YOHANES 8:29 - ALLAH NIHYET MEM TUNGWATU NYA

²⁹ No di cuk Da kwei cem ningat rin kin Da bikes Da ei bi lewo diyai midyai bit leu Nonti ningon kanti bikwop mmun-njap.”

YOHANES 8:29 ပူးပေါင်းရင်းမြစ်များ

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 42:21

tuhan ningon bisau sut gi Noni teu tungwatu nya bingwes ngun. Gima rino Noni kon Nide nikos tutti nya bijo anai leu binhyepo Nide limwa nya inggei sut.

YESAYA 42:6

“Da di tuhan dihig na kwei bidiyai nisindemti bina leu binhyepo abindei mbut ningon sren-srausi bikieng kep dihyeisi dini ug e. Midipreu ei mem tungwatu nya yahagom bidipiga digai ngkiai nya yahagom tug hon na.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 3:15

Noro Yesus buhup “Nok ug e. Lewo tug hon nisinati dini ne siyai mun bit leu Allah ningon kanti mem sa.” Lene Yohanes ce.

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

YOHANES 14:31

Mbro nok gima lo, suar mun dima hagom cut igkep Da leu binhyepo tungwatu dihyeisi dini ikan tut bipia dingon ngakei Dicig ba, dibit nicuk Dati nya hagom. Jikwei ba, imbut leu mpia ttou nsi dini.”

YOHANES 15:10

Gino jibindei mbut Ditde nicukti nya apino jingon gom tut Ditde ningon ngakeisi. Gima noyam kin dingon gom tut Dicig Nide ningon ngakeisi tug hon gi dibit nicukti nya.

YOHANES 16:32

Ma jiyok ngon kep bipia tto bou mem jintek gimahap midem ba, tto bou dima dem tu. Bikwop jahagom mijingkwei hanyen ug ei jide ig bijikes Da ei apino digwam biDangkom. Noro digwam biDangkom bi lewo Dicig ningat rin bit Da.

YOHANES 17:4

Dindo Ade ninyeng jei biborti bak tungwatu dihyeisi dini tug hon midyai nya di akes biDa ba, hagom put tu.

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.

YOHANES 5:30

“Bit bon diyai midyai bit leu dingon kanti kan bi. Dimbus tungwatu nya ingonti bit leu nok Allah nicuk Dati. Diba dingon sren-srau bikos tut mun nyeng hi lewo dibit leu Danti dingon kanti bi. Noro dibit leu No di cuk Da kwei ningon kanti.

YOHANES 6:38

Lewo dijuk kwei leu gwamti leu binhyepo diyai midyai bit leu Danti dingon kanti bi noro bit leu No di cuk Da kwei ningon kanti.

YOHANES 8:16

Gino dimbus ingonti ne Ditde nimbus ingonti igbit rin lewo diya biDangkom bi noro Dicig di cuk Da kwei cem No ya tut Da ba.

2 TIMOTIUS GI NICAN 4:17

Noro Tuhan ya kui da bisindem tut da leu binhyepo ditri tut Nihyet Di Kei titut yam ba, ngkiai nya yahagom imiap Nihyet Di Kei dima tu. Ba, Allah teu da bidingwes ngun leu yo di itin ei mem igyai nimai bida nya indati.

2 TIMOTIUS GI NICAN 4:22

Handei kon ba, Tuhan Yesus Kristus ningat rin bit na. Handei kon ba, Allah singat tut jahagom! Nipigo leu dani, Paulus

IBRANI 4:15

Ide Imam Nibou Ndig di ninyeng jei ningon dorti tut nye di inghuisi wei lewo Noni ba nibou coi mem mun nyeng di bingon Noni hagom noyam kin nyeni noro bon sisar drek dip bi.

IBRANI 7:26

Yesus dem mem gima yai midyai nok Imam Nibou Ndig biya hacan mem nye lewo ningon kwes-kwau cem yai mun tunggwei bibon sisar hi bi cem ba, kes dihyei di kinei dini ei leu api Allah kon Noni bikui njiriek mpia-bbed him.

YOHANES GI NIGOM 2:1

Dimunggwom bat jen, dipas kep srat dini bije ser nhyema jibon sisar au. Gino hi bon sisar ne Yesus Kristus di ningon sren-srau ningat rin biya hacan ba, mbrap gau nye ei Allah Noho bei.

YOHANES GI NIGOM 3:22

Mpe dino nyeni ingat nadi tindei mun nyeng hi ne Noni buhup hanyen lewo ibit Nide nicuk nyeti nya bipwoi ningon.