YOHANES 5:39 - ALLAH NIHYET MEM TUNGWATU NYA

³⁹ Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

YOHANES 5:39 ပူးပေါင်းရင်းမြစ်များ

MAZMUR 1:2

noro ngat ningwes ei tuhan nihyetti ba, kan-kan nyen tut nihyet dima bikwop mmun-njap bipwoi ei ningonti ne ningon nggei-hi-nggei.

MAZMUR 119:11

Dipoi Ade ningginausi ei dingonti leu binhyepo dibon sisar tut Nani bi.

MAZMUR 133:3

Ba, dem kep nggou di tinim kwei leu Nungug Hermon ba, biyam ug ei nungug tou Sion. tuhan bindei juk Nide mun di kei kwei leu Sion ba, gima ne niyaijo nijep di jo kikau ri.

MAZMUR 16:11

Ba, ando puig di bie tut da ndam niyaijo nijep. Dingon llei bibor ba, dingon nggei-hi-nggei cem bijo ninno bijo kikau lewo aya kui da.

MAZMUR 21:4

Na di Allah aya um nibou ndig ba, anjei mun di kei mpung bipias hagau bak lene aba topi mas bijuk nibou cem.

MAZMUR 36:9

Ingon cut hon njita di mpung bipias hagau ei Ade Ig. Asindui sut ba, nidut minyei di biam kwei leu angon singat tut nyeti.

NIPINGOK NINGONTI 6:23

Acig-apmem nya ide ningginausi nya dem kep ninjeng di piga digai puig di kei mem nani ba, ide nisok kepti nya mindo puig niyaijoti di kei bibor bina.

YESAYA 34:16

Ma jinggok ser ba, jikwop ei tuhan de sratti leu api mijingat lo, mindhe ninyeng gom mipror leu mindhe-ndhe pima yok hagom ikieti bi. Niwek mipror leu nikre bi ba, hagom jo hon yam. Lewo tuhan Nonti rino cuk yok lene Nonti rino ba yok bicom yam ei dima.

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

YEREMIA 8:9

Yo di ingon ki ei jikieti mitug ndei nimmai sut yonti. Ibou buwei ba, ibiam bon drek dip. Ikou sut Ditde nipingok ingonti apino ningon ki-kut mindei rino jo bit yok i?

DANIEL 12:2

Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

MATIUS 22:29

Yesus buhup “Jipai mun tunggwei nindig bibor lewo jingon dorti tut Allah Nihyet kin Nide nisindemti bi.

MARKUS 10:3

Yesus buhup bihig singgre yok “Puig Yahudi niggai serti di tug hon Musa pai mindei bije i?”

MARKUS 12:10

Jikwop Allah Nihyet di pas kep nok gini e? ‘Tig mma di tukan nya ikou sut bon ninyeng jei dor njiriek tig nindigsi nya.

LUKAS 16:29

Abraham buhup ‘Allah niggai serti di tug hon Musa kin nipas kepti di tug hon nabi nya hagom jo bak akinjoi bat nya tu. Nnaba igyai igbit leu nok srat dima yok nicuk yoti!’

LUKAS 16:31

Noro Abraham buhup ‘Gino ibit Musa kin nabi nya ide nicukti nya bi lene mice tut bibit no di kiju hanyen leu nimai eisi nihyet cem bi.’ ”

LUKAS 24:25

Lene Yesus pai biyok “Jingon mbum yo! Jingon tindak cem lewo jingon jo kep mun di tibim ei nabi nya yuhui him bi!

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

YOHANES 1:45

Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

YOHANES 5:32

Noro hiter mbrap gau Da. Dikan tut bipia mun di Noni pai sut Da dima ne nijit ri.

YOHANES 5:36

Mun nyeng gom di bindo tut Da nindig bibor dor njiriek bindo di Yohanes ndo pima. Dicig cuk Da mem diyai kep midyai apino midyai di diyai kep nya hagom bon ninyeng dor njiriek mun di Yohanes tri tut Da. Ditde midyai nya ndo brei bipia Dicig cuk Da kwei.

YOHANES 5:40

Noro jikou sut gi jikwei bit Da leu binhyepo jiyai niyaijo nijep.

YOHANES 5:46

Gino jiba jingon com noni haigtu lene ma jiba jingon com Da cem lewo noni pas kep tut Da.

YOHANES 7:52

Nindigsi nya ibuhup “Apo nani cem atimieisi leu hanjop Galilea e? Ma anyohou kwop leu Allah nihyet bokti leu binhyepo angon huk niti bipia nabi hi kwei leu hanjop Galilea bi sren.” [

KISAH 13:27

Yesus ne No di teu tungwatu leu ide sisar biyai niyaijo nijep biyok ri. Noro timiei minu ndig Yerusalem kin ide nibou nya ikan tut bi. Yoni ingon dorti tut nabi nya ide ningginausi di ide nibou nya ikwop bikwop Njap Nigwam Kep Ninghuisi bi. Leu api ijem nimai gau Yesus. Tug hon nisinati dima lene ibindei ba, nihyet di nabi nya itri tut Yesus nipou su pima pek kep tug hon Noni.

KISAH 17:11

Timiei minu ndig Berea nya igyok ingon mem Paulus nihyet dor njiriek timiei minu ndig Tesalonika. Ingig itingou mem nihyet tut Yesus lene ikieng leu Allah nihyet ba, iba srat bokti dima binai nihyet di Paulus tri tut biyok bikwop njap-njap.

KISAH 26:27

Na di Nibou Ndig Agripa Di Anyeng Jei e, angon jo kep mun di tibim ei nabi nya yuhui him e? Dikan tut bipia angon jo kep tu!”

ROMA 1:2

Ba, Allah preu ei mem nye tut Nihyet Di Kei mimbrek ngan tu tug hon Nide nabi nya. Noni bindei ba, ipas tut nipreu ei mem nyeti dima ei Allah Nihyetti.

ROMA 3:2

I! Mun dima yok mpu mben Yahudi nindig bibor! Nimbie him ne Allah ba ningon com yok tut Nonti Nihyet di yai biyok tu.

NINDAT KEP TUHAN NICUKTI NYA 18:15

Noni mipinak nabi gom leu jide mben di noyam kin da ndam je. Lene ma jibit nipingok jeti nya.

NINDAT KEP TUHAN NICUKTI NYA 18:18

Midipinak nabi gom leu ide mben di noyam kin nani ndam yok. Midisok dihyet tut dicuk yokti nya ei noni dip mem yoni leu binhyepo noni mitri tut dihyet hagom bak ade limwa nya yahagom.

NINDAT KEP TUHAN NICUKTI NYA 29:29

Ide tuhan Allah ku mimun tut mun nyeng poi noro Noni ndo Nikos Tutti Nya bak nyeni tu. Gima rino suar nyeni kin ide nintun him yamti di bram yam nya ibit nihyet bijo ninno bijo kikau hak ug.”

NINDAT KEP TUHAN NICUKTI NYA 32:47

Nicuk jeti nya dima nok nihyet bu tan bi. Noro hagom mibindei ba, jiyaijo. Gino jibit hagom lene mijiyaijo jei bibor ei minu di sindi mijicoi ba, jiyai bijiyati ei Minyei Yordan nite dima ug.”

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

IBRANI 11:35

Niba ningon comti bindei ba, sop nya igyai ide bat di imai su di ikiju leu imai eisi nya hanyen. Noro bihi ikou sut gima ingwes ngun leu yo di igyai ninghuisi wei biyok kikau ba, ibimai drek dip nya. Isindui sut yonti bimai leu binhyepo igyai nikiju hanyen leu imai eisi hanyen bitug ndei niyaijo di kei bibor di dor njiriek bu.

YOSUA 1:8

Ma akwop Ditde nicuk jeti nya ei ahui him brei ei mben Israel yoho bei tirigi idem yam ei ba, ikuk yok biDa. Ma angig ayai kep hagom bikwop mmun-njap. Lene ma ata abou eisi ba, abit hagom nok gi kei. Gino ayai nok gima lene ade midyai nya mingat ningat mang bibor.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.