YOHANES 9:29 - ALLAH NIHYET MEM TUNGWATU NYA

²⁹ Lewo nikan tut bipia Allah mbrap bit Musa. Noro nikan tut No dima nitimieisi bi.”

YOHANES 9:29 ပူးပေါင်းရင်းမြစ်များ

YOHANES 8:14

Yesus buhup “E bi. Mbro nok gino dimbrap gau Danti lo, dipaisi dima nijit lewo dikan tut dikwei leusi kin duug eisi cem. Noro jikan tut dikwei leusi kin duug eisi bi.

KISAH 26:22

Noro Allah nyohou da habiei kikau kwei bipek ammani kep. Gima rino diya diyati dini biditri tut mun di dingat bou diyai him bak tungwatu yahagom bitut yo di inyeng jei kin yo di ibon inyeng bi. Nihyet di tibim ei duhui him dem igbit mun di nabi nya kin Musa ipai sut mipek kep mem nye.

KISAH 22:22

Tungwatu pima yok ingig itingou mem Paulus nihyet kikau ug bipek nipaisi bipia suar noni ug tri tut nihyet bak ngkiai nya lene gima bindei ba, yahagom ighyet ngwig kep noni drek dip ba, yahara kros bipai “Jikwei ba, ihwen noni hak ug! Dem mem gima niyaijo bu bi.”

KISAH 7:35

Musa dini ripo mben Israel irok ei itta tirigi isrep tut noni ‘Tou rino ndo nani nok nibou kin nikei mem nye dino abakei nyeti i?’ Noro noni ne no di Allah pinak kwei nok nibou kin no di teu yok bingwes ngun tug hon malaikati di ttau kep noni ei hum njeng di piga biei mon nok hum sror pima nide nisindemti ri.

YOHANES 9:24

Lene nibou nya ihig no dima kwei mbigom bu bibidip huk “Ma aheng bitug hon Allah ninyeng bipia ma apai mun di nijit-jau binye. Nikan tut bipia No dima ne No di bon kep sisar ri.”

YOHANES 9:16

Farisi nya ibou poi isimbot kep biyam “Jo nibreisi bipia No di bindei ba, no dini niyai da hanyen ntun Allah him bi lewo niyai munti dima bit nidimig sutti tut Njap Nigwam Kep Ninghuisi bi.” Noro hiter isrep “Notou no di bon sisar bon mindur dini i?” Lene isrep yam.

YOHANES 7:27

Noro tirigi Nibou Ndig di teu tungwatu nya biyai niyaijo nijep biyok kwei lene tungwatu nya mikan tut nitimieisi bi. Lo, nyeni ikan tut No dima nitimieisi.”

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

LUKAS 23:2

Ikkin kep Yesus ninghapti ei sirima bipai “Nittau kep No dini tirigi Noni kes ningon bak ade limwa nya. Noni pai ser tungwatu nya bipia ma igo belasten bak Kaisar au noro jem Nonti ninyeng bipia Nibou Ndig di teu tungwatu nya biyai niyaijo nijep biyok.”

MATIUS 26:61

lene ibicum bipia “No dini pai ‘Dilet Tuhan De Ig leu api dingot hanyen biput ei njap ningai.’ ”

MATIUS 12:24

Tirigi Farisi nya imiap nihig ser yamti dima lene isrep “Beelzebul di nibou ndig mem ninnei rom nya ya Yesus ningonti bisindem tut Noni leu binhyepo jji ninnei rom nya.”

MALEAKHI 4:4

Ma jiyok ngon kep Ditde awak di Musa ningginau jeti nya. Ma jikan kep dicuk noti nya kin niggai serti nya di diyai binoni ei Nungug Sinai leu binhyepo mben Israel yahagom ibit.

MAZMUR 106:16

Lene ingon kinei sut Nide awak di Musa kin Harun di ingon kwes nya ei iggum ndigsi.

MAZMUR 105:26

Noni pinak Nide awak di Musa kin Harun di Noni dimig yok ei su nya.

MAZMUR 103:7

Noni ndo ningon kanti brei bak Musa bibindei ba, mben Israel ingat Nide mindur di sindem bibor nya bou igyai him cem.

MAZMUR 22:6

Yahara Nani lene ateu yok leu mun di buhun ba, ingwes ngun. Iba ingon com Na apino ingon pus tut Na bi.

NIBOU NDIG NYA GI NICAN 9:11

Tirigi Yehu ngkwei hanyen ndam nisut bat nya leu api ihig ser noni “Mirei bon dima kwei pai mindei ngan bina ba, bon mindei bit na cem i?” Lene Yehu buhup “Mei, jikan tut tu.”

NIBOU NDIG NYA GI NIGOM 22:27

Disok dihyet bak yoni leu binhyepo icom noni ug ei ig bui nsi lene ma ikwas njita poi mien he kin minyei poi mien he tut noni bibou dikwei hanyen leu Ramot bidingwes ngun ug e.”

NINDAT KEP TUHAN NICUKTI NYA 34:10

Nabi di noyam kin Musa hi srig mben Israel ikieti bi sren. Lewo tuhan ndo Nonti bak bimbrap hammi Musa niimaisi.

MBEN ISRAEL IMBUT-MBUT NYEN 16:28

Lene Musa pai bak limwa dima yok “Tug hon nisinati dini mijikan tut bipia tuhan cuk da mem diyai mun dini yok hagom lewo diyai munti dini ntun danti dingon kanti him bi.

YOHANES 7:28

Tirigi Yesus sisip ngginau kep yo dima ei Tuhan De Ig lene Noni ba nihyet nindig bipai biyok “Jikan tut Da e? Jikan tut ditimieisi e? Dikwei bit leu dingon kanti bi. No di ningon sren-srau cuk Da kwei. Jikan tut Noni bi,

YOHANES 9:30

No dima buhup “Mbenjen! Jikan tut nitimieisi bi noro Noni bindei bidiyai da hanyen!

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.