YOHANES 9:34 - ALLAH NIHYET MEM TUNGWATU NYA

³⁴ Apino nibou nya ibuhup “Mbenjen! Abon kep sisar habiei leu apmem nisrek tut nati kikau kwei bipek ammani kep leu api abingon mem gima angginau nyeni e?” Hon kep njap dima kui ne icom noni leu yo di inggre kin mben Yahudi ide mbusyamei.

YOHANES 9:34 ပူးပေါင်းရင်းမြစ်များ

NITRITI 19:9

Noro mben Sodom dima imbrua ser nihyet bipai “Aya bileu! Nani ne ngkiai ba, anyeng tak kep nye bi. Aya bileu! Leu mbigom minimbuk tut na nindig bibor dor njiriek pinai cin dima.” Lene irok Lot ei itta bibisau ndam dimbou binggek.

NIBOHON MBEN ISRAEL GI NICAN 25:16

Lene Amazia mbrua kep nihyet bipai “Akes ahyet hak. Leu gi bi ne miniyai nimai bina! Nita nani nok no di pingok kep nibou ndig ningonti bi sren.” Leu api nabi dima kes nihyet lo, bon nituti gom di pai bak “Nogindini dikan tut bipia Allah kos tut mem gima bindei sar Na Di Andigpoi drek dip abon munti nya dima ba, arok dipingok nati cem dima.”

AYUB 14:4

Bon no di bon sisar bindei ba, mun di kwes kei ntun him e?

AYUB 25:4

Tungwa hi kei-kau ei Allah niyai him e? Hi ningon kwes-kwau ei Noho bei e?

MAZMUR 51:5

Dipai jit ditunggweisi nya hagom ba, ditde sisar nya jo nibreisi mem da bikwop mmun-njap.

NEHEI LEUSI 2:14

Lene no dima buhup “Tou rindo nani nok nibou kin nikei dino abakei nyeti i? Mpaba ma ayai nimai bida nok gi po ayai nimai bak timiei minu Mesir gom pima e?” Apino Musa ningon digit tut bikan “Aye! Tungwatu nya ikan tut mun di siyai annani pima tu.”

NIPINGOK NINGONTI 22:10

Ma jijji no di ba nihyet bicig hiter leu jikieti apino nisrep huk yamti kin niba nitok biyamti kin nipai yam kineisi ntus.

NIPINGOK NINGONTI 26:12

No di ningon mbum bibor kei njiriek no di pai sut nonti nok no di ningon ki noro ningon ki bi.

NIPINGOK NINGONTI 29:1

No di ba ningkek ndok bibuhup bak nindigsi nya di ipingok kep noni ninyen ne mpe di gom noni mitug midut nipou tirigi luei ningonti tut bigyo.

YESAYA 65:5

Imbrua ser tungwatu nya bipai ‘Jiya bileu nye bijingget nye au! Nimbres nye leu je lewo nikwes-kwau!’ Noro diyai ngkek ttin yok bidingon mpo tut yok! Dingon sibui sut yokti dem kep nok hum di sror di imu hanyen kan bi.

YESAYA 66:5

Je di jittin tut tuhan bijibit nihyet e, ma jingig jitingou mem mun di Noni pai bije “Mbro nok gino jiba jingon di gom bibit Da lo, bihi di isrig jikieti ingon kinei sut je ba, ikou sut gi ijem isut bit je. Iba ighyet bicig je bipai ‘Handei kon ba, tuhan kiju bindo Nide ninyeng jeisi brei bije lene bindei ba, jingon nggei-hi-nggei biningat bou niyai him.’ Noro yoni ibiyai nimmai biyonti.

LUKAS 11:45

Lene guru Puig Yahudi nicukti gom nso Yesus tut bipai “Guru e, apaisi dima sibui nyeni cem ningonti!”

LUKAS 14:11

Lewo Allah moom kep no di bisau sut ninyeng jei noro Noni mikon bikwop no di om kep ningonti ninyenga.”

LUKAS 18:17

Ma jiyok ngon kep! Bit bon no di ya um Allah noyam kin munggwom dini yok bi nggre kin Allah ninyeng tak kepti bi sren.”

LUKAS 6:22

Mpe dino tungwatu nya ingon sibui sut je cem ingon mpo tut je cem ikucang je cem ikkin kep jinghapti cem drek dip Da di Munggwom Tungwatu Nipmot lene ma jingon nggei-hi-nggei!

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

YOHANES 8:41

Jiyai munti nya bram jicig niyai munti. Ibuhup “Ninok munggwom di isrek tug hon nibon sisarti bi. Nyeni nicig gom ngat di Allah Nongkom he.”

YOHANES 9:2

Yo di igya kui Yesus ihig simber Noni “Guru e, tou ribon sisar di bindei dino no dini srek kin niyai di tu i? Nonti e, he nicig-nipmem nya e?”

YOHANES 9:22

Nicig-nipmem nya ibuhup nok lewo idigit tut nibou mben Yahudi nya di igyok ingon gom tut bikwop no di mbot kep tut bipia ningon jo kep Yesus nok Nibou Ndig di teu tungwatu nya biyai niyaijo nijep biyok lene micom noni leu yo di inggre kin mben Yahudi ide mbusyamei.

YOHANES 9:35

Yesus miap tut gino nibou nya iciu ser no dima ninyeng leu daptar di tibim tut yo di inggre kin mbusyamei Yahudi inyeng lene Noni nggok bihig ser noni “Aba angon com Munggwom Tungwatu Nipmot e?”

YOHANES 9:40

Farisi nya ibou poi di igya ei mpia dima imiap Yesus nipaisi leu api ihig ser Noni “Apaisi dima ndo bipia nyeni cem niyai tu e?”

KORINTUS GI NIGOM 5:13

Bit leu nok gi ipas ei Allah nihyetti “Ma jicom no di sibut leu jikieti hak ug.”

GALATIA 2:15

Mbro nok gino nyeni ne mben Yahudi bibit leu ide nisrekti rin ba, intun him “ngkiai di ibon kikep sisar nya” bi lo,

EFESUS 2:3

Nipou ne yahagom inok yo dima. Igyai munti nya bit leu ingut kanti di ntun dihyeisi dini him ba, ingut kanti dima kin ingon kanti yuubon nye nok awaga. Mpe dima lene nyeni ne tungwatu di itug ndei hukum leu Allah rin noyam kin yo di hiter yahagom.

PETRUS GI NIGOM 5:5

Je di pinai pilei nya e, ma jibou cut bak andigpoi nya. Ma Allah de limwa nya yahagom iba ibou coi mem yam ba, inok awak mem yam. Bit leu nok gi ipas ei Allah nihyetti “Allah hwen bit yo di ingon jei nya noro singat tut yo di iba ibou coi mem yam.”

YOHANES GI NININGAI 1:10

Gino dihwou ngat je lene midimbot kep tut niyai munti nya hagom. Lewo noni kkin kep nyeni ninghapti biris mun ei nye dip cem! Ba, ningon cut hon niyai munti nya dima he bi. Lewo noni cigit yo di Kresten kui ig bi noro cuon ser yo di ingon jo kep nya di ijoi sut icigit yok kui ig bijji yo di ingon jo kep dima yok leu mbusyamei ikieti!

YOHANES GI NININGAI 1:9

Dipas kep srat cun ningat gom bidipinak hwou ndam ade mbusyamei tu noro Diotrefes di ningon pri kep ninyeng nibou mbusyamei kou sut ditde nipingok noti.

NINGAT-HI-NGAT NYA 13:17

Gino nitak bukti dima jo ei tungwa hi ningkek dip bi lene bit bon tri mun bibipek mun nyeng hi bi sren. Nitak bukti dima ne mindhe gi nigom ninyeng bitut nomor di ndo tut ninyeng ri.