YOHANES 5:46 - ALLAH NIHYET MEM TUNGWATU NYA

⁴⁶ Gino jiba jingon com noni haigtu lene ma jiba jingon com Da cem lewo noni pas kep tut Da.

YOHANES 5:46 ပူးပေါင်းရင်းမြစ်များ

NITRITI 12:3

Midinjei mun di kei bak yo di injei mun di kei bak nani. Noro midisigion yo di isigion nani bu. Midinjei mun di kei bak mben dihyeisi dini hagom tug hon nani.”

NITRITI 18:18

Nide nintun him yamti di bram yam nya mporo midigek kep mpia apino inok mben di sindem bibor bi e? Mben dihyeisi dini hagom mitug ndei mun di kei leu Dani tug hon noni bi e?

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 28:14

Yo di intun nani him midigek kep mpia ba, imangti ningot ndig noyam kin dihyei ndung nimangti. Lene mporo yoni mikieng kep mpia ug ei nite bei mpia nicutti kin nite bei mpia nipriti kin nite bei mpia nijjai kin nite bei mpia nibiho. Ba, mben dihyeisi dini hagom mporo mitug ndei mun di kei tug hon nani kin ade nintun him yamti di bram yam nya cem.

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

YOHANES 5:47

Noro gino jiba jingon com mun di noni pas kep dima bi lene notou jingon jo kep dihyet bu i?”

KISAH 26:22

Noro Allah nyohou da habiei kikau kwei bipek ammani kep. Gima rino diya diyati dini biditri tut mun di dingat bou diyai him bak tungwatu yahagom bitut yo di inyeng jei kin yo di ibon inyeng bi. Nihyet di tibim ei duhui him dem igbit mun di nabi nya kin Musa ipai sut mipek kep mem nye.

ROMA 10:4

Kristus yai mun bipek kep Puig Yahudi niggai serti nisindemti tu. Gima rino Allah bindei ba, no di ba ningon com Kristus miyai ningon kwes kin Allah hanyen.

GALATIA 2:19

Puig Yahudi niggai serti pai sut da bipia dimai su. Pui Yahudi niggai serti dima hwen da bidimai su. Nok leu binhyepo diyaijo mem Allah. Dimai ei biei salibti bit Kristus tu ba,

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

GALATIA 3:24

Gima rino Puig Yahudi niggai serti ttei nibou nok nibou di kos tut mem nye kikau bibou Kristus kwei biyai ingon kwes kin Allah hanyen drek dip ide niba ningon com Kristusti ug e.

NINDAT KEP TUHAN NICUKTI NYA 18:15

Noni mipinak nabi gom leu jide mben di noyam kin da ndam je. Lene ma jibit nipingok jeti nya.