YOHANES 8:15 - ALLAH NIHYET MEM TUNGWATU NYA

¹⁵ Jimbus tungwatu nya ingonti tug hon nisinati di ntun dihyeisi dini him. Noro dimbus tungwatu nya ingonti bi.

YOHANES 8:15 ပူးပေါင်းရင်းမြစ်များ

AMOS 5:7

Buhun bibor mem je lewo jikiek nikei nikos tutti di sren kei nya bit leu jingon kanti lene jiris yo di hiter ide mun di inyeng tut nya bingwig leu yok!

AMOS 6:12

Bon kuda nya idor sindem ei bor ngug dip e? Bon no di yai miai ba sapi kin ngkimom nitu biwim muk ngwa dip noyam kin dihyei ninjek dip e? Noro jikiek nikei nikos tutti di sren kei nya binoyam kin krisieu di ten ba, jikiek mun di nijit binoyam kin mun di nitrowai.

HABAKUK 1:4

Niggai serti nya mbut sindem bibon ninyeng bi ba, nikei nya iba ingon dwei bikos tut mun di srou tungwatu nya. Yo di imbuk nya igyai munti nya dor sindem njiriek yo di ingon sren nya igyai munti nya ba, yo di imbuk nya ikiek nikei nikos tutti nya bibit leu yonti ingon kanti.

LUKAS 12:14

Yesus buhup “Disut na e, tou rindo Da nok nikei kin no di dem mem gima dikwas mun di jiba jekep pima tut je i?”

YOHANES 12:47

Gino tungwagom miap dihyet noro bit bi lene midipai kep noni bi. Lewo dikwei ei dihyeisi dini mem dipai kep tungwatu nya bi noro dikwei mem diteu tungwatu nya leu sisar bidiyai niyaijo nijep biyok.

YOHANES 18:36

Yesus buhup “Ditde ninyeng tak kepti jo ei dihyeisi dini bi. Gino jo ei dihyeisi dini ne Ditde limwa nya misindui sut Da bak mben Yahudi ide nibou nya bikat Da bi. Ningat ne Ditde ninyeng tak kepti jo ei dihyeisi dini bi.”

YOHANES 3:17

Lewo Allah cuk Nipmot kwei ei dihyeisi dini nok nikei di pai kep tungwatu nya bi noro nok No di teu yok leu sisar biyai niyaijo nijep biyok.

YOHANES 7:24

Ma jikes hon ba, jigwam nok nikei di mbus tungwatu nya ingonti bit leu ingkek dip di jo ei igyai him au. Noro ma jigwam nok nikei di ba ningon srenti bimbus ingonti.”

YOHANES 8:11

Noni buhup “Andigpoi e, hi bi.” Yesus pai “Kei Dani cem dipai kep na bi. Ambut hak ug noro ma abon sisar bu au.”]

ROMA 2:1

Gima rino disut bat jen, jitug ndei jinyeng di bindei di jidem mem gima jiba jihyet biyai yo di hiter dima leu hantou i? Bit bon jipai mun mem jibisu tindei kan bi. Leu gino jiba jihyet biyai yo di hiter noro jiyai bram yo dima igyai kepti nya lene gima nok jibindei cut hukum ei jenti dip.

KORINTUS GI NIGOM 2:15

No di yai Allah Ninnei ei ningonti kan tut mun nyeng hagom niboga. Noro hiter dem mem gima mbus no dima ningonti bi.

KORINTUS GI NICAN 5:16

Gima rino niyok niyai kep tungwatu nya bit leu tungwatu dihyeisi dini igyai kepti nya bi. Mbro nok gino niyok niyai kep Kristus bit leu tungwatu dihyeisi igyai kepti nya nipou su lo, niyai nok gima bu bi.

YAKOBUS 2:4

Gino jipai bak nok lene jingon mui lewo jiba ningon di can bimig mbus tungwatu nya tereu nok hi kei hi kinei ba, jiba jingon kanti di kinei bidimig yok.

SAMUEL GI NIGOM 16:7

Noro tuhan srep bipai “Ma angig ayai kep no dima ningkek dip kin nintig bou di jei au. Dikou sut noni lewo dikos tut dingon kanti bit leu nok tungwatu nya ide nikos tutti nya bi. Lewo tungwatu nya ingig igyai kep tungwatu nya ingkek dip noro Dani dingig diyai kep ingonti.”