YOHANES 7:35 - ALLAH NIHYET MEM TUNGWATU NYA

³⁵ Lene nibou mben Yahudi nya ihig yam ser “Noni tin ei mem gima mbut ug ei siritou apino ingat Noni bu bi i? Mpaba Noni muug bong bit mben Yahudi di ibong ei mben Yunani ikieti bingginau mben Yunani ei itimieisi e?

YOHANES 7:35 ပူးပေါင်းရင်းမြစ်များ

MAZMUR 147:2

tuhan miwin kep minu ndig Yerusalem bibuwak yo di isima ei ingkiaisi nya hanyen kwei.

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 11:12

Noni mibindei kui kendera gom di nok mun di bindo tut gi Noni mibuwak mben Israel kin timiei Yehuda nya di intek gimahap di igya bidem dihyei nisurti-nipekti di ingkwei ba, iba yok bicom yam hanyen ri.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 56:8

tuhan Di Ninyeng Jei Bibor di buwak mben Israel di ingkwei hanyen kwei leu ingkiaisi pai “Midibuwak nindigsi nya ba, iba yok bikum yo di idem yam ei su.”

ZEFANYA 3:10

Ditde limwa di intek gimahap mingkwei hanyen leu minu Sudan di ting kwei ba, ibon midut nindig mindhe-ndhe ei nimbar hum dokti bibikuk yok biDa.

MATIUS 12:21

Lene ngkiai nya yahagom miba ingon com Noni.”

LUKAS 2:32

Noni ne ninjeng di piga digai puig mem ngkiai nya di itti kin Nani ba, ninjeng di bindei di tungwatu nya yahagom ikon Ade limwa mben Israel inyeng ri.”

YOHANES 12:20

Mben Yunani ibou poi isrig yo di induk yam ei minu ndig Yerusalem ikieti leu binhyepo ikuk yok bak Allah mem Njap Ndig Paskah pima.

YOHANES 7:1

Leu api Yesus mbut-mbut nyen ei hanjop Galilea. Noni joi sut ngkwei ug ei hanjop Yudea hanyen bi lewo nibou mben Yahudi nya ibingon mem gima igyai nimai biNoni.

YOHANES 8:22

Gima rino nibou mben Yahudi nya ihig yam ser “Leu ma Noni miyai nimai biNonti e? Lewo pai bipia bit bon hi bit Noni ug ei mpia ttou nsi dima kan bi.”

KISAH 11:18

Tirigi mben Yahudi pima yok imiap Petrus nihyet lene itte tut noni bu bi. Lene inggei sut Allah bipai biyam “Gi nok ne Allah bon nituti mem ngkiai nya ittin ser ide sisar bikiek ndam Allah bigyai niyaijo nijep cem.”

KISAH 11:20

Noro andigpoi di ingon jo kep nya ibou poi itimieisi leu Mios Siprus kin minu ndig Kirene ikwei ei minu ndig Antiokhia bitri tut Nihyet Di Kei tut Yesus bak ngkiai nya cem ei minu ndig dima.

KISAH 14:1

Mun pima yok hagom cut igkep Paulus kin Barnabas ei minu ndig Ikonium cem. Icoi ug ei mben Yahudi ide ig mbusyamei lene iba iji ngkiem bitri tut nihyet biyok apino mben Yahudi kin ngkiai nya imang bibor ingon jo kep Yesus.

KISAH 17:4

Leu api tungwatu nya ibou poi bitut mben Yunani imang ndig di ikuk yok bak Allah kin sop di inyeng jei nya imang bibor cem yahagom ingon jo kep Yesus leu api itti kin Paulus kin Silas.

KISAH 18:4

Noro Paulus ba no bikum mben Yahudi kin timiei minu Yunani nya ei ide ig mbusyamei bikwop ide Njap Nigwam Kep Ninghuisi. Noni simbot kep tut Yesus bit yok bibrim ningkek kep yok leu binhyepo ingon jo kep.

KISAH 21:21

Ba, imiap tut anghapti bikan bipia angginau mben Yahudi di ibong ei ingkiaisi leu binhyepo ikes Puig Yahudi nicukti nya hak ei. Ba, ikan bipia apingok kep ingonti ser nhyema ibasunat imunggwom bat nya bibit mben Yahudi igyai kepti nya au.

KISAH 22:21

Noro Tuhan pai bida ‘Aug hak ug lewo dicuk na ug ei minu ting ndam ngkiai nya.’ ”

ROMA 1:16

Diba dingon com Nihyet Di Kei nindig bibor lewo Allah ndo Nide nisindemti tug hon Nihyet Di Kei di bindei yo di iba ingon com Noni igyai niteu leu sisarti kin niyaijo nijepti. Gini mem mben Yahudi nipou leu api mem ngkiai nya cem.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

KOLOSE 1:27

Allah ningon kanti mem Nide limwa nya rino joi sut mbot kep tut Nide nimimun di kei-kau kin mindur di Noni bet ei mem tungwatu nya biyok. Nimimun dima ne Kristus ningat rin ei jingonti gi bindo tut bipia jinyeng tut mun di mindur hagom di Noni tin ei mem je.

TIMOTIUS GI NIGOM 2:7

Gima rino Noni cuk da nok no di ya kui Yesus leu binhyepo ditri tut Nihyet Di Kei bak ngkiai nya ba, dingginau yok tut niba ningon com Kristusti di nijit. Mun di dipai sut dini ne nijit-jau ri. Diris bi!

2 TIMOTIUS GI NICAN 1:11

Allah ta da bidinok no di ya kui Yesus ba, dinok guru cem leu binhyepo ditri tut Nihyet Di Kei.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

PETRUS GI NIGOM 1:1

Srat dini leu da di Petrus di diya kui Yesus Kristus. Srat dini mem Allah de limwa nya di intek gimahap bibong bidem ingkiaisi ei hanjop Pontus kin Galatia kin Kapadokia kin Asia kin Bitinia.