YOHANES 6:63 - ALLAH NIHYET MEM TUNGWATU NYA

⁶³ Allah Ninnei Nongkom yai niyaijo nijep bak tungwatu nya. Tungwatu nya ide nisindemti dem mem bi. Dihyet di dipai bije bindei ba, jiyai Allah Ninnei bitut niyaijo nijep di jo kikau ei jingonti.

YOHANES 6:63 ပူးပေါင်းရင်းမြစ်များ

IBRANI 4:12

Lewo Allah nihyet ne nihyet di niyaijo ba, sindem bibor ba, nggwen bibor dor njiriek singau simeda di bon ninggwenti bei ninghim-noho cem. Nihyet dima tot kikau ug ei ingwes kin innei nijoti cem kikau ug ei injum tuti kin inggus nipek yamti cem ba, sindem mem gima hit mimun di jo ei ingonti kin ibou ngwakti.

GALATIA 5:25

Allah Ninnei yai niyaijo nijep binye. Gima rino suar isindui sut Noni ba, ibit nibie tut nyeti.

MAZMUR 119:93

Midiba diyai ngat Ade nipingok dati nya bi sren lewo aba nipingokti dima binyohou da bidiyaijo.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

MAZMUR 119:50

Mbro nok gino dicut ei ninghuisi weisi lo, nipreu ei mem dati dima rino bigwam ser dingon bisindem tut diyaijoti lewo Ade nipreu eisi bindei ba, diyaijo.

PETRUS GI NIGOM 1:23

Jiyai niyaijo nijep leu Allah di nok Jicigya. Noni ne tungwatu di mai hak rin bi noro niyaijo kikau buug hon nohonti bi. Allah ribindei dino jiyai niyaijo tug hon Nonti nihyet di niyaijo ba, bit bon sar kan bi cem.

MAZMUR 119:130

Tirigi ambot kep tut Ade ningginausi ne ninjeng piga digai nye ba, biyai ningon ki bak yo di ingon mbum nya.

NINDAT KEP TUHAN NICUKTI NYA 32:47

Nicuk jeti nya dima nok nihyet bu tan bi. Noro hagom mibindei ba, jiyaijo. Gino jibit hagom lene mijiyaijo jei bibor ei minu di sindi mijicoi ba, jiyai bijiyati ei Minyei Yordan nite dima ug.”

KORINTUS GI NIGOM 15:45

Bit leu nok gi ipas ei Allah nihyetti “Allah pai tes Adam nok no di nigom di niyaijo ba, ninnei joti.” Noro Adam di ya nohon keti ne Ninnei di yai niyaijo nijep bak tungwatu nya ri.

ROMA 10:17

Gima rino tungwatu nya iba ingon com Kristus ei mpe dino imiap nihyet lene imiap nihyet ei mpe dino hi tri tut Kristus biyok.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

TESALONIKA GI NIGOM 2:13

Mun nyeng gom kin bu di bindei dino nijem sigyo bak Allah rinok gini. Tirigi nitri tut Nihyet Di Kei leu Allah bije lene jimiap ba, jice tut nihyet dima tereu nok mun di tibim leu tungwatu nya yuhui him bi noro nok mun di nijit-jau di kwei leu Allah Nonti. Noni yai midyai ei je di jingon jo kep Kristus jingonti.

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

YAKOBUS 1:18

Noni yai niyaijo nijep binye bit leu Nonti ningon kanti tug hon nihyet di nijit. Niyai munti dima bindei ba, nye di tungwatu igya bibie mem Nide nipai testi nya hagom.

NITRITI 2:7

Mpe dima lene tuhan Allah kam dihyei ndung poi mien ba, op nok tungwatu leu api hi ninnei di bindei niyaijo ei nuhwap nsi apino tungwatu dima yai niyaijo.

PETRUS GI NIGOM 3:21

Ba, minyei dima ndo tut nitur tungwatu ei minyeiti di biteu je leu sisar biyai niyaijo nijep bije tug hon Yesus Kristus nikiju hanyen leu nimai eisi ri. Nitur tungwatu ei minyeiti dima ne midut nipiap ningut leu map di kuisi rin bi noro mun di nyeni ibipreu ei mem Allah tug hon ingon mien di kwes.

TIMOTIUS GI NIGOM 4:8

Gino abingon-ngon nyen ba, abiyai hamem anghuisi ne gini bon ninyeng lai-laide. Noro gino abingon-ngon nyen ba, abiyai hamem mun di bitut annei ne gini bon ninyeng mem ayai munti nya hagom lewo bon nide nipreu eisi mem gima ibiyai mun di kei mem nijam di igyaijo dini kin niyaijo ei nidipti bu.

IBRANI 13:9

Ma jisindui sut ba, nihyet di nitrowai nya bindei bijisrawir au. Gi bon ninyeng rino jiyai nisindemti tug hon Allah de nisingat tut jeti lene tug hon nidimig sutti di bitut njita di mipror yon bi. Nidimig sutti dima ngat ningat di kei hi mem yo di ibit nya bi.

GALATIA 6:15

Niyai midut sunat kin niyai midut sunat bi hacem bon ninyeng bi. Noro gino Allah luei hi nitta binijep-jau bu ne gini bon ninyeng a.

ROMA 2:25

Gino jibit Allah nicuk mben Yahuditi ne midut sunat bon ninyeng mem je. Noro gino jibit nicuk jeti dima bi ne jiyai midut sunat mikui-kausi he.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

NIPINGOK NINGONTI 4:13

Ma ayok ngon kep ningginausi di ayai leu da tu nya kikau. Anyohou ya ser ningginausi dima mungkun. Lewo ningat di kei mintun him ayaijoti tug hon ningginausi dima.

YOHANES 5:21

Bit leu nok Nicig win yo di imai nya bibindei ba, igyaijo hanyen lene Nipmot cem bindei ba, tungwatu nya igyai niyaijo hanyen bit leu ningon kanti.

KISAH 5:20

“Ma juug coi ei Tuhan De Ig hanyen bijitri tut puig di bie ndam niyaijo nijep bak tungwatu nya di ingat rin ei mpia dima.”