YOHANES 6:27 - ALLAH NIHYET MEM TUNGWATU NYA

²⁷ Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

YOHANES 6:27 ပူးပေါင်းရင်းမြစ်များ

MAZMUR 2:7

Nibou ndig dima pai “Miditri tut tuhan nisimbot datti.” Noni pai bida “Nani ne dipmot ri. Njap di ammani ne Dani dinok acigya.”

MAZMUR 40:7

Ajoi sut midut nindig mindhe kep humti kin midut nibiyai ningon kwes kin Nati kin midut njita nibipai sigyo bak Naniti bi. Asuar midut nindig mindhe titut kep humti kin midut nibiyai nikos ser sisarti cem bi. Noro abindei ba, ditingou dile leu binhyepo dintu kep ahyet.

NIPINGOK NINGONTI 9:5

“Jikwei yem njita di dingei ei su bijidut ba anggur ngei di dikimut ei su.

NIBA NINGON SRIP HUKTI 6:7

Nyeni igyai midyai leu binhyepo itug ndei igyemti he. Noro ingon gicut hon mun di igyem dima bi sren.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

YESAYA 55:2

Nggon rino jiba jide mitiei bipek mun di jijoi sut bi i? Nggon rino jita jibou ei jide midyai di bindei ba, jingon kei bi nyati i? Ma jibit dicuk jeti nya apino mijiyem njita di kei bibor kei dor njiriek njita nindigsi nya hagom.

YEREMIA 15:16

Ambrap bit da leu api dimiap kep ahyet hagom. tuhan Allah Di Sindem Bibor e, diceu riNani. Gima rino ahyet bindei ba, dingon kei bibor bidingon nggei-hi-nggei.

HABAKUK 2:13

Mben dihyeisi dini di icut bak jeni icom yahanggwap mikuisi. Mun nyeng di ingot hagom mipror bingwig ei humti. Mun dini yok hagom ne tuhan Di Sindem Bibor ningon kanti ri.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

MATIUS 6:19

“Ma jimbus ndigban kin mitiei keyam mem jenti ei dihyeisi dini au. Leu gima yok awam mikkin ba, prap yem lene yo di imbrai nya minggek dimbou binggimang cem.

MATIUS 8:20

Yesus buhup “Nsien bigbehei nya ibong kikepti nonaha, Ha nya cem ibas nonaha. Noro Munggwom Tungwatu Nipmot bon nibongti hi bi.”

MARKUS 1:11

nihyet gom tibim kwei leu mpia-bbed him bipai “Nani ne Dipmot rin ba, dingon ngakei Na bidingon kei sut Na cem.”

MARKUS 9:7

Leu api bumbuhui ttou gom juk kwei binggai kep yok ba, nihyet gom tibim kwei leu bumbuhui ttou bipai “No dini ne Dipmot di dingon ngakei rin ba, ma jimiap kep Noni nihyet.”

LUKAS 3:22

leu lene Ninnei Gi Kwes di luei nitta binok hakimoi dwop juk bigwam ei Yesus dip. Leu api nihyet gom tibim kwei leu gwamti bipai “Nani ne Dipmot rin ba, dingon ngakei Na bidijoi sut Na cem.”

LUKAS 9:35

Leu api nihyet gom tibim kwei leu bumbuhui dima bitri tut “No dini ne Dipmot rin ba, didimig Noni ei su. Ma jimiap kep Noni nihyet!”

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 11:42

Dikan tut bipia amiap dihyet bikwop mmun-njap noro dipai nok gima drek dip yo dini leu binhyepo ingon jo kep bipia Nani rino apinak Da kwei a.”

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 15:24

Gino diyai midyai di bit bon yo di hiter igyai kan bi ei ikieti bi lene ingon mui ba, sisar ntun him bi. Noro tini bu ne ingat Ditde midyai nya hagom bou igyai him ba, ingon mpo tut Dani kin Dicig tu.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 3:15

leu binhyepo bikwop no di ba ningon com Noni miyai niyaijo nijep di jo kikau.

YOHANES 3:33

Tungwa tou rino ba ningon com nihyet di pai dima lene mipai ei nibreisi bipia Allah nihyet ne nihyet di nijit-jau ri.

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 6:47

Ma jingon jo kep bipia bikwop no di ba ningon com Da yai niyaijo nijep di jo kikau ei ningonti tu.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

YOHANES 6:53

Lene Yesus pai biyok “Ma jiyok ngon kep bipia gino jiyem Munggwom Tungwatu Nipmot ninghui bijidut ninggrom bi lene bit bon jiyai niyaijo nijep ei jingonti kan bi.

YOHANES 6:54

Bikwop no di yem dinghui ba, dut dinggrom cem lene no dima rino yai niyaijo nijep di jo kikau ei ningonti. Midiwin noni hanyen leu nimai eisi mem Njap Ningwig Honti.

YOHANES 6:58

Gi dipai dini tut roti di juk kwei leu gwamti noro dem kep manna di jide pung di jintun him nya igyem bi. Yoni igyem kep manna noro jei bi lene igyaijo ngwig hon nohonti. Noro no di yem roti dini yai niyaijo nijep di jo kikau.”

YOHANES 6:62

Notou mem je gino jingat Munggwom Tungwatu Nipmot tirigi kui hanyen ug ei nitimieisi bou jiyai him i?

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

YOHANES 8:18

Dimbrap gau Danti ba, Dicig di cuk Da kwei cem mbrap gau Da.”

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KISAH 2:22

Disut bat mben Israel jen, ma jingig jitingou mem dihyet. Allah ndo midyai bak Yesus leu minu ndig Nazaret mem je. Gini jo nibreisi mem je tug hon mindur kin bindo di Allah bibon tug hon Noni ei jikieti bijikan tut mun dini yok hagom tu.

ROMA 4:11

Leu api noni yai midut sunat ei niabiati bu. Midut sunat ne mun di bindo bipia Allah joi sut Abraham nok no di pwoi Allah ningon drek dip niba ningon com Allahti nipou bibie tirigi noni yai midut sunat bigyo ri. Gima rino Abraham ne ide pung di bitut innei mem yo di iba ingon com Allah yahagom intun him ri. Mbro nok gino igyai midut sunat bi lo, iba ingon com Allah lene Noni joi sut yok nok yo di ipwoi ningona.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

KORINTUS GI NIGOM 6:13

Ibou poi ipai “Njita mem ninghop ba, ninghop mem njita.” I, noro Allah mibindei ba, njita kin ninghop hacem pror yon. Harin dima jiba jingut bicut tut yam a. Noro ma jiba jenti njem biyai midyai mem Tuhan leu api Noni minyohou je.

KORINTUS GI NIGOM 9:2

Mbro nok gino hiter ipai sut da bipia diya kui Yesus bi lo, jijem dinyeng no di ya kui Yesus. Lewo jide niyaijo nok gom kin Kristusti rinok mun di bindo tut gi diya kui Yesus.

KORINTUS GI NICAN 4:18

Lewo ibisau sut mun di ingat bou igyai him bi. Noro ibisau sut mun di bit bon ingat bou igyai him kan bi. Mun di ingat bou igyai him mipror yon. Noro mun di bit bon ingat bou igyai him kan bi jo kikau.

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

NINDAT KEP TUHAN NICUKTI NYA 30:13

Nicuk jeti dima jo minu ting ei muk ngeisi nite dima ug cem bi. Jihig yam ‘Tou sigon muk ngeisi biyai nicukti nya kwei mem je leu binhyepo jimiap nihyet ba, jibit nihyet i?’

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

KOLOSE 1:29

Dita dibou ei midyai diniti bidigruap-gruap nyen tug hon nisindemti di Kristus kwas tut da lewo Nide nisindemti dima yai midyai sindem bibor ei dingonti.

KOLOSE 2:22

Ide nidimig sutti dima yok hagom ket ei mun di tungwatu nya ibimangkrei he. Nidimig sutti dima yok ntun tungwatu dihyeisi dini ikan-kan nyenti kin ide ningginausi him he yo.

KOLOSE 3:2

Ma jiba jingon binai sut mun di ntun gwamti him lene ma jiba jingon binai sut mun di ntun dihyeisi dini him au.

TESALONIKA GI NIGOM 1:3

Mpe dino ningat nadi bak Icig Allah ne niyok ngon kep bipia jindo jide niba ningon com Yesus Kristusti tug hon jiyai munti nya kin jide ningon ngakei yamti di bindei dino jita jibou ei jide midyai nyati lene jiba jingon nddong biyok jingon mem ide Tuhan Yesus Kristus.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

IBRANI 12:16

Ma jisok kep yam leu binhyepo jicut tut yam ba, jingkek ndok tut Allah Ninnei nipingok jeti noyam kin Esau au. Lewo noni kes ninyeng mot mighumbou ei bitri bak nikinjoi bipek njita den gom ngat he.

IBRANI 4:11

Gima rino suar ibrim ingkek mem gima igyai nibong kep ninghuisi di Allah preu ei mem nye dima leu binhyepo jigom krau tunggwei puig noyam kin yo di itunggwei drek dip ide ningkek ndokti di iba ingon com Allah bi dima bi.

YAKOBUS 1:11

Mpe dino mpia pri ba, wam bibor leu api mitou millet bimui hak leu lene hi mingat nisieng bu bi. Nok gima cem tut no di nyeng. Noni misar tirigi ninda jo kep nide midyai nya.

PETRUS GI NIGOM 1:24

Bit leu nok gi ipas ei Allah nihyetti “Tungwatu dihyeisi dini hagom inok mintu-minta ba, inyeng di jei nya noyam kin mitou. Mintu-minta mui hak ba, mitou cem millet.

PETRUS GI NICAN 1:17

Nyeni ningat rin bit Noni ei mpe di Nicig Allah kon Noni ninyeng biyai nikei-kau-keisi bak. Mpe dima lene nihyet gom tibim kwei leu Allah Di Sieng-Siau nuhui him di pai biNoni “No dini ne Dipmot di dingon ngakei rin ba, dingon kei sut Noni.”