YOHANES 5:44 - ALLAH NIHYET MEM TUNGWATU NYA

⁴⁴ Jingon llei sut ninggei sut yamti noro jibrim jingkek mem gima Allah Gom Ngat nggei sut je bi. Gi nok lene notou mijingon jo kep Da i?

YOHANES 5:44 ပူးပေါင်းရင်းမြစ်များ

NIBOHON MBEN ISRAEL GI NICAN 6:8

tuhan pai binoni ‘Angon kanti dima kei,

YEREMIA 13:23

Bon no di ningkek rom luei ningkek bitiei kei kan e? Bon macan kes ninta nibahai ei leu no kan e? Ningat ne hi nok gima bigyo sren. Nok gima cem tut je di jibon kep mun di kinei. Bit bon jibon mun di kei kan bi.

MATIUS 23:5

Igyai kep igyai kepti nya hagom brei bou tungwatu nya igyai him he. Ikui li ba, indei miep ho di ayat joti nya binap ninggrun di jei bibor bindun him ide sinsun ndok di jei ninghas him cem,

LUKAS 19:17

Niceu pai binoni ‘Kei bibor! Nani ne awak di ningon gom ri! Midita nani nok nibou mem minu ttou nsi simnai lewo ajoi bibor tut mun di nimien dima.’

YOHANES 12:43

Yo dima ijoi sut tungwatu nya inggei sut yok leu gima Allah joi sut yok a.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 3:20

Niyai kep mun di kinei cig ningon mpo tut nipigati bikwei ndam nipigati bi. Noni kou sut gima nide mun di kinei nya jo brei ei tungwatu nya igyai him a.

YOHANES 5:41

Disuar tungwatu nya inggei sut Da bi.

YOHANES 8:43

Nggon rino jingon dorti tut dihyet bi i? Jingon dorti bi lewo jingon tunggwei nihyet di tibim ei duhui him.

ROMA 2:10

Noro tut yo di ita ibou ei midyai di kei bibor nyati lene Noni minggei sut yok bikon inyeng lene biyai ningon jo nyahanti biyok. Mun di kei dini mem mben Yahudi nipou ug e leu api mem ngkiai nya cem.

ROMA 2:29

Noro no di ntun mben Yahudi him di nijit rino no di ntun mben Yahudi him ei ningonti biyai midut sunat ei ningonti tug hon Allah Ninnei de midyai noro tug hon srat bokti he bi. Allah nggei sut no dima noro tungwatu nya inggei sut noni bi.

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

KORINTUS GI NICAN 10:18

Lewo Tuhan ningon kwes kin no di nggei-nggwang tut nonti bi. Noro ningon kwes kin no di Nonti nggei sut a.

FILIPI 2:3

Ma jiyai munti nya ntun jingon di jei him ba, jibindei mbut ninyeng mangti di tug hon jenti kin jingon di jei au. Noro ma jiba jibou coi mem yam ba, jibibon hiter ningon sren dor njiriek je.

TESALONIKA GI NIGOM 2:6

Nibrim ningkek leu binhyepo tungwatu nya kin jeni cem jinggei sut nye bi.

TIMOTIUS GI NIGOM 1:17

Dem mem gima inggei sut Allah Nongkom di Nibou Ndig bidem nijam hagom. Niyaijo kikau ba, bit bon tungwatu nya ingat Noni bou igyai him kan bi. Ma ikon ninyeng kikau buug hon nohonti bi! Igbit ri.

IBRANI 3:12

Disut bat jen, ma jisok kep jenti ser nhyema jigom ningon rom ba, ningkek ndokti bindei mbres nonti ei minu ting leu Allah di Niyaijo au.

YAKOBUS 2:1

Disut bat je di jingon jo kep Tuhan Yesus Kristus di Tuhan Di Kei-kau e, ma jimig mbus tungwatu nya tereu nok hi kei hi kinei bit leu nok ingat di jingat bou jiyai him au.

PETRUS GI NIGOM 1:7

Ide nibingon jeti ndo bindo tut gino jiba jingon com Allah haigtu e, he bi e? Bit leu nok mas di nok mun di pror yon di tungwatu nya ikwen ei humti. Jide niba ningon comti bon ninyeng dor njiriek mas. Mun di buhun bingon jide niba ningon comti bindei ba, jiba jingon com Yesus Kristus mungkun kei. Gino jingon nddong kikau lene Allah nggei sut je bikon jinyeng cem leu api jiyai jinyeng jei ei njap dino Yesus Kristus ttau hanyen kwei.

YUDAS 1:25

Nongkom ne Allah di teu nye leu sisar biyai niyaijo nijep binye tug hon ide Tuhan Yesus Kristus ri. Noni ne nibou ndig di kei-kau-kei rin ba, sindem bibor cem. Ninyeng tak kep mun nyeng hagom habiei leu nimbie him kikau kwei bipek ammani kep kikau buug hon nohonti bi! Igbit ri.

SAMUEL GI NIGOM 15:30

Lene Saul buhup “Dibon sisar tu. Noro na di Andigpoi e, abit da ba, singkwei hanyen leu binhyepo dikuk da bak tuhan di nok ade Allah. Tug hon nisinati dima ne angon mpo tut da ei nibou mien nya kin mben Israel nindigsi igyai him bi.”

SAMUEL GI NIGOM 2:30

Dani ne tuhan bidinok mben Israel ide Allah rin ba, dipreu ei mem jide keret nya nipou su bipia nani kin yo di intun nani him mijiyai kep midyai nok imam mem Da bijo ninno bijo kikau. Noro nogindini midiluei dingonti tut dipreu eisi pima ug ri. Hon kep ammani kui lene midijoi sut yo di ikuk yok biDa lo, midingon mpo tut yo di ingon mpo tut Da.