YOHANES 6:53 - ALLAH NIHYET MEM TUNGWATU NYA

⁵³ Lene Yesus pai biyok “Ma jiyok ngon kep bipia gino jiyem Munggwom Tungwatu Nipmot ninghui bijidut ninggrom bi lene bit bon jiyai niyaijo nijep ei jingonti kan bi.

YOHANES 6:53 ပူးပေါင်းရင်းမြစ်များ

MATIUS 18:3

Leu api pai biyok “Ma jiyok ngon kep bipia gino jiluei jingon kanti dem kep munggwom mien dini ningon kanti bi ne mijicoi bit Allah Ninyeng Tak Kepti bi sren.

MATIUS 5:18

Ma jiyok ngon kep bipia ei nijam di mpia-bbed him kin dihyeisi dini pror bigyo ne bit bon hurup mien kin titik di jo ei niggai serti nya dima pror kan bi bibou hagom dem igbit ug e.

MATIUS 8:20

Yesus buhup “Nsien bigbehei nya ibong kikepti nonaha, Ha nya cem ibas nonaha. Noro Munggwom Tungwatu Nipmot bon nibongti hi bi.”

LUKAS 13:3

Nok bi! Ma jiyok ngon kep bipia gino jittin ser sisar bijikiek ndam Allah bi lene jahagom mijitug ndei nimai noyam kin yo dima.

LUKAS 13:5

Nok bi! Dipai bije mbigom kin bu. Gino jittin ser sisar bijikiek ndam Allah bi lene jahagom mijitug ndei nimai noyam kin yo dima.”

YOHANES 13:8

Lene Petrus srep “Tuhan e, ma apiap dimig bi sren!” Noro Yesus buhup “Gino dipiap amig bi lene bit bon ambier kim Da bi.”

YOHANES 15:4

Ma jicom jigau ninghig-niker ei Dati lene Dani cem dicom digau ninghig-niker ei jeti. Bit bon ningat ntun ninda him tug hon nonti kan bi. Gino ninda tug ninjem lene ngat ningat ri. Nok gima mem jeni cem. Gino jicom jigau ninghig-niker ei Dati bi lene bit bon jingat ningat kan bi.

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

YOHANES 3:5

Yesus buhup “Dipai nijit bina bipia gino tungwagom srek tug hon minyei kin Ninnei Gi Kwes bi ne bit bon noni coi bit Allah Ninyeng Tak Kepti kan bi.

YOHANES 6:47

Ma jingon jo kep bipia bikwop no di ba ningon com Da yai niyaijo nijep di jo kikau ei ningonti tu.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

YOHANES 6:55

Lewo dinghui ne njita ningat-ngat rin ba, dinggrom cem ba anggur ngei ningat-ngat ri.

YOHANES 6:62

Notou mem je gino jingat Munggwom Tungwatu Nipmot tirigi kui hanyen ug ei nitimieisi bou jiyai him i?

YOHANES GI NIGOM 5:12

Ba, no di yai Nipmot ei ningonti yai niyaijo nijep tu. No di yai Allah Nipmot ei ningonti bi yai niyaijo nijep cem bi.

NINGAT-HI-NGAT NYA 2:17

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti nya bigyem kep manna di jo nding pima poi mien. Midiyai tig tiei bitut ninyeng nijep di joti bibikwop yo dima yahagom lo, ninyeng dima jo nibreisi mem nindigsi nya bi noro mem no di ma nide tig he.”

NINGAT-HI-NGAT NYA 2:7

Suar tungwa tou rino nitingou tu bimiap nihyet tu yok ngon kep mun di Allah Ninnei pai bak mbusyamei nya! Disindui sut yo di ibindei cut sisar nisindemti bigyem biei di bindei bigyai niyaijo ningat di hei ei Allah de Miai Biei Ngat Nghousi.”