YOHANES 9:31 - ALLAH NIHYET MEM TUNGWATU NYA

³¹ Ningat ne Allah buhup yo di ibon kep sisar ighyet bi. Noro buhup yo di ikuk yok biNoni kin yo di ice tut bibit Nonti ningon kanti yahagom ighyet.

YOHANES 9:31 ပူးပေါင်းရင်းမြစ်များ

NITRITI 19:29

Gima rino tirigi Allah cok tut minu ndig nya ei mbang briep dima hagom bitut Lot de biyati cem bingwig lene ningon prion ser Abraham bi. Lewo Noni sindui sut Lot binang biningwes ngun leu su.

NITRITI 20:7

Noro suar atug noni hanyen bak nijjep nogindini. Lewo nijjep ne nabi rin ba, noni mingat nadi tindei je leu binhyepo jitug ndei nimai bi. Amiap e, gino atug noni hanyen bak nijjep bi lene nani kin ade limwa nya cem jahagom mijitug ndei nimai hak.”

AYUB 35:12

Yo dima yahara noro Allah buhup ighyet bi. Lewo isibut ba, ide ninggei sut yonti ma yo tu.

AYUB 35:13

Yahara tignam ba, ighyet ngwig leu yok lo, gima mikuisi lewo Allah Di Sindem Bibor ba niyai nghuisi bijik kep yok bimiap ighyet bi.

AYUB 42:8

Nogindini ma jijem sapi nikre ningut muhwindacan kin domba nikre ningut muhwindacan ba, jijem bak Ayub. Lene ma jibui mindhe dima hagom bijindig kep hum ei nimbar hum dokti drek dip jide sisar. Ayub mingat nadi tindei je lene midibuhup nihyet. Mbro nok gino jiji kipa tut Da bijipai mun di igbit bi lo, midibinim kep je ba, suar jibiang jipai munti nya nibuhunti bi. Noro Ayub pai mun di igbit tut Da.”

MAZMUR 106:23

Allah pi bibou bindei sar Nide limwa nya noro Musa di Allah dimig ei pima ngkiem ser yok bicuon igyaisi apino Allah niggati cut leu yok ug a.

MAZMUR 143:10

Angginau da leu binhyepo diyai igbit angon kanti lewo Nani ne ditde Allah ri. Ma asingat tut da ba, abie tut da kak puig di sur yam kei.

MAZMUR 145:19

Noni miyai mun di indwau sut nya bak yo di inggei sut Noni. Noni ngig nitingou mem ighyet tirigi yahara Noni apino Noni teu yok bingwes ngun.

MAZMUR 18:41

Abindei ba, ditde siceu nya ikiju binang leu da apino dibindei sar yo di iba nitok bida cem yahagom.

MAZMUR 40:8

Lene dibuhup “tuhan e, da rini. Srat bokti di ipas ei srat kijumti pai,

MAZMUR 99:6

Musa kin Harun inyeng tibim kin Nide imam nya ba, Samuel ne no di ngat nadi bak Noni ri. Yo dima yahara tuhan lene Noni buhup ighyet.

NIPINGOK NINGONTI 15:29

tuhan miap kep yo di ingon kwes kei nya ide nadi noro ba ningha bak yo di isibut nya ighyet.

NIPINGOK NINGONTI 21:13

Gino angkek ndok tut nuhui mbum nya ne mpe dino nani ahara tungwatu nya lene hi mingondut nani bi.

NIPINGOK NINGONTI 28:9

Gino abit Allah nicukti bi ne ningon him wei sut nadi di tibim ei ahui him.

YESAYA 1:15

Mpe dino jingat nadi bijisu jinda lene midikiek Doho ter leu je. Mbro nok gino juhuk nadi bijo ninno bijo kikau lo, midingig ditingou mem jihyet bi. Lewo jiba jinda hwen mun mang tu.

YESAYA 58:9

Mpe dino jingat nadi ne midibirop hanyen bije. Mpe dino jahara Da ne midibuhup jihyet hanyen. Gino jimbuk tut yam bijiba nitok biyam ba, jipai yam nghapti cem bu bi ba,

YEREMIA 11:11

Gima rino Da di tuhan dipingok ingonti. Suar igyok ngon kep bipia midikes mun di buhun bibor kwei ei yoni dip ba, bit bon ingwes ngun kan bi. Gino yahara mem gima dimpu yok lene midimiap ighyet bi.

YEREMIA 14:12

Mbro nok gino igyem njita bi mem nituti poi lo, midingig ditingou mem ighyet bi. Mbro nok gino ibon midut nindig mindhe titut kep nimbar humti kin midut njita nibipai sigyo bak Dati lo, dijoi sut yok bi. Noro midiba pran kin ninggum kin nsuwer ajar bihwen yok ningwig a.”

YEREMIA 15:1

tuhan pai bida “Mbro nok gino Musa kin Samuel ikwei ya Doho bei bimbrap gau yo dini lo, dingon nggriu sut yok kan bi. Ma ajji yok ug ei minu ting leu Doho bei hak ug.

YEHEZKIEL 8:18

Yoni mitug ndei Ditde niggati di buhun bibor! Dingondut yok bidikos ser ide sisar bi. Mbro nok gino iba nadi bahara tignam-tignam biDa lo, midimiap ighyet bi sren!”

MIKHA 3:4

Jei bi ne jahara tuhan bikwei mpu je noro Noni kou sut gima buhup jihyet lewo jirom je kep jiyai munti di mbuk bibor nya.

ZAKHARIA 7:13

Dibuhup ide nadi bi drek dip gino igimiap kep dihyet tirigi dimbrap bit yok bi.

YOHANES 11:22

Mbro nok gima lo, dikan tut bipia Allah mibirop ahyet tut mun di ahara Noni.”

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

YOHANES 9:30

No dima buhup “Mbenjen! Jikan tut nitimieisi bi noro Noni bindei bidiyai da hanyen!

YOHANES 9:32

Habiei leu nimbie him kikau kwei bipek ammani kep ne hi gi miap tut no di sindem mem gima bindei ba, no di niyai tu tirigi nipmem srek tut hi di niyai da hanyen nok gima bigyo.

NINDAT KEP TUHAN NICUKTI NYA 1:45

Leu api jingkwei hanyen ba, jahara tuhan kwei mpu je noro Noni miap kep jihyet bi noro ba ningha bak jeni.”

IBRANI 10:7

Lene dipai ‘Allah e, dingat rini ba, ditin ei mem diyai midyai bit leu angon kanti di ipas ei Allah niggai serti tut Da.’ ”