YOHANES 8:44 - ALLAH NIHYET MEM TUNGWATU NYA

⁴⁴ Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

YOHANES 8:44 ပူးပေါင်းရင်းမြစ်များ

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NIBOU NDIG NYA GI NIGOM 22:22

Lene Allah hig ser noni ‘Aris bak noni notou i?’ Lene ninnei dima buhup ‘Duug ngat Ahab de nabi nya lene midibindei ba, yahagom iris mun.’ Lene Allah cuk noni ‘Aug ba, aris bak noni hak ug lewo ayai munti dima mingat ningat ug ri.’ ”

NIBOHON MBEN ISRAEL GI NIGOM 21:1

Jei bi lene Bilis joi sut bindei ba, mun di buhun micut igkep mben Israel. Gima rino pingok ei Daud ningonti leu binhyepo pas kep nide limwa nya inyeng bikan tut imangti.

AYUB 1:11

Noro gino apos mun di noni nyeng tut nya hagom bingwig leu noni lene mbigom nihyet miwer mpiahi tut Na di tuhan hak ug!”

MATIUS 12:34

Je di jintun wou piet him e, bit bon jihyet di kei tibim kwei leu jingon di rom him kan bi. Lewo nihyet di tibim ei tungwatu nya yuhui him hagom kwei leu mun di ingon mpung tut.

MATIUS 13:15

lewo ingon tindak ser ba, idat kep itingou ser lene imut igyai leu cem tu. Gi bi lene igyai piga ba, itingou tu cem lene ingon dorti hanyen apino ittin ser ide sisar bikiek ndam Da leu binhyepo dibindei ba, ikei hanyen.’ ”

MATIUS 13:38

Miai ngoi ne dihyeisi dini ri. Gandum nitu ne yo di icoi bit Allah Ninyeng Tak Kepti ri. Gandum sisron ne Bilis de limwa nya ri.

YOHANES 6:70

Yesus buhup “Dani ripo didimig jibou simnaibrimigcan pima bi e? Noro jigom ne nibou ninnei rom nya ri.”

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

YOHANES 8:38

Ditri tut mun di Dicig ndo biDa noro jeni rino jiyai midyai bit leu nok jicig nicuk jeti.”

YOHANES 8:41

Jiyai munti nya bram jicig niyai munti. Ibuhup “Ninok munggwom di isrek tug hon nibon sisarti bi. Nyeni nicig gom ngat di Allah Nongkom he.”

YOHANES 8:55

jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet.

KISAH 13:10

bipai binoni “He na di antun Bilis him e, atte tut mun di kei nya hagom ba, nani ne nicom biei mpup ris tungwatu nya cig ri. Nggon rino anggek tut Allah nikos tutti mem gima teu tungwatu leu sisar biyai niyaijo nijep biyok kikau ba, akes hon kan bi i?

KISAH 24:9

Mben Yahudi di induk yam ei mpia dima yahagom ipai kep Paulus bram Tertulus nipai kep noti bipia nipai kepti dima ne nijit ri.

KISAH 5:3

Gima rino Petrus hig pus noni “Ananias e, nggon rino asindui sut Bilis di pingok angonti dino aris bak Allah Ninnei tirigi angon tak kep mitiei di aba dihyei bipek dima ndrim hi mem nanti i?

KORINTUS GI NICAN 11:3

Noro dikrau dingon tut je leu ma hi muhum jinsi leu ba, jingon gom tut Kristus bu bi. Gima noyam kin mun di cut igkep Hawa mpe di wou di ningon mang hum ninsi ba, ris noni.

PETRUS GI NIGOM 5:8

Ma jehek tut jenti ba, jiyai nggrop nggan lewo jide siceu di Bilis lus-lus nyen nok singa di niten-pos di yau binggok tungwatu tereu nok nide mun di yem.

PETRUS GI NICAN 2:4

Allah sindui sut malaikati di ibon sisar nya bingwes ngun leu hukum bi. Noro com yok kikau ug ei hum njengti lene ba lante biteu yok ei mpia ttou nsi di dindi-kai bibet yok ei bibou Njap di Noni mikes hukum ei yok dip midem ug e.

YOHANES GI NIGOM 1:8

Gino ipai sisar hi ntun nye him bi ne gima nok iris nyenti ba, Allah ningat rin ei ingonti bi.

YOHANES GI NIGOM 2:21

Gima rino dipas kep srat dini bije drek dip jide ningon di mbum tut nihyet di nijitti bi. Noro dipas kep srat dini bije lewo jingon dorti tut nihyet di nijit. Ba, jikan tut bipia niris srig nihyet di nijitti bi.

YOHANES GI NIGOM 2:4

Gino hi pai “Dingon dorti tut Allah mungkun tu” lo, yai igbit Allah nicuk noti nya bi lene no dima ne niris kep mun cig rin ba, Allah coi ei ningonti bi.

YOHANES GI NIGOM 3:12

Ma igyai bram Kain niyaisi au. Noni jem niceu bit Bilis bikimukep nikinjoi. Nggon rino Kain kimukep noni i? Lewo Kain yai mun tunggwei noro nikinjoi yai mun igbit.

YOHANES GI NIGOM 3:15

No di ningon mpo tut nisut ne gima dem kep nok hwen noni ei ningonti tu. Jikan tut bipia nihwen kep mun cig hi yai niyaijo nijep di jo kikau ei ningonti bi.

YUDAS 1:6

Ma jiyok ngon kep malaikati nya di ibimangkrei ide nisindemti bipigau hanjop ne ikes itimieisi bihigom ei. Allah ba lante di bit bon hi kwek kan bi biteu yok ei mpia ttou nsi gom di dindi-kai ei dihyei jou kikau bibou itug ndei hukum mem Njap ningwig honti ug e.

NINGAT-HI-NGAT NYA 12:9

Yoni injei naga di nindig bibor tut nide malaikati nya ug ei dihyeisi mu. Naga ne wou di ningat rin ei nimbie him di ninyeng Bilis kin Ninnei Di Sibut ri. Noni rino ris bak tungwatu dihyeisi dini yahagom.

NINGAT-HI-NGAT NYA 13:14

Ba, hi sindui sut noni biba mindur di bibon ei mindhe gi nigom noho bei biris tungwatu dihyeisi hagom. Mindhe dini cuk yok leu binhyepo ibon kwar di dat mindhe gi nigom di yai nibok leu singau simeda di hi bitot noni noro kiju hanyen leu nimai eisi tu pima.

NINGAT-HI-NGAT NYA 2:10

Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”

NINGAT-HI-NGAT NYA 22:15

Noro yo di irom ndok kin yo di inda dut kin yo di icut tut yam kin yo di ihwen mun kin yo di ikuk yok bak kwar nya kin niris kep mun cig nya yahagom ingat rin ei minu ndig nisai.

NINGAT-HI-NGAT NYA 9:11

Ibon ide nibou ndig di ninyeng tak kep yok ba, noni ne malaikati di ninyeng tak kep ninnei rom nya ide jui nsi ri. Mben Ibrani ijem ninyeng Abadon lo, mben Yunani ijem ninyeng Apolion. Nimbot kepti pai Nggek Kep Mun Cig.