YOHANES 5:36 - ALLAH NIHYET MEM TUNGWATU NYA

³⁶ Mun nyeng gom di bindo tut Da nindig bibor dor njiriek bindo di Yohanes ndo pima. Dicig cuk Da mem diyai kep midyai apino midyai di diyai kep nya hagom bon ninyeng dor njiriek mun di Yohanes tri tut Da. Ditde midyai nya ndo brei bipia Dicig cuk Da kwei.

YOHANES 5:36 ပူးပေါင်းရင်းမြစ်များ

MATIUS 11:4

Leu api Yesus buhup “Jingkwei hanyen ug ei Yohanes nidim ba, jipui sut mun di jimiap ei jitingou nsi kin mun di jingat bou jiyai him bak.

LUKAS 2:49

Yesus buhup “Dicig dipmem jeni e, jinggok ser Da binggon i? Jikan tut bipia suar dingat rin ei Dicig Nide Ig bi e?”

YOHANES 10:25

Yesus buhup “Dipai brei bije tu noro jingon jo kep Da bi. Diyai midyai tug hon nisindemti di Dicig yai biDa ba, midyai dima ndo bindo tut Da.

YOHANES 11:37

Noro hiter di isrig ikieti isrep “Noni bindei ba, no di niyai tu niyai da hanyen bi e? Nggon rino Noni kwei ngget Lazarus leu binhyepo mai au bi i?”

YOHANES 15:24

Gino diyai midyai di bit bon yo di hiter igyai kan bi ei ikieti bi lene ingon mui ba, sisar ntun him bi. Noro tini bu ne ingat Ditde midyai nya hagom bou igyai him ba, ingon mpo tut Dani kin Dicig tu.

YOHANES 17:4

Dindo Ade ninyeng jei biborti bak tungwatu dihyeisi dini tug hon midyai nya di akes biDa ba, hagom put tu.

YOHANES 2:23

Tirigi Yesus sisip ningat rin ei minu ndig Yerusalem mem Njap Ndig Paskah lene tungwatu nya imang bibor ingon jo kep Noni lewo ingat mindur di Noni bibon nya bou igyai him.

YOHANES 3:17

Lewo Allah cuk Nipmot kwei ei dihyeisi dini nok nikei di pai kep tungwatu nya bi noro nok No di teu yok leu sisar biyai niyaijo nijep biyok.

YOHANES 3:2

Mpe di gom lene noni ug ngat Yesus mem mmun bihig ser Noni “Guru e, nikan tut bipia Nani ne guru di Allah cuk kwei ri. Gino Noni ningat rin bit Na bi ne bit bon abibon mindur nok gi abibon dima kan bi.”

YOHANES 4:34

Lene Yesus pai biyok “Gino dibit Allah di cuk Da kwei ningon kanti bidiyai Nide midyai nya cem biput lene gima ne njita di diyem ri.

YOHANES 5:32

Noro hiter mbrap gau Da. Dikan tut bipia mun di Noni pai sut Da dima ne nijit ri.

KISAH 2:22

Disut bat mben Israel jen, ma jingig jitingou mem dihyet. Allah ndo midyai bak Yesus leu minu ndig Nazaret mem je. Gini jo nibreisi mem je tug hon mindur kin bindo di Allah bibon tug hon Noni ei jikieti bijikan tut mun dini yok hagom tu.

YOHANES GI NIGOM 5:9

Nyeni ingon jo kep mun di tungwatu nya ingat bou igyai him bitri tut. Noro mun di Allah ngat bou niyai him bitri tut bon ninyeng dor njiriek bu. Mun di bon ninyeng dima rino mun di Allah ngat bou niyai him bitri tut Nipmot.