati yahagom inyohou ingonti bikwes-kwau bit leu nok Kristus ningon kwes-kwau.

YOHANES GI NIGOM 3:3 ပူးပေါင်းရင်းမြစ်များ

SAMUEL GI NICAN 22:27

Ando Nanti nok No di kwes bak yo di ingon kwes nya cem noro aba nitok bak yo di isibut nya.

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

LUKAS 6:36

Ma jingondut yam bit leu nok Jicig ngondut tungwatu nya!”

YOHANES 17:19

Didimig Danti ei mem Na leu binhyepo yoni cem idimig yonti ei mem Na tug hon Ade nijit-jausi. Diyaisi dima bon ninyeng mem yok.

KISAH 15:9

Allah mig mbus nyeni kin yoni ter leu yam bi. Noni yai ingon kwes kei tug hon ide niba ningon com Noniti.

ROMA 15:12

Nabi Yesaya pai, “Tungwagom di ntun Isai him mittau kwei ba, ninyeng tak kep ngkiai nya bibindei ba, inok Nide limwa nya leu api igyok ingon mem Noni.”

KORINTUS GI NICAN 7:1

Disut bat di dingon kieti jen e, Allah preu ei mem nye tut mun dini yok hagom tu. Gima rino ma imbres nyenti leu map di kui ingut kin ingonti hagom ba, ibiyai ingon di kwes-kwau. Ma ide nittin tut Allahti bindei ba, iba ingon di gom bidimig nyenti bigyaijo ei mem Noni.

KOLOSE 1:5

Jiba jingon com Noni bijingon ngakei yam lewo jiyok ngon mem mun di Allah tin ei mem je ei gwamti. Jimiap tut mun dima tirigi Nihyet Di Kei di nijit tibim ei jitingou nsi habiei ei nimbie him.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

TITUS 3:7

Noni yai ingon di kwes kin Allah tug hon Nide nisingat tut nyeti leu api igyai niyaijo nijep di jo kikau di igyok ingon mem.

IBRANI 12:14

Ma jita jibou ei ningon kwes kin tungwatu yahagomti kin jide niyaijo kwes-kwausi kin Tuhanti. Leu gino tungwatu nya ikwes-kwau bi ne bit bon ingat Tuhan bou igyai him kan bi.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

YAKOBUS 4:8

Ma jidideu Allah leu api Noni dideu je. Je di jingon rom e, suar jipiap jinda leu ba, je di jingon mang e, suar jipindi jingon bikwes.

PETRUS GI NIGOM 1:15

Noro ma jiyai munti nya hagom kwes-kwau bit leu nok Allah di hig je ningon kwes-kwau.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

PETRUS GI NICAN 1:4

Tug hon nisinati dima lene Allah njei nisindemti di mindur kin gi nibok kui di Noni preu ei mem nye binye tu. Nisindemti dima mibindei kwek nye leu ingut kanti di kinei di kieng kep dihyeisi dini hagom leu api ipriet kin Allah niyaijoti di kei-kau-kei.

PETRUS GI NICAN 3:14

Gima rino disut bat di dingon kieti jen, tirigi sisip jibet jingon mem Njap dima nittausi lene ma jimbres jenti leu sisar kin mun di kinei di sigi ser jingonti nya hagom ei Allah niyai him leu binhyepo jingon kwes kin Noni.

YOHANES GI NIGOM 2:6

No di pai sut nonti bipia niyaijo nok gom kin Allah lene ma noni yai bram Yesus Kristus niyai kepti.

YOHANES GI NIGOM 4:17

Ingon ngakei yam mungkun tu lewo Kristus kin nyeni igyaijoti noyam tirigi ingat rin ei dihyeisi dini lene gima bindei ba, mibrim ingkek mem Njap di Allah mbus tungwatu nya ingonti.