YOHANES 7:39 - ALLAH NIHYET MEM TUNGWATU NYA

³⁹ Yesus pai nok tut Allah Ninnei lewo ei nidipti bu ne yo di iba ingon com Noni igyai Allah Ninnei ei ingonti. Noro tirigi Yesus tri tut nihyet dini lene Allah Ninnei srek kwei ei ingonti bigyo lewo Yesus yai nikei-kau-keisi tug hon nimai ei biei salibti bigyo.)

YOHANES 7:39 ပူးပေါင်းရင်းမြစ်များ

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

NIPINGOK NINGONTI 1:23

Ma jingig jitingou mem ditde nisok kep jeti. Midihit dingon kanti nya brei bije bidikwas ditde nintin kimboti ndrim hi tut je.

YESAYA 12:3

Mijipai doia bijiyai nillei noyam kin minyei hou di bibon yo di inggobiau ingon nggei-hi-nggei lewo Allah teu je bijingwes ngun.

YESAYA 32:15

Noro ei nidipti bu ne Allah mikwei sut Nide nisindemti leu api iggum ndigsi miluei nitta binok beisi di nnum kei ba, njita beisi nya dimbun kei hanyen bu.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YOEL 2:28

“Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.

MATIUS 16:14

Yo di igya kui Noni ibuhup “Bihi ipai Nani ne Yohanes di tur tungwatu nya ei minyeiti ri. Bihi ipai Nani ne Nabi Elia ri. Bihi ipai Nani ne Nabi Yeremia e, he igom leu nabi nitimiei nya ri.”

MATIUS 21:11

Tungwatu ningot ndig di ijop bram Noni ibuhup “No dini ne Nabi Yesus di kwei leu Nazaret ei hanjop Galilea ri.”

LUKAS 24:49

Ba, midipinak No di Dicig preu sut ei mem je tu ei je dip. Noro suar jigwam ei minu ndig dini bibou nisindemti di juk kwei leu Allah minggai je ug e.”

LUKAS 3:16

Gima rino Yohanes buhup bak yahagom “Ditur je ei minyeiti noro No di ninyeng jei dor njiriek da mikwei rin ba, Noni mitur je ei Ninnei Gi Kwes kin humti. Didem mem gima dikwek Nide srop leu nimig jou bi.

LUKAS 7:16

Tungwatu ningot ndig dima yahagom inghuisi mpig sut binggei sut Allah bipai “Nabi di ninyeng jei bibor kiju ei nyeni ikieti tu! Allah kwei leu binhyepo mpu Nide limwa nya bikwek yok leu mun di kat yok!”

YOHANES 1:21

Ihig ser noni bu “Gi nok lene nani tou i? Elia e?” Noni buhup “Dani ne Elia cem bi.” Ihig ser noni mbigom bu “He nani ne Nabi di Mipbor Ngat pima rin e?” Yohanes buhup “Dani ne bi.”

YOHANES 1:25

ihig ser Yohanes mbigom bu “Gino nani ne Nibou Ndig di teu tungwatu nya biyai niyaijo nijep biyok kin Elia kin Nabi di Mipbor Ngat pima cem bi ne nggon rino atur tungwatu nya ei minyeiti i?”

YOHANES 1:33

Mpe dima lene dikan igbit Noni bi. Noro Allah di cuk da kwei mem gima ditur tungwatu nya ei minyeiti pai bida ‘Mporo angat Allah Ninnei di dwop juk bigwam ei tungwagom dip leu api dimba hanyen ug bi. No dima rino tur tungwatu nya ei Ninnei Gi Kwesti.’ ”

YOHANES 12:16

Mpe dima ne yo di igya kui Yesus ingon dorti tut mun di pek kep dima bi. Noro ei nidipti bu tirigi Yesus yai nikei-kau-keisi tug hon nikiju hanyenti ug api igyok ngon kep mun di yo dima ibibon bak Yesus di Allah nihyet bokti pai ei su.

YOHANES 12:23

Yesus pai biyok “Tto bou dem mem Munggwom Tungwatu Nipmot yai nikei-kau-keisi tu.

YOHANES 14:13

Mun nyeng dino jahara Da tut tug hon dinyeng lene midibirop hanyen bije leu binhyepo Dicig de nikei-kau-keisi jo nibreisi tug hon Nipmot di Dani.

YOHANES 14:26

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

YOHANES 16:14

Noni mikon dinyeng lewo mimbot kep tut mun di Noni miap leu duhui him bije.

YOHANES 16:7

Noro dipai nijit bije bipia gino dimbut leu je lene dimbutti dima kei bibor mem je. Gino dimbut bi lene No Di Mpu je mikwei gwam bit je bi sren. Noro gino dimbut lene midicuk Noni kwei ei jingonti.

YOHANES 17:1

Tirigi Yesus kes nihyet hon tu lene Noni tou kep ginyo kug bipai bak Allah “Arig e, tto bou dem tu. Ma abindei ba, Apmot ninyeng jei bibor leu binhyepo Apmot mibindei ba, anyeng cem jei bibor.

YOHANES 17:5

Arig e! Nogindini ma angkwei Ade ninyeng jei biborti di siyai bit yam nipou tirigi apai tes dihyeisi dini bigyo hanyen biDa.

YOHANES 20:22

Lene Noni hi Ninnei ei yo dip bipai biyok “Ma jiyai Ninnei Gi Kwes ei jingonti.

YOHANES 6:14

Tirigi tungwatu ningot ndig dima yok ingat mindur di Yesus bibon lene ipai biyam “Jit jit, No dini ne Nabi di ingon ya mem di mikwei ei dihyeisi dini pima ri.”

YOHANES 7:12

Tungwatu ningot ndig di induk yam kwei imang bibor yahamui nyahan biyam tut Yesus. Bihi ipai “No dima kei bibor.” Noro bihi isrep “Noni bindei srawir tungwatu nya imang bibor.”

YOHANES 8:54

Yesus buhup “Gino dibingon mem gima dikon dinyeng ne dinyeng jeisi dima bon ninyeng bi. Noro gi kon dinyeng ne Dicig di jipai sut Noni bipia jide Allah rin lo,

KISAH 19:2

Noni hig pus yok “Allah Ninnei srek kwei ei jingonti tirigi jingon jo kep Yesus e?” Yo dima ibuhup “Bigyo. Nimiap tut Allah Ninnei ninghapti bi sren.”

KISAH 2:17

Allah pai, ‘Son dideu nijam ningwig honti ne miduhug Dinnei bikwop ei tungwagom-gom ningonti. Jipmot bat-jipmisop bat nya mitri tut dihyet bak tungwatu nya, jide pinai pilei nya mingat-hi-ngat lene jide andigpoi nya mimumpriem.

KISAH 2:33

lene bindei ba, Noni gwam kui Allah ninda com. Allah yai nisindemti kin Allah Ninnei biNoni bit leu nok Nicig nipreu ei mem Noniti cem. Allah Ninnei di Noni hug ei nyeni ningonti ribindei dino mun di jingat kin jimiap nogindini timon je.

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 2:4

Allah Ninnei srek kwei ei yahagom ingonti leu api kindi imbrap ngkiai nya ighyet sindam bit leu nok Allah Ninnei sindem tut yokti.

KISAH 3:13

Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.

KISAH 4:31

Tirigi ingat nadi bingwig leu lene ig di imbus yam eisi ugwa-kwei. Allah Ninnei srek kwei ei yahagom dip bisindem tut yok apino ibrim ingkek tut Allah nihyet kep tungwatu nya.

ROMA 8:9

Noro jiyai mun bit leu jingut kanti di ntun dihyeisi dini him nicuk jeti bi. Noro jiyai mun bit leu Ninnei Gi kwes nicuk jeti gino ningat ne Allah Ninnei ningat rin ei jingonti. Gino Kristus Ninnei ningat rin ei tungwagom ningonti bi ne Kristus nyeng tut no dima bi.

KORINTUS GI NICAN 3:8

jo nibreisi bipia nikei-kau-keisi di piga gi preu di tug hon Allah Ninnei de midyai nya sieng-siau dor njiriek bu.

EFESUS 4:30

Ma jibindei ba, Allah Ninnei ningon pus tut je au. Lewo Allah ba Ninnei dima bitak buk kep je nok bindo di bindo bipia nyeng tut je binyohou je kikau bibou Njap Nikwek Jeti dem ug e.