YOHANES 8:55 - ALLAH NIHYET MEM TUNGWATU NYA

⁵⁵ jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet.

YOHANES 8:55 ပူးပေါင်းရင်းမြစ်များ

YEREMIA 4:22

tuhan pai “Ditde limwa nya ingon mbum bibor ba, igikan igbit tut Da bi. Idem kep munggwom di ingon huk niti tut mun nyeng hi haninyai bi. Ingon guhuk niti poi mien cem bi hak ug. Tut mun di kinei ne ibon kep igkei noro itunggwei sut nibon mun di keisi nya.”

YEREMIA 9:3

Itindei kep nituti mem gima iris mun bijo kikau. Mun di nijit ninyeng tak kep minu titut yam bi. Noro ningon sren bisi kieng kep minu nisurti-nipekti. tuhan pai “Ditde limwa nya ibon mun di kinei bibor bijo-jo yam dip. Ikon Dani bidinok ide Allah cem bi.”

HOSEA 5:4

Mun di mbuk di mben Israel igyai dima bindei ba, bit bon ingkwei hanyen ndam ide Allah kan bi. Gi ikuk yok bak kwar nya dima kat yok bingkiem ba, ijoi sut Da bikuk yok biDa cem bi.

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 10:15

Dicig ngat igbit Da bidingat igbit Noni cem. Gima rino ditin ei mem gima dikes Dinnei ei mem domba Tde nya.

YOHANES 15:10

Gino jibindei mbut Ditde nicukti nya apino jingon gom tut Ditde ningon ngakeisi. Gima noyam kin dingon gom tut Dicig Nide ningon ngakeisi tug hon gi dibit nicukti nya.

YOHANES 15:21

Yoni ibibon je nok gima drek dip gi jibit Da lewo ikan tut No di cuk Da kwei bi.

YOHANES 16:3

Yo dima ibibon je nok lewo ikan igbit tut Dicig kin Dani cem bi.

YOHANES 17:25

Arig di ningon sren-srau e! Tungwatu dihyeisi dini ikan tut Na bi sren noro dikan tut Na ninno tu. Yo dini ikan mungkun tut bipia acuk Da kwei.

YOHANES 6:46

Gi dipai dima ndo bipia hi ngat Dicig bou niyai him tu ne bi. Noro Nongkom di juk kwei leu Allah ngat Nicig bou niyai him tu.

YOHANES 8:19

Ihig ser Noni “Acig No hantou i?” Noni buhup “Ningat ne jikan tut Da igbit bi bijikan tut Dicig cem igbit bi. Gino jikan tut Da tu lene jikan tut Dicig cem.”

YOHANES 8:29

No di cuk Da kwei cem ningat rin kin Da bikes Da ei bi lewo diyai midyai bit leu Nonti ningon kanti bikwop mmun-njap.”

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

YOHANES 8:51

Dipai nijit bije bipia no di bit dihyet mai bu bi sren.”

YOHANES 8:52

Lene ibuhup bak Yesus “Nogindini jo nibreisi mem nye bipia nung kui Na! Abraham mai leu su ba, nabi nya cem imai leu su noro atri tut bipia no di bit ahyet mai bu bi sren.

KISAH 17:23

Lewo tirigi dimbut-mbut nyen ei jide minu ndig dini lene dingat mpia ttou nsi di jikuk je bak jide kwar eisi nya bidittau kep nimbar hum dok mem midut gom di srat bokti joti. Ipas eisi ‘Mem Allah Di Nikan Tut Bi.’ Mbro nok gino jingon kiowi tut Allah di jikuk je bak dima lo, nogindini dindo Noni brei bije.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

YOHANES GI NIGOM 1:6

Gino ipai sut nyenti bipia igyaijo nok gom bit Noni lo, ingkwei-ngkwei nyen kep puig nidinditi ne gima nok iris mun tug hon ighyet kin igyai munti nya.

YOHANES GI NIGOM 2:22

Niris kep mun cig ne no di tri tut bipia Yesus ne Nibou Ndig di teu tungwatu nya biyai niyaijo nijep biyok rin bi. No dini ne No di Ba Nitok Bak Kristus rin lewo noni rok Icig Allah kin Nipmot yahacem.

YOHANES GI NIGOM 2:4

Gino hi pai “Dingon dorti tut Allah mungkun tu” lo, yai igbit Allah nicuk noti nya bi lene no dima ne niris kep mun cig rin ba, Allah coi ei ningonti bi.

YOHANES GI NIGOM 5:10

Gima rino no di ningon jo kep Allah Nipmot pwoi mun di Allah ngat bou niyai him bitri tut dima ei ningonti. Noro no di ningon jo kep Allah bi pai kep Noni bipia Noni ris. Noni pai nok lewo ningon jo kep mun di Allah ngat bou niyai him bitri tut Nipmot bi.

NINGAT-HI-NGAT NYA 3:9

Jimiap e, midibindei nimpung Bilis de limwa nya di iris-ris nyen di ipai sut yonti bipia yoni ne mben Yahudi rin dima yok bikwei kuk yok ei jimig him. Mijo nibreisi mem yok bipia dingon ngakei je.