YOHANES 8:14 - ALLAH NIHYET MEM TUNGWATU NYA

¹⁴ Yesus buhup “E bi. Mbro nok gino dimbrap gau Danti lo, dipaisi dima nijit lewo dikan tut dikwei leusi kin duug eisi cem. Noro jikan tut dikwei leusi kin duug eisi bi.

YOHANES 8:14 ပူးပေါင်းရင်းမြစ်များ

NIPINGOK NINGONTI 8:7

Mun di tibim ei duhui him nijit ri. Dingon mpo tut nibicumti nya.

MBEN ISRAEL IMBUT-MBUT NYEN 12:3

Tut Musa ne noni ba nibou coi mem tungwatu nya nindig bibor dor njiriek tungwatu dihyeisi dini hagom.

YOHANES 10:15

Dicig ngat igbit Da bidingat igbit Noni cem. Gima rino ditin ei mem gima dikes Dinnei ei mem domba Tde nya.

YOHANES 10:36

Dicig dimig Da ei leu api cuk Da kwei ei dihyeisi dini. Nggon rino jipai sut Da bipia dihyet wer mpiahi tut Allah tug hon gi dipai ‘Dani ne Munggwom Allah Nipmot rin’ i?

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 14:10

Filipus e, angon jo kep bipia dinok gom kin Dicig ba, Dicig cem nok gom kin Da bi e? Nihyet di ditri tut bije kwei leu dingon kanti bi. Dicig di nok gom kin Da bindei mbut Nonti nikos tutti.

YOHANES 16:28

Nipou ne dikwei leu Dicig kwei ei dihyeisi dini. Tini bu ne dikes dihyeisi dini ei bidingkwei hanyen ug ei Dicig nidim.”

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

YOHANES 18:37

Gima rino Pilatus hig ser Noni “Gi nok lene Nani ne Nibou Ndig hi rin e?” Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”

YOHANES 5:31

Gino dimbrap gau Danti dihyet ne hi di miningon jo kep dihyet bi.

YOHANES 8:42

Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei.

KORINTUS GI NICAN 11:31

Allah dino Tuhan Yesus Nicig kan tut bipia dibicum tut gima bi. Ma tungwatu nya ikon Allah ninyeng bijo ninno bijo kikau!

KORINTUS GI NICAN 12:11

Diyai mun tereu nok no di nintin kiek noro ningat ne jeni rino jibindei da nok a. Ningat ne ma jeni rino jikon dinyenga. Mbro nok gino dibon dinyeng bi lo, dani ei bijehei leu jide nibou di mipbor ngat dima yok bi!

KORINTUS GI NICAN 12:19

Mpaba jikan bipia hon kep nijam dini kwei ne nimbrap gau nyenti ei joho bei e? E bi! Allah ngat bou niyai him bipia nipai nihyet di nijit-jau bit leu Kristus ningon kanti mem nye. Lewo niba niyai munti nya hagom bibiwin kep jingonti!

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.