YOHANES 6:40 - ALLAH NIHYET MEM TUNGWATU NYA

⁴⁰ Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 6:40 ပူးပေါင်းရင်းမြစ်များ

YESAYA 52:10

tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.

YESAYA 53:2

Lewo tuhan de awak dima noyam kin biei kioi di hei ei dihyei di ngoi-ngati bit leu tuhan ningon kanti mem noni. Awak dima niyai nggrop mbris kei ba, niimaisi kei bibor kei leu dima nyeni ingat ingwes ei noti bi.

MBEN ISRAEL IMBUT-MBUT NYEN 21:9

Gima rino Musa ba ngkimom-tembaga bibon wou gom bikes ei biei dip lene tas biei tut leu binhyepo tungwa tou rino wou dima ham mikei hanyen gino noni tou kep wou ngkimom-tembaga nggilun.

MATIUS 10:15

Ma jiyok ngon kep bipia tirigi Njap dem mem Allah ba hukum bibirop hanyen bak tungwatu nya lene miningon nggriu sut timiei Sodom kin Gomora nya dor njiriek gi ningon nggriu sut minu ttou nsi dima.”

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

MARKUS 16:16

Yo iba ingon com Noni bi mitug ndei hukum. Noro yo di iba ingon com Noni di itur yok ei minyeiti migyai niteu leu sisarti kin niyaijo nijep.

LUKAS 2:30

Dingat No di miteu tungwatu nya leu ide sisar biyai niyaijo nijep biyok bou diyai him tu.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 11:24

Marta buhup “Dikan tut bipia Lazarus mikiju hanyen mem Njap Ningwig Honti.”

YOHANES 11:25

Yesus pai binoni “Diwin yo di imai nya leu imai eisi bidiyai niyaijo nijep biyok. Mbro nok gino hi mai su lo, gino ba ningon com Da tu lene miyai niyaijo nijep di jo kikau.

YOHANES 12:45

No di ngat Da ngat No di cuk Da kwei cem.

YOHANES 12:50

Ba, dikan tut bipia nicukti dima bindei ba, tungwatu nya igyai niyaijo nijep di jo kikau. Ditri tut nihyet di Dicig ngginau Da tut.”

YOHANES 14:17

No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

YOHANES 14:19

Jei bi lene tungwatu dihyeisi dini ingat Da bou igyai him bu bi. Noro mijingat Da hanyen bu. Mijiyai niyaijo nijep tug hon Ditde niyaijoti.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

YOHANES 6:39

No di cuk Da kwei ningon kanti rinok gini. Bikwop yo di Noni kes yok biDa lene hi mipror bi. Noro midiwin yok hanyen leu imai eisi ei Njap Ningwig Honti.

YOHANES 6:44

Bit bon hi nggre kin Da kan bi gino Dicig di cuk Da kwei buwak no dima kwei biDa bi. No di kwei ndam Da lene midiwin no dima leu nimai eisi hanyen mem Njap Ningwig Honti.

YOHANES 6:54

Bikwop no di yem dinghui ba, dut dinggrom cem lene no dima rino yai niyaijo nijep di jo kikau ei ningonti. Midiwin noni hanyen leu nimai eisi mem Njap Ningwig Honti.

YOHANES 8:56

Jicig Abraham yai nillei lewo noni kan tut bipia noni mingat Dani bou niyai him. Tirigi noni ngat Da tu lene ningon llei bibor!”

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

IBRANI 11:1

Niba ningon comti bindei ba, ingon ngkiem tut mun di igyok ingon mem. Mbro nok gino ingat mun dima yok bou igyai him bigyo lo, ingon huk niti tu.

IBRANI 11:27

Nide niba ningon comti bindei ba, Musa kes minu Mesir bimbut leu. Noni digit tut nibou ndig di ningon sibui sut noni bi. Gima tereu nok noni ngat Allah di bit bon tungwatu nya ingat bou igyai him kan bi. Gini bindei ba, noni kou sut gima ngkwei hanyen.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

YOHANES GI NIGOM 2:25

Kristus nonti preu ei mem nye tut niyaijo nijep di jo kikau.

YUDAS 1:21

Ma jinyohou jenti leu binhyepo Allah ningon ngakei jeti ppu hum kin jingonti mem nijam di jiyok jingon mem ide Tuhan Yesus Kristus nikwei hanyenti. Noni miyai niyaijo nijep di jo kikau bije tug hon ningon di nggriu sut je.