YOHANES 7:1 - ALLAH NIHYET MEM TUNGWATU NYA

¹ Leu api Yesus mbut-mbut nyen ei hanjop Galilea. Noni joi sut ngkwei ug ei hanjop Yudea hanyen bi lewo nibou mben Yahudi nya ibingon mem gima igyai nimai biNoni.

YOHANES 7:1 ပူးပေါင်းရင်းမြစ်များ

MATIUS 10:23

Gino timiei minu ttou nsi gom ihwen bit je lene ma jinang ug ei minu ttou nsi hiter bu. Dipai bije bipia nipou tirigi jicem kep mben Israel ide minu ndig nya hagom bidem bigyo lene Munggwom Tungwatu Nipmot kwei hanyen tu.

MATIUS 21:38

Noro tirigi yo dima ingat igbit nipmot di kwei dima rino yuhum yam nsi bipai ‘No dima ne nipmot ri. Noni miba nokep mun di jo bak nicig hagom. Jikwei ba, ihwen noni leu binhyepo iba nyekep ba anggur nghousi dini.’

MARKUS 11:18

Tirigi Yesus ninghapti tibim ug ei imam nindig nya kin guru Puig Yahudi nicukti nya itingou nsi lene inggok nikwesti mem ihwen Noni. Ittin tut Noni lewo tungwatu nya yahagom inggap leu tut nihyet.

YOHANES 1:19

Nibou mben Yahudi nya ei minu ndig Yerusalem isok ighyet ei imam nya kin yo di intun Lewi him dip bak Yohanes bihig ser noni “Nani tou i?”

YOHANES 4:3

Tirigi Yesus kan tut bipia Farisi nya ikkin kep ninghapti lene Noni jo leu hanjop Yudea bingkwei hanyen ug ei hanjop Galilea.

YOHANES 4:54

Gima ne mindur nican di Yesus bibon niabiati Noni jo leu hanjop Yudea bikwei krau hanjop Galilea hanyen tu ri.

YOHANES 6:1

Njap poi ser lene Yesus ngkwei hanyen ug ei Igpong Galilea nite dima ug. Tungwatu nya ijem igpong dima ninyeng hi Igpong Tiberias.

YOHANES 7:11

Nibou mben Yahudi nya cem induk yam kwei binggok ser Yesus mem njap nindig dima bihig yam ser “Yesus No hantou i?”

YOHANES 7:13

Noro hi brim ningkek bikon nihyet tut Yesus bi lewo yahagom ittin nibou mben Yahudi nya.

YOHANES 7:19

Apo Musa yai Allah nicukti bije bi e? Noro jigom bit nicukti dima cem bi. Nggon rino jibingon mem gima jiyai nimai biDa i?”

YOHANES 7:25

Timiei minu ndig Yerusalem ibou poi ipai biyam “Nibou mben Yahudi nya ibingon mem gima igyai nimai bak No dima bi e?

YOHANES 7:35

Lene nibou mben Yahudi nya ihig yam ser “Noni tin ei mem gima mbut ug ei siritou apino ingat Noni bu bi i? Mpaba Noni muug bong bit mben Yahudi di ibong ei mben Yunani ikieti bingginau mben Yunani ei itimieisi e?

YOHANES 8:37

Dikan tut bipia jintun Abraham him. Noro jibingon mem gima jiyai nimai biDa drek dip jingon di tunggwei sut Ditde ningginausi.

YOHANES 8:40

Ditri tut mun di nijit-jau di dimiap leu Allah bije hak. Noro jibingon mem gima jiyai nimai biDa. Abraham bon mun bit leu nok gima bi!

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.