YOHANES GI NIGOM 2:8 - ALLAH NIHYET MEM TUNGWATU NYA

⁸ Mbro nok gima lo, gini ne nicukti di nijep ri. Kristus niyaijoti kin jeni jiyaijoti hacem ndo brei binye bipia gini ne nicukti di nijit ri. Nidinditi sindi pren sindam ba, nipigati di ningat-ngat sindi com nimig bu.

YOHANES GI NIGOM 2:8 ပူးပေါင်းရင်းမြစ်များ

EFESUS 5:8

Nipou ne jingat rin ei nidinditi. Noro tini bu ne jinok Tuhan de limwa nya bijingat rin ei nipigati. Gima rino ma jiyai kepti nya noyam kin munggwom di intun nipigati him igyai kepti nya.

ROMA 13:12

Jei bi ne mmun pren leu nye rin ba, son dideu njap tekti tu. Ma ikes hon ba, igyai kep mun di kinei di ntun nidinditi him bu au. Noro ma ikrau kep minggwen di ikrau ei nipigati.

YOHANES 13:34

Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam.

YOHANES 8:12

Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”

YOHANES 1:9

Nipigati dima ne nipigati di nijit rin ba, kwei ei dihyeisi dini leu binhyepo piga ei tungwatu nya yahagom ingonti.

YOHANES 12:46

Dikwei ei dihyeisi dini nok nipigati leu binhyepo no di ba ningon com Da gwam ei nidinditi bi.

YOHANES GI NIGOM 4:21

Tut gima lene Kristus nicuk nyeti pai bipia suar no di ningon ngakei Allah ningon ngakei nisut no di Kresten cem.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

YOHANES GI NIGOM 4:11

Disut bat di dingon kieti jen, gino Allah ningon ngakei nye nok gima lene ma nyeni cem ingon ngakei yam.

2 TIMOTIUS GI NICAN 1:10

Noro tini bu ne Allah ndo nisingat tut nyeti tug hon Kristus Yesus di teu nye leu sisar biyai niyaijo nijep binye nikweisi. Noni bindei cut nimai nisindemti leu api kau leu niyaijo nijep di jo kikau tug hon Nihyet Di Kei.

KORINTUS GI NICAN 8:9

Jikan tut ide Tuhan Yesus Kristus nisingat tut nyeti di nindig bibor. Mbro nok gino Noni nyeng tut mun nyeng hagom lo, kes mun dima yok hagom ei leu bibibon Nonti nuhui mbum drek dip je leu binhyepo ba nuhui mbumti dima bibindei bijinyeng bibor.

KISAH 26:18

leu binhyepo apiga igyai ba, acen yok leu nidinditi ug ei nipigati. Leu binhyepo Bilis ninyeng tak kep yok bu bi noro Allah ninyeng tak kep yok. Allah mikos ser ide sisar tug hon ide niba ningon com Dati apino inggre kin Allah de limwa di Noni dimig ei su nya.’ ”

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

LUKAS 1:79

Nok gima lene Noni piga digai puig mem yo di ibong ei nidinditi ba, idigit tut igyaijo ningwig honti. Noni minyohou bie tut nye kak puig di bie ug ei nibong kei nigwam keisi.”

MAZMUR 36:9

Ingon cut hon njita di mpung bipias hagau ei Ade Ig. Asindui sut ba, nidut minyei di biam kwei leu angon singat tut nyeti.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

YOHANES 12:35

Yesus buhup “Nipigati dima mipiga digai je mem njap poi bu he. Gima rino ma jimbut mem nipigati tirigi nipigati piga digai je leu binhyepo nidinditi hatap je bi. No di mbut mem nidinditi krau tunggwei puigya.

MATIUS 4:16

mben di ibong ei nidinditi ingat ninjeng nindig bibor! Ninjeng di piga kei piga mem yo di ibong ei minu nindibutti di nimai nya ide tu!’

YESAYA 9:2

tuhan e, abindei ba, ingon llei bibor bimbos-hi-mbos. Ingon llei sut Ade nisingat tut yokti nya dem kep nok yo di ingon llei sut gandum di ikos kwei leu beisi kin yo di ikwas ndigban di ipos nya tut yam.

MAZMUR 84:11

Gino dicem kep Ade Ig mem njap gom ngat he lene gima kei dor njiriek gi dingat rin ei mpia ttou nsi hiter mem mmun-njap sribu gom a. Dijoi sut gi di ya ser dimbou pmem ei Allah De Ig leu gima dibong kei digwam kei bit yo di isibut nya.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

YOHANES GI NIGOM 3:23

Nicuk nyeti dima ne suar ingon jo kep Nipmot Yesus Kristus ba, ingon ngakei yam bit leu nok Kristus nicuk nyeti.