YOHANES 9:16 - ALLAH NIHYET MEM TUNGWATU NYA

¹⁶ Farisi nya ibou poi isimbot kep biyam “Jo nibreisi bipia No di bindei ba, no dini niyai da hanyen ntun Allah him bi lewo niyai munti dima bit nidimig sutti tut Njap Nigwam Kep Ninghuisi bi.” Noro hiter isrep “Notou no di bon sisar bon mindur dini i?” Lene isrep yam.

YOHANES 9:16 ပူးပေါင်းရင်းမြစ်များ

MATIUS 12:10

no di ninda nite hi mai cem no rima. Lene ibou poi di itin ei mem ipai kep Yesus drek dip Nide midyai nya cem yo rima ba, ihig singgre Noni “Allah niggai serti sindui sut nye ba, ibindei tungwatu nya ikei hanyen mem Njap Nigwam Kep Ninghuisi e? He sindui sut nye bi e?”

MATIUS 12:2

Tirigi Farisi nya ingat igyai munti dima lene inso tut bak Yesus bipai “Angat i! Nggon rino yo di igya kui Na ibon mun tunggwei sut ide Allah niggai serti mem Njap Nigwam Kep Ninghuisi i?”

LUKAS 13:14

Nibou mbusyamei ningon sibui sut Yesus di bindei ba, sop dima kei hanyen mem Njap Nigwam Kep Ninghuisi. Gima rino noni pai bak yo di idem yam ei dima “Nyeni igyai kikep ide midyai nya mem las gom kikau ug bipek las muhwindagom. Gima rino ma jikwei yai gi kei hanyen mem njap ngot dima noro ma jikwei yai gi kei hanyen mem Njap Nigwam Kep Ninghuisi au!”

YOHANES 10:19

Lene tungwatu nya isrep yam tut mun di tibim ei Yesus nuhui him.

YOHANES 14:11

Ma jingon jo kep Da tirigi dipai bipia dinok gom kin Dicig ba, Dicig nok gom kin Da. Gi bi ne ma jingon jo kep Da tug hon midyai di diyai nya.

YOHANES 15:24

Gino diyai midyai di bit bon yo di hiter igyai kan bi ei ikieti bi lene ingon mui ba, sisar ntun him bi. Noro tini bu ne ingat Ditde midyai nya hagom bou igyai him ba, ingon mpo tut Dani kin Dicig tu.

YOHANES 2:11

Mindur dima ne Yesus sindi bibon tirigi nimbie him ei minu mien Kana ei hanjop Galilea. Noni ba bindo dima bindo tut Nide ninyeng jei biborti. Gima rino yo di igya kui Noni ingon jo kep Noni.

YOHANES 3:2

Mpe di gom lene noni ug ngat Yesus mem mmun bihig ser Noni “Guru e, nikan tut bipia Nani ne guru di Allah cuk kwei ri. Gino Noni ningat rin bit Na bi ne bit bon abibon mindur nok gi abibon dima kan bi.”

YOHANES 5:10

Gima rino nibou mben Yahudi nya isok kep no di sindi kei hanyen dima “Harin dima akon ade kwo di abongti a. Lewo njap di ammani ne Njap Nigwam Kep Ninghuisi ri.”

YOHANES 5:36

Mun nyeng gom di bindo tut Da nindig bibor dor njiriek bindo di Yohanes ndo pima. Dicig cuk Da mem diyai kep midyai apino midyai di diyai kep nya hagom bon ninyeng dor njiriek mun di Yohanes tri tut Da. Ditde midyai nya ndo brei bipia Dicig cuk Da kwei.

YOHANES 6:52

Imiap nihyet dima lene mben Yahudi isrep yam tut bihig yam ser “Notou No dini yai Nonti ninghui binye ba, igyem i?”

YOHANES 7:12

Tungwatu ningot ndig di induk yam kwei imang bibor yahamui nyahan biyam tut Yesus. Bihi ipai “No dima kei bibor.” Noro bihi isrep “Noni bindei srawir tungwatu nya imang bibor.”

YOHANES 7:23

Gino jibon midut dima mem njap nigwam kep ninghuisi leu binhyepo jipigau Puig Yahudi nicukti nya bi lene nggon rino jingon sibui sut Da drek dip gi dibindei ba, tungwagom kei hanyen mem Njap Nigwam Kep Ninghuisi i?

YOHANES 7:43

Gima rino tungwatu nya isrep yam tut Yesus.

YOHANES 9:24

Lene nibou nya ihig no dima kwei mbigom bu bibidip huk “Ma aheng bitug hon Allah ninyeng bipia ma apai mun di nijit-jau binye. Nikan tut bipia No dima ne No di bon kep sisar ri.”

KISAH 14:4

Noro timiei minu ndig dima isrep tut yam ba, bihi itti kin mben Yahudi lo, bihi itti kin Paulus kin Barnabas.