YOHANES 7:37 - ALLAH NIHYET MEM TUNGWATU NYA

³⁷ Ei njap ningwig honti di bon ninyeng mem Njap Ndig Ig Jibei Mpam Meng lene Yesus kiju biya leu api ba nihyet nindig bahara “Ma no di nggobiau kwei ndam Da bidut minyei.

YOHANES 7:37 ပူးပေါင်းရင်းမြစ်များ

NEHEMIA 8:18

Ibon pesta dima mem njap nitindur muhwindacan. Ezra kwop hanjop nsi gom leu Srat Nicukti dima ei yoho bei bikwop njap ngwa hagom. Ug ei njap gi nimuhwindaningai lene ibon midut gi ningwigsi gom bit leu nok Srat Nicukti dima nicuk yoti.

MAZMUR 143:6

Disu dinda bidingat nadi biNa. Dingon dem kep nok dihyei di ngak-cai ba, dibimbeu sut Nani.

MAZMUR 42:2

Allah e, diyok dingon mem Na noyam kin rusa di nggok minyei di dut kep ninggobiausi.

MAZMUR 63:1

Doia Daud mpe di noni ningat rin ei iggum ndigsi Yehuda.

NIPINGOK NINGONTI 1:20

Jimiap e, ningon kiti mbrap tereu nok tungwatu ba, nihyet tibim bidem simpak kin biyati ba,

NIPINGOK NINGONTI 8:1

Jimiap e, ningon kiti tri tut nihyet ba, nintin kimboti nihyet tibim kwei ei jitingou nsi.

NIPINGOK NINGONTI 8:17

Dingon ngakei yo di ingon ngakei da. Yo di inggok ser da mingat da bou igyai him.

NIPINGOK NINGONTI 8:3

Noni ya kui dimbou pmem ei ngug tig di bikrop ttai minu ndig nya bitri tut nihyet bipai,

NIPINGOK NINGONTI 9:3

Noni cuk sop awak nya biyuug ei nipieti di jo nai bijem bidem minu ndig dima,

DIUN MIMUN 5:1

“Dikinjoi ninyan e, dikwei ei ditde miaisi tu. Dimbus ditde mur kin biei ngat di nyop kei nya keyam bidiyem ditde ahwei lon ngei. Didut ditde sapi do ngei kin ba anggur ngei.” “Nisut bat jen e, jiyem njita lene jibidut ndia ngei. Jidut kikau ba, jibou bibuwei kep jingon ngakei yamti.”

YESAYA 12:3

Mijipai doia bijiyai nillei noyam kin minyei hou di bibon yo di inggobiau ingon nggei-hi-nggei lewo Allah teu je bijingwes ngun.

YESAYA 40:2

Ma jibindei ba, timiei minu ndig Yerusalem ingon jo nyahan. Ma jipai biyok bipia hi muubon yok nok awak bu bi. Dikos ser ide mun di igyai tunggwei nya ba, dikes hukum ei yok dip mbican bram yam tut ide sisar di ibon tu.”

YESAYA 40:6

Nihyet gom tibim kwei bipai “Atri tut nihyet!” Lene dihig ser noni “Miditri tut nihyet mindei i?” Lene nihyet dima cuk da “Atri tut bipia tungwatu dihyeisi dini yahagom inok minta ba, inyeng di jei nya dem kep nok mitou di nisieng jo jei bi.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 55:1

tuhan pai “Jahagom di jinggobiau e, ma jikwei dut minyei di ditau ei mem je! Je di jima mitiei hi bi e, ma jikwei yai gandum mikuisi bijiyem ug! Ditin ei anggur ngei kin sapi do ngei tu ba, jikwei yai hi mikuisi bijidut ug!

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

YESAYA 58:1

tuhan pai “Ma ambrua Ditde limwa nya tignam ba, ando ide sisar brei biyok!

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

YEREMIA 2:2

leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.

YEHEZKIEL 47:9

Ei mpia di minyei dini biam ug eisi nya lene bikwop wau ninyeng hagom kin mindhe-ndhe hagom idigek bibor. Minyei di biam dini mibindei ba, Igpong Nsim ningei midem minyei su ningei di nyop bi. Minyei dini nibiamti bindei ba, mun nyeng hagom yai niyaijo hanyen.

IMAM NYA IDE MIDYAI 23:36

Ma jibon midut njita nibipai sigyo bak Allahti bikwop njap kikau mem njap nitindur muhwindacan. Ug ei njap gi nimuhwindaningai lene ma jinduk yam ei bijikuk je biDa ba, jibon midut njita nibipai sigyo bak Allahti mbigom kin bu cem. Njap dima cem ma jinda jo kep jide midyai di buhun nya au.

IMAM NYA IDE MIDYAI 23:39

Gima rino tirigi jike jide gandum nintam bingwig leu su lene ug ei njap gi nisimnaimuhwidip ei bed gi nimuhwindacan ma jibon njap ndig gom kin bu kikau mem mmun-njap muhwindacan. Njap gi nigom kin njap gi nimuhwindaningai lene suar jigwam kep jinghuisi.

MIKHA 6:9

Yo di ittin tut tuhan ingon ki. Noni tri tut nihyet bak timiei minu ndig bipai “Je di jinduk yam ei minu ndig dini e, ma jingig jitingou mem dihyet!

ZAKHARIA 9:15

tuhan Di Sindem Bibor miya srak ko hagau Nide limwa nya bibindei ba, ihwen bitimek ide siceu nya yahagom. Tirigi ikon pran bit ide siceu nya ne ighyet misra tut pran noyam kin yo di pes pu yok. Ide siceu nya inggrom silipti ingkek noyam kin ninggrom midut di imam nya isiber ug ei nimbar hum dokti nisiliptiti.

MBEN ISRAEL IMBUT-MBUT NYEN 29:35

Ei njap gi nimuhwindaningai lene suar induk yam ei ba, ikuk yok bak tuhan lo, harin dima igyai midyai di buhun a.

MATIUS 11:28

Je di jinghuisi jet kin je di jibiang mun di buhun e, ma jikwei hara Da leu api midiyai jingon nggan hanyen.

MATIUS 3:3

Nabi Yesaya tri tut Yohanes dini nipou su bipai, “Tungwagom nihyet tibim kwei leu iggum ndigsi bipai ‘Ma jitin puig di sren kei mem Tuhan nimbutti lene ma jiji kep ninjuisi sur yam kei.’ ”

MATIUS 5:6

Bikwop yo di ijoi sut gima ibit leu Allah ningon kanti mem yok nya ingon nggei-hi-nggei lewo Allah misindem tut yok mem gima!

YOHANES 1:23

Yohanes buhup “Dani ne no di Nabi Yesaya pai sut ri. Noni pai, ‘Tungwagom nihyet tibim kwei leu iggum ndigsi bipai bipia ma jitin puig di sren kei mem Tuhan nimbutti.’ ”

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 4:10

Yesus buhup “Gino akan igbit tut mun di Allah yai bak tungwatu nya ba, angat igbit Da di dahara na tut minyei dini lene nanti ma ahara Da leu api duhug minyei niyaijo nijep hi bina ba, adut.”

YOHANES 4:11

Misop dima pai “Andigpoi e, aba mindei bitau minyei i? Minyei yaisi dini jo jui nsi di jut bibor. Atau minyei niyaijo nijep leu sirigitou i?

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 5:40

Noro jikou sut gi jikwei bit Da leu binhyepo jiyai niyaijo nijep.

YOHANES 6:35

Yesus pai biyok “Dinok roti di bindei ba, tungwatu nya igyai niyaijo nijep. No di bit Da minggum bu bi ba, no di ba ningon com Da minggobiau cem bi.

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

YOHANES 6:55

Lewo dinghui ne njita ningat-ngat rin ba, dinggrom cem ba anggur ngei ningat-ngat ri.

YOHANES 7:28

Tirigi Yesus sisip ngginau kep yo dima ei Tuhan De Ig lene Noni ba nihyet nindig bipai biyok “Jikan tut Da e? Jikan tut ditimieisi e? Dikwei bit leu dingon kanti bi. No di ningon sren-srau cuk Da kwei. Jikan tut Noni bi,

KORINTUS GI NIGOM 10:21

Bit bon jidut ei Tuhan de gi mokti kin ninnei rom nya ide gi mokti hacem nggre gom kan bi. Bit bon jiyem njita kui Tuhan de meja kin ninnei rom nya ide meja hacem nggre gom kan bi.

KORINTUS GI NIGOM 10:4

lene idut kep ndia ngei di mindur di Allah pai tes mem yok cem noyam. Idut leu minyei bousi di hei kwei leu tig mindur di abia kep yok ba, tig dima ne Kristus Nonti ri.

KORINTUS GI NIGOM 11:25

Nok gima cem tirigi igyem njita bidem leu su lene Yesus yai gi mokti bipai biyok “Gi mokti dini ne Allah de gi preu nijep rin ba, dinggrom tak buk ser gi preu dima. Tirigi jidut ei gi mokti dini lene ma jibiyok ngon kep Da.”

KORINTUS GI NIGOM 12:13

Nok gima tut nyeni yahagom cem. Mben Yahudi kin ngkiai nya ba, awak nya kin yo di igyai inyeng nya cem yahagom igyai nitur nye ei minyeiti di bindei ba, ibicim tindei Kristus tug hon Allah Ninnei gom dima. Allah bindei ba, Allah Ninnei gom dima coi kwei ei nyeni yahagom ingonti tu.

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.