YOHANES GI NIGOM 2:5 - ALLAH NIHYET MEM TUNGWATU NYA

⁵ Noro no di yai igbit Allah nicuk noti nya ningon ngakei Allah mungkun tu. Gima bindo bipia igyaijo nok gom kin Allah.

YOHANES GI NIGOM 2:5 ပူးပေါင်းရင်းမြစ်များ

MAZMUR 105:45

leu binhyepo Nide limwa nya mibit Nide niggai serti nya bice tut Nide nicuk yokti nya cem. Jikwei ba, inggei sut tuhan!

MAZMUR 106:3

Yo di ibit Nide nicukti nya ba, igyai munti nya hagom igbit ne ingon nggei-hi-nggei.

MAZMUR 119:146

Dahara bak Nani leu binhyepo ateu da bidingwes ngun leu api midikrau kep Ade nikos tutti nya.

MAZMUR 119:2

Yo di ibit tuhan nicukti ba, iba ingon titut biyai hamem gima ikan tut Nide nicukti nya ingon nggei-hi-nggei.

MAZMUR 119:4

tuhan e, ayai Ade nicukti binyeni leu binhyepo niba ningon di gom bibit nicukti dima.

NIPINGOK NINGONTI 28:7

Pinjoi pilei nya di ibit nikei de nikos tutti nya ingon ki noro pinjoi pilei nya di ihig isut bit nikinei-kinau nya ibindei ba, icig-ipmem nya immai sut yok.

NIPINGOK NINGONTI 8:32

Gima rino pinjoi pilei jen, ma jingig jitingou mem dihyet. Jibit ditde nipingok jeti apino jingon nggei-hi-nggei.

NIBA NINGON SRIP HUKTI 8:5

Yo di ibit nihyet ibicom yam bit yo di yaham imbuk kep nibou ndig bi. Yo di ingon ki nya ingon hukti bipia Allah miyai nibou tut mun nyeng hagom dem igbit nituti.

YEHEZKIEL 36:27

Midikes Dinnei ei jingonti bidipijuk je leu binhyepo jibit Ditde niggai serti kin Ditde nicuk jeti nya hagom.

LUKAS 11:28

Noro Yesus buhup “Yo di imiap Allah nihyet bibindei mbut nihyet dima ingon nggei-hi-nggei nindig dor njiriek bu.”

YOHANES 14:21

No di ce tut bibit Ditde nicukti nya ningon ngakei Da. Dicig ningon ngakei no di ningon ngakei Da. Dani cem dingon ngakei noni bidindo Danti brei bak.”

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 15:5

Dani ne ba anggur ninjem ba, jeni ne ninda ri. No di com nigau ninghig-niker ei Daniti lene Dani dicom digau ninghig-niker ei noniti ba, noni mingat ningat mang di ntun noni him ri. Gino jisriot jenti leu Dani lene bit bon jingat ningat kan bi.

YOHANES 6:56

Bikwop no di yem dinghui bidut dinggrom cem lene no dima ningon jo gom kin Da ba, dingon jo gom kin noni.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

KORINTUS GI NICAN 5:17

Tungwa tou rino nok gom kin Kristus tu lene no dima nok tungwatu di nijep-jau bu. Ba, niyaijoti nitimiei pror leu su leu api niyaijoti di nijep-jau luei bu.

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

YAKOBUS 2:22

Jo nibreisi mem na bi e? Nide niba ningon comti kin niyai munti nya bicim tindei yam. Niyai munti nya bindei ba, nide niba ningon comti dem bimahan tu.

YOHANES GI NIGOM 3:24

No di yai igbit Allah nicuk noti nya niyaijo nok gom kin Allah ba, Allah niyaijo nok gom kin noni. Ingon dorti tut bipia Allah niyaijo nok gom kin nye tug hon Ninnei di Noni kes ei ingonti.

YOHANES GI NIGOM 4:17

Ingon ngakei yam mungkun tu lewo Kristus kin nyeni igyaijoti noyam tirigi ingat rin ei dihyeisi dini lene gima bindei ba, mibrim ingkek mem Njap di Allah mbus tungwatu nya ingonti.

YOHANES GI NIGOM 4:18

No di yai ningon ngakei yamti leu Allah ningon digit bi. Lewo ningon ngakei yamti di kwei leu Allah bindei pror ningon digitti hagom bingwig. Gino hi ningon digit tut Njap dino Allah migwam nok Nikei mem tungwatu nya ne no dima yai ningon ngakei yamti ei ningonti bi.

YOHANES GI NIGOM 5:2

Gino ingon ngakei Allah bibit nicuk nyeti nya lene ma ikan tut bipia ingon ngakei Allah nimunggwom bat nya cem sindam.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

YOHANES GI NICAN 1:6

Ningon ngakei yamti ket ei nibit Allah nicuk nyeti. Nicuk nyeti di tibim habiei ei nimbie him pai bipia suar jahagom jingon ngakei yam kikau ug bipek jiyaijo ningwig honti.

NINGAT-HI-NGAT NYA 12:17

Naga gga no di sop nindig bibor leu api ug kon pran bit yo di nindigsi di intun sop him. Yo dini ne yo di ibit Allah niggai serti nya cem ingon gom tut Yesus niyai munti kin ningginausi nya ri.

NINGAT-HI-NGAT NYA 14:12

Gima rino ma Allah de limwa di ibit nicuk yokti nya di ingon gom tut Yesus cem ma ingon nddong.