YOHANES 8:9 - ALLAH NIHYET MEM TUNGWATU NYA

⁹ Tirigi nibou dima yok imiap Yesus nipaisi nok rino yahagom intek gimahap sindam ba, andig-ndau nya intek bibie. Lene Yesus gwam nigwamti lo, misop dima ya niyati.

YOHANES 8:9 ပူးပေါင်းရင်းမြစ်များ

NIBOU NDIG NYA GI NIGOM 17:18

Gima rino kibom hig ser Elia “Andigpoi di anok Allah de awak e, nggon rino abon mun di kinei bibor dini tut da i? Akwei bong bit nye leu binhyepo abindei ba, Allah yok ngon kep ditde sisar bibindei ba, dipmot mai drek dip sisar dima e?”

NIBOU NDIG NYA GI NIGOM 2:44

Ayai munti di kinei bibor di bitut dicig hagom jo nibreisi mem na tu. tuhan mikes hukum ei nani dip drek dip gima ug ri.

AYUB 20:27

Mpia-bbed him ndo nide nisibut biborti ei nibreisi lene dihyeisi kiju bipai kep noni.

AYUB 20:5

no di sibut ningon nggei-hi-nggeisi jo jei bi. No di miap nihyet bi cem ningon keisi jo jei bi noro dem kep niyai mpau di bingmai he.

MAZMUR 40:14

tuhan e, abipbur ba, ateu da ba, ampu da cem!

MAZMUR 50:21

Jiyai kep gima yok hagom lo, digwam nyahan leu. Gima rino jikan bipia Dani dinoyam kin jeni. Noro tini bu ne dinjei kep jeni ba, dibindei mun dima yok hagom bijo nibreisi mem je.

MAZMUR 71:13

Handei kon ba, nimmai kui yo di ikwei hwen da ba, ibisar cem. Handei kon ba, yo di ibingon mem gima duum mun di buhun ingon tai-tai bou ba, tungwatu nya inim kep yok cem.

NIBA NINGON SRIP HUKTI 7:22

Nanti cem angon huk niti bipia aba ahyet biyai yo di hiter mbirimang bibor tu.

LUKAS 13:17

Nibuhupti dima bindei ba, Nide siceu nya immai sut yonti nindig bibor noro yo di idem yam ei nya ingon llei sut bikwop mindur di Yesus bibon nya.

YOHANES 8:10

Lene Yesus kon nibou bitou kep noni lene hig ser “Yo dima ritou i? Hi pai kep na bi e?”

YOHANES 8:12

Lene Yesus pai bak yo di imang bibor dima hanyen bu “Dani ne nipigati mem dihyeisi dini ri. No di bit Da mbut mem nidinditi bi noro yai nipigati di niyaijo nijep.”

YOHANES 8:2

Njap bigyoti di hyep bu lene Noni ngkwei hanyen kwei ei Tuhan De Ig. Tirigi tungwatu nya yahagom ingwig kep Noni lene Noni gwam jug ba, sindi ngginau yok.

YOHANES 8:3

Leu api guru Puig Yahudi nicukti nya kin Farisi nya ibuwak misop gom di cut ei sisar nicut tut yamti kwei ndam Noni bikes noni biya ei yahagom yoho bei,

YOHANES 8:8

Pai nok rino Noni ndun bou bitou kep dihyei ninjek dip bipas ei dihyeiti hanyen bu.

ROMA 2:15

Igyai kepti nya ndo brei bipia Allah nicuk yokti nya dima jo ei ingon mienti tu. Ingon mien ndo bindo tut mun dima yok lewo mpe hi ingon mien pai kep yonti lo, mpe hi bu ingon mien mbrap gau yonti.

ROMA 2:22

Jitri tut bipia ma tungwatu nya icut tut hi ter nitnem au. Nggon rino jicut tut kikep hi ter nitnem i? Jingon mpo tut kwar di tungwatu nya ikuk yok bak lo, nggon rino jipos ndigban leu ig kwar dima yok kikep i?

YOHANES GI NIGOM 3:20

Gino ingon mien paisi pai kep nyenti lene ma igyok ngon kep bipia Allah sindem njiriek ingon mien paisi dima ba, Noni kan tut mun nyeng hagom.