YOHANES 6:33 - ALLAH NIHYET MEM TUNGWATU NYA

³³ Lewo roti di Allah yai bije dima ne No di juk kwei leu gwamti biyai niyaijo nijep bak tungwatu dihyeisi dini nya ri.”

YOHANES 6:33 ပူးပေါင်းရင်းမြစ်များ

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

YOHANES 8:42

Lene Noni pai biyok “Ningat ne gino Allah ne jicig rin lene mijingon ngakei Da lewo dikwei leu Allah. Dikwei bit leu dingon kanti bi noro Noni rino cuk Da kwei.

YOHANES 16:28

Nipou ne dikwei leu Dicig kwei ei dihyeisi dini. Tini bu ne dikes dihyeisi dini ei bidingkwei hanyen ug ei Dicig nidim.”

YOHANES 6:50

Gino jiba roti di kwei leu gwamti kin manna binai yam lene roti di kwei leu gwamti bindei ba, yo di igyem kep roti dima imai bi.

YOHANES 6:48

Dani ne roti di yai niyaijo nijep ri.

YOHANES 6:38

Lewo dijuk kwei leu gwamti leu binhyepo diyai midyai bit leu Danti dingon kanti bi noro bit leu No di cuk Da kwei ningon kanti.

YOHANES 3:13

Munggwom Tungwatu Nipmot di kwei leu gwamti Nongkom kui ug ei gwamti noro tungwa hi kui ug ei gwamti bi sren.

TIMOTIUS GI NIGOM 1:15

Dipaisi dini ne nijit-jau ri. Gima rino ma tungwatu nya ice tut ba, ingon jo kep bipia “Kristus Yesus srek kwei ei dihyeisi dini leu binhyepo teu tungwatu nya leu sisar biyai niyaijo nijep biyok.” Noro tut dani ne dibon sisar nindig bibor dor njiriek nindigsi nya yahagom.

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 6:32

Lene Yesus buhup “Dipai nijit bije bipia Musa yai roti leu gwamti bije bi noro Dicig yai roti ningat-ngat leu gwamti bije.

YOHANES 6:41

Mben Yahudi sindi inso Noni drek dip nihyet di pai biyok bipia Noni ne roti di juk kwei leu gwamti ri.

YOHANES 6:58

Gi dipai dini tut roti di juk kwei leu gwamti noro dem kep manna di jide pung di jintun him nya igyem bi. Yoni igyem kep manna noro jei bi lene igyaijo ngwig hon nohonti. Noro no di yem roti dini yai niyaijo nijep di jo kikau.”