YOHANES GI NIGOM 2:7 - ALLAH NIHYET MEM TUNGWATU NYA

⁷ Disut bat di dingon kieti jen, srat di dipas kep bak jeni dini ne nicuk nyeti di nijep rin bi. Gini ne nicuk nyeti timiei di itri tut bak jeni habiei ei nimbie him di tibim ei jitingou nsi rin tirigi sindi jingon jo kep Kristus.

YOHANES GI NIGOM 2:7 ပူးပေါင်းရင်းမြစ်များ

IMAM NYA IDE MIDYAI 19:18

Harin dima jeheu yam ba, jingon koi kep yam a. Noro ma jingon ngakei hiter bit leu nok jingon ngakei jenti. Dani ne tuhan bidinok jide Allah ri.

IMAM NYA IDE MIDYAI 19:34

Ma jibibon yok noyam kin jisut bat mben Israel ba, jingon ngakei yok bit leu nok jingon ngakei jenti cem. Ma jiyok ngon kep bipia jibong jingkiaisi ei minu Mesir nipou su. Dani ne tuhan bidinok jide Allah ri.

MATIUS 5:43

“Jikan tut nicukti di sok kep nye bipia ma jingon ngakei jisut bat nya lene ma jingon mpo tut jide siceu nya.

YOHANES 13:34

Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam.

KISAH 17:19

Yo dini ibuwak Paulus biyuug sut ug ei ide dewan yoho bei ei nungug tou Areopagus bipai binoni “Ando tut ningginausi di nijep-jep dini binye leu binhyepo nikan tut.

NINDAT KEP TUHAN NICUKTI NYA 6:5

Ma jiba jingonti titut kin jinnei titut kin jide nisindemti titut bingon ngakei tuhan di nok jide Allah.

IBRANI 6:9

Disut bat di dingon kieti jen, mbro nok gino nipai mun dima yok hagom tu lo, nikrau ningon tut je bi. Nikan tut bipia jiyai mun di kei bibor di ntun him jide niteu leu sisar kin niyaijo nijepti ba, dor njiriek bu.

YOHANES GI NIGOM 2:24

Gima rino ma jinyohou nihyet di jimiap habiei tirigi sindi jingon jo kep Yesus ei jingonti. Gino jinyohou nihyet dima ei jingonti ne jiyaijo nok gom kin Nipmot kin Nicig yahacem kikau.

YOHANES GI NIGOM 3:11

Nihyet di jimiap habiei ei nimbie him tirigi sindi jingon jo kep Kristus pai bipia suar ingon ngakei yam.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

YOHANES GI NIGOM 3:21

Gima rino disut bat di dingon kieti jen, gino ingon mien paisi pai kep nye bi lene ma ibrim ingkek tirigi ikuk nye ei Allah Noho bei.

YOHANES GI NIGOM 3:23

Nicuk nyeti dima ne suar ingon jo kep Nipmot Yesus Kristus ba, ingon ngakei yam bit leu nok Kristus nicuk nyeti.

YOHANES GI NIGOM 4:1

Disut bat di dingon kieti jen! Ma jingon bit yo di ipai sut yonti bipia igyai Allah Ninnei ei ingonti yahagom au. Noro ma jibinai ighyet leu binhyepo jingon dorti tut ninnei dima nikwei leusi. Lewo nabi nitrowai nya imang bibor imbut-mbut nyen bidem dihyeisi dini nisurti-nipekti hagom.

YOHANES GI NIGOM 4:11

Disut bat di dingon kieti jen, gino Allah ningon ngakei nye nok gima lene ma nyeni cem ingon ngakei yam.

YOHANES GI NIGOM 4:21

Tut gima lene Kristus nicuk nyeti pai bipia suar no di ningon ngakei Allah ningon ngakei nisut no di Kresten cem.

YOHANES GI NIGOM 4:7

Disut bat di dingon kieti jen! Jikwei ba, yahagom ingon ngakei yam lewo Allah ne nibousi mem ningon ngakei yamti ri. No di ningon ngakei Allah kin tungwatu nya ne Allah nimunggwom rin ba, ningon dorti tut Noni.