YOHANES 8:32 - ALLAH NIHYET MEM TUNGWATU NYA

³² Leu api mijingon dorti tut Allah nihyet di nijit-jau ba, Noni bindei kwek je leu awak bijiyati kwes drek dip.”

YOHANES 8:32 ပူးပေါင်းရင်းမြစ်များ

MAZMUR 119:45

Leu api diyati kwes ba, mun hi ngot kep da bi. Lewo dibingon mem gima dibit Ade ningginausi nya.

MAZMUR 25:5

Angginau da ba, abie tut da cem leu binhyepo didimig diyaijoti bit leu angon kanti mem da. Lewo Nani ne Allah di teu da bidingwes ngun leu ditde siceu nya ri. Diba dingon com Na kikau.

NIPINGOK NINGONTI 1:23

Ma jingig jitingou mem ditde nisok kep jeti. Midihit dingon kanti nya brei bije bidikwas ditde nintin kimboti ndrim hi tut je.

NIPINGOK NINGONTI 1:29

Jisem tut nintin kimboti bijikou sut gi jibit tuhan nihyet ninno tu.

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

YESAYA 2:3

Yahagom mipai cuk yam bipai bipia jikwei ba, yahagom ikui ug ei tuhan De Mbigdip ba, ikui ug ei mben Israel ide Allah De Ig. Noni mingginau nye tut mun di suar igyai kep nya. Nyeni mibit puig di Noni ndo binye lewo tuhan nipingok nyeti nya kwei leu minu ndig Yerusalem. Noni miya ei nungug Sion bimbrap bit nye.”

YESAYA 30:21

Gino jikriek leu puig lene mijimiap Nihyet di tibim ei jinghim dip kwei di pai “Gini ne puig ri, Ma jibit puig dini hak.”

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

YESAYA 54:13

Ade limwa nya yahagom minok munggwom di icoi pikor leu api dingginau yok. Yoni minyeng tut mun di bindei ba, ibong kei igwam kei.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YEREMIA 6:16

tuhan pai bak Nide limwa nya “Ma jiya hammi puig nahau yamti nya bijiyok jiyai kep mungkun. Ma jihig ser tungwatu nya tut puig gi nipou di kei bibor nya. Ma jikak puig dima leu binhyepo jibong kei jigwam kei.” Noro ibuhup “E bi! Nikou sut puig dima!”

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

IMAM NYA IDE MIDYAI 25:41

Mpe dima lene ma jisindui sut ba, noni kin nimunggwom bat nya yehei leu jide ig bingkwei hanyen ndam ide bat nya kin idigup bat-idigai bat nya itimieisi hanyen.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 16:13

Noro tirigi Ninnei Gi Kwes di mbot kep tut Allah de mijit-jausi bije kwei lene Noni mipingok jingonti leu api mijikan tut mijit-jausi dima hagom. Noni mitri tut Nonti ningon kanti bi noro mitri tut mun di tibim ei nitingou nsi bimbot kep bije tut mun di mipek kep ei nidipti bu.

YOHANES 17:17

Ma adimig yok ei mem Nanti tug hon nijit-jausi. Nihyet Ade ne nijit-jau ri.

YOHANES 6:45

Bit leu nok gi ipas ei Srat Nabi nya nibokti ‘Allah ngginau tungwatu nya yahagom ingonti.’ Bikwop no di miap Dicig nihyet biningon dorti tut ne no dima nggre kin Da.

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

YOHANES 8:36

Gima rino gino Allah Nipmot kwek je leu awak bijiyati kwes lene jinok awak bu bi sren.

ROMA 6:22

Noro tini bu ne Allah kwek je leu sisar de nisindemti ba, jinok awak mem Noni. Jiba jekep jingon di gom tut Noni apino niyaijo nijep di jo kikau ntun him.

ROMA 8:15

Lewo Allah Ninnei di Allah yai bije bibon je tereu nok awak leu dima jiyaijo ei ningon di ttinti bi. Noro Ninnei bindei jeni bijinok Allah nimunggwom bat nya. Apino bikwop nyeni iba Allah Ninnei nisindemti bihig Allah nok Icig bipai “Arig e! Arig e!”

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

KORINTUS GI NIGOM 7:22

Lewo awak di ningon jo kep Tuhan ne no di niyati kwes tug hon Tuhan ri. Nok gima cem no di niyati kwes ba, ningon jo kep Tuhan ne Kristus de awak ri.

GALATIA 5:1

Nyeni igyati kwes lewo Kristus kwek nye tu. Gima rino ma jikrau kep jide niyati kwes dima. Ma jibiam bon di bindei bijinok awak hanyen bu au.

GALATIA 5:13

Noro disut bat jen, Allah hig je leu binhyepo jiyati kwes. Noro harin dima jiba niyati kwes dima bibon nituti mem jibit jingut kanti di kinei nya. Noro ma jingon ngakei yam bijinok awak mem yam cem.

2 TIMOTIUS GI NICAN 3:7

Sop dima yok yuhuk bram ningginausi buug ninno noro ingon gi jo kep nihyet di nijit kan bi sren.

YAKOBUS 1:25

Allah niggai serti nya kei-kau-kei bisindem mem bindei kwek tungwatu nya leu sisar. No di ngig niyai kep niggai serti dima cem ba ningon gom biyok ngon kep cem yai midyai di bicim tindei niggai serti dima cem miyai munkwas di kei bibor leu Allah tug hon nide midyai nya hagom.

YAKOBUS 2:12

Ma jimbrapti kin jiyai munti nya hagom igbit lewo Allah mimbus jingonti tug hon niggai serti di kwek tungwatu nya bigyati kwes.

PETRUS GI NIGOM 2:16

Ma jiyaijo tereu nok yo di igyati kwes lewo jingwes ngun leu sisar tu. Noro ma jiba jiyati di kwes binyohou sisar nyahan ei jingonti au. Ma jiyaijo dem kep nok Allah de awak nya.

YOHANES GI NICAN 1:1

Srat dini leu da di nibou mbusyamei. Dipinak srat dini bak na di Sindig di Allah dimig na tu kin amunggwom bat nya cem lewo dingon ngakei jahagom nindig bibor. Ba, dangkom he bi noro yo di ingon dorti tut Allah di nijit cem yahagom ingon ngakei je,