YOHANES 7:30 - ALLAH NIHYET MEM TUNGWATU NYA

³⁰ Tirigi pai nok rino yo dima ipi bikat Noni noro hi brim ningkek mem ngget Noni bi lewo tto bou dem bigyo.

YOHANES 7:30 ပူးပေါင်းရင်းမြစ်များ

MAZMUR 76:10

Leu mpe dima lene ayai abou tut hukum di abikes ei tungwatu nya dip ba, ateu yo di ibiang mun di buhun ei dihyeisi dini bingwes ngun cem.

YESAYA 46:10

Habiei ei nimbie him lene dimbot kep tut mun gi nidipti. Habiei ei nimbie him ne ditri tut mun di mipek kep mem tungwatu nya. Dipai bipia dikos tutti nya mipek kep mem tungwatu nya ba, midiyai hagom bit leu dingon kanti.

MATIUS 12:14

Lene Farisi nya yehei leu ig mbusyamei dima ba, yuhum yam nsi mem gima ikos Yesus.

MATIUS 21:46

Gima rino ipi bikat Noni noro ittin tut tungwatu ningot ndig dima di ikan bipia Yesus ne nabi ri.

MARKUS 11:18

Tirigi Yesus ninghapti tibim ug ei imam nindig nya kin guru Puig Yahudi nicukti nya itingou nsi lene inggok nikwesti mem ihwen Noni. Ittin tut Noni lewo tungwatu nya yahagom inggap leu tut nihyet.

LUKAS 20:19

Guru Puig Yahudi nicukti nya kin imam nindig nya ipi bikat Yesus mem nituti dima lewo ikan tut bipia Noni ba nihyet nibiti nindati pima bipai singgre yok. Noro ittin tut tungwatu ningot ndig.

LUKAS 22:53

Dingat rin bit je ei Tuhan De Ig bikwop njap-njap lo, jikat Da bi. Noro jam dini bon nituti mem jikinei sut Da lene jam dino no di ninyeng tak kep nidinditi krau kep nisindemti cem.”

YOHANES 10:31

Lene mben Yahudi iteu tig hanyen mem ibihwen Noni.

YOHANES 10:39

Yo dima ibrim ingkek hanyen bipi bikat Noni noro ningwes ngun leu inda nsi.

YOHANES 11:57

Ihig yam ser nok drek dip imam nindig nya kin Farisi nya di itri tut bipia gino hi kan tut Yesus nibongti lene ma mbot kep tut bak nibou nya leu binhyepo ikat Noni bisima.

YOHANES 7:19

Apo Musa yai Allah nicukti bije bi e? Noro jigom bit nicukti dima cem bi. Nggon rino jibingon mem gima jiyai nimai biDa i?”

YOHANES 7:32

Nimpung Farisi nya imiap tut Yesus ninghapti tug hon tungwatu ningot ndig di yahamui biyam tut Noni. Gima rino imam nindig nya kin Farisi nya icuk yo di igya ser Tuhan De Ig ibou poi kwei bikat Noni.

YOHANES 7:6

Yesus pai biyok “Tto bou dem mem Da bigyo noro tut jeni ne jibon nikwesti mem jenti bikwop njap-njap.

YOHANES 7:8

Nnaba jimbut hak ug bijibon pesta kep njap nindig. Noro dimbut bi lewo tto bou dem mem Da bigyo.”

YOHANES 8:20

Yesus pai mun dini yok hagom mpe dino Noni ngginau tungwatu nya ei Tuhan De Ig ba, gwam dideu brua di icom mitiei mbusyamei eisi nijoti. Noro hi kat Noni bi lewo tto bou dem bigyo.

YOHANES 8:37

Dikan tut bipia jintun Abraham him. Noro jibingon mem gima jiyai nimai biDa drek dip jingon di tunggwei sut Ditde ningginausi.

YOHANES 8:59

Gipai nok rino mben Yahudi iteu tig mem gima ibihwen Noni. Noro Noni ku No nyahan bimbut leu Tuhan De Ig.

YOHANES 9:4

Tirigi njap jei yo ne suar nyeni igyai midyai di Allah di cuk Da kwei pima Nide nya. Jei bi ne mmun nggai nye ri. Mpe dima lene bit bon hi yai midyai bu kan bi.