Yo di imang bibor itug ndei ingon di kwes kei tug hon mun di bingon yok. Yo di ibon kep mun di kinei bibor nya ingon huk niti bi. Leu api ibon mun di kinei bibor kikau. Yo di ingon ki nya he rima ingon huk niti a.
Gima rino Pilatus hig ser Noni “Gi nok lene Nani ne Nibou Ndig hi rin e?” Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”
Ma jiyok ngon kep bipia nituti dem tu ba, mpe dima kwei bu cem yo di imai nya imiap Allah Nipmot nihyet. Leu api yo di imiap nihyet igyai niyaijo nijep.
Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.
No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.
No di krau kep Kristus nipingok nyeti bi noro krau tunggwei nipingokti niyaijo nok gom kin Allah bi. No di krau kep Kristus nipingok nyeti niyaijo nok gom kin Icig Allah kin Nipmot cem.
Disut na di dingon kieti e, ma ayai bram yo di ibon mun tunggwei nya igyai munti nya au. Noro ma ayai bram yo di ibon mun di igbit nya igyai munti nya. Allah ninyeng tak kep no di bon kep mun di igbit. Noro no di bon mun tunggwei nya ningon dorti tut Allah bi.