YOHANES 7:24 - ALLAH NIHYET MEM TUNGWATU NYA

²⁴ Ma jikes hon ba, jigwam nok nikei di mbus tungwatu nya ingonti bit leu ingkek dip di jo ei igyai him au. Noro ma jigwam nok nikei di ba ningon srenti bimbus ingonti.”

YOHANES 7:24 ပူးပေါင်းရင်းမြစ်များ

MAZMUR 82:2

“Ma jiba jingon can bimbus tungwatu nya ingonti bijitti kin yo di isibut nya bu au.

NIPINGOK NINGONTI 17:15

tuhan ningon sibui sut yo di isindui sut ba, no di sibut ningwes ngun leu hukum kin yo di ikes hukum ei no di ningon ngun dip cem.

NIPINGOK NINGONTI 24:23

Yo di ingon ki ipai, “Ma nikei mbus nite hi bihigom tirigi kes hukum ei tungwagom dip au.

YESAYA 5:23

Noro jiba gima biyai mitiei nibingot kep jeti leu binhyepo jibikes yo di ibon mun tunggwei bingwes ngun lo, jibikkin ser yo di ibon mun di igbit nya leu binhyepo itug ndei nikei nikos tutti di sren kei bi.

IMAM NYA IDE MIDYAI 19:15

Tirigi jigwam nok nikei mem yo di ipigau hanjop nya lene ma jingon sren. Harin dima jibibon no di nuhui mbum ba, bon ninyeng njiriek nindigsi nya a. Nok gima cem harin dima jingon digit tut no di nyeng bibor a.

ZAKHARIA 7:9

“Ditri tut nicukti dini yok bak Ditde limwa nya mimbrek ngan tu. ‘Suar jahati tut nikei nikos tutti di sren kei nya ba, jingon nggriu sut yam. Suar jingon kwes kin yam cem.

YOHANES 7:25

Timiei minu ndig Yerusalem ibou poi ipai biyam “Nibou mben Yahudi nya ibingon mem gima igyai nimai bak No dima bi e?

YOHANES 8:15

Jimbus tungwatu nya ingonti tug hon nisinati di ntun dihyeisi dini him. Noro dimbus tungwatu nya ingonti bi.

KORINTUS GI NICAN 10:7

Jimian ser mun di jingat bou jiyai him he. Gino tungwagom di srig jikieti jem niceu bit Kristus ne ma noni nggok ningonti hanyen bu leu api noni mikan tut bipia nyeni cem nijem niceu bit Kristus noyam kin noni.

YAKOBUS 2:1

Disut bat je di jingon jo kep Tuhan Yesus Kristus di Tuhan Di Kei-kau e, ma jimig mbus tungwatu nya tereu nok hi kei hi kinei bit leu nok ingat di jingat bou jiyai him au.

YAKOBUS 2:4

Gino jipai bak nok lene jingon mui lewo jiba ningon di can bimig mbus tungwatu nya tereu nok hi kei hi kinei ba, jiba jingon kanti di kinei bidimig yok.

YAKOBUS 2:9

Noro gino jimig mbus tungwatu nye tereu nok hi kei hi kinei bit leu nok ingat di jingat bou jiyai him lene gima bindei bijingon mui su ba, Allah niggai serti pai kep je drek dip.