YOHANES 6:64 - ALLAH NIHYET MEM TUNGWATU NYA

⁶⁴ Mbro nok gima lo, jibou poi jiba jingon com Da bi.” (Habiei ei nimbie him ne Yesus kan tut yo di iba ingon com Noni bi kin no di mitri Noni.)

YOHANES 6:64 ပူးပေါင်းရင်းမြစ်များ

YOHANES 10:26

Jingon jo kep Da bi lewo jinggre kin Ditde domba nya bi.

IBRANI 4:13

Bit bon mun nyeng gom jo nding leu Allah niyai him kan bi. Noni ngat Nide nipai testi nya hagom brei bou niyai him. Nyeni yahagom mibuhup hanyen bak Noni tut igyai munti nya hagom.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

YOHANES 6:61

Yesus kan tut mun di inso tut. Gima rino Noni hig ser yok “Dihyet dini bindei ba, jingon cut leu bijingkwei hanyen ug rin e?

YOHANES 5:42

Dikan tut jingonti bidikan tut bipia ningat ne jingon ngakei Allah bi.

KISAH 15:18

lewo Noni tri tut mun dini yok habiei ei nimbie him.”

YOHANES 6:66

Hon kep njap dima kui lene tungwatu ningot ndig di ibit-bit nyen Yesus ikes Noni bingkwei leu Noni.

YOHANES 6:36

Noro bit leu nok gi dipai bije. Mbro nok gino jingat Da bou jiyai him tu lo, jiba jingon com Da bi.

YOHANES 8:55

jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet.

YOHANES 8:23

Lene Noni buhup “Jitimieisi jo bijehei ei dihyeisi dini noro dijuk leu anai hu kwei. Jikwei leu dihyeisi dini noro dikwei leu dihyeisi dini bi.

MATIUS 10:4

kin Simon di nggre kin nimpung Nasionalisasi kin Yudas Iskariot di mitri Yesus.

YOHANES 6:60

Tungwatu ningot ndig di ibit-bit nyen Yesus di imiap nihyet dima ipai biyam “Nihyet dima buhun bibor. Tou rimice tut i?”

YOHANES 18:4

Yesus kan tut mun di cut igkep Noni dima hagom. Gima rino Noni ttau ndam Yudas nya bihig singgre yok “Jinggok ser tou i?”