YOHANES 5:28 - ALLAH NIHYET MEM TUNGWATU NYA

²⁸ Ma jinga leu tirigi jimiap tut gini au. Mpe dima kwei bu ne yo di imai nya yahagom imiap Noni nihyet,

YOHANES 5:28 ပူးပေါင်းရင်းမြစ်များ

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

DANIEL 12:2

Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

HOSEA 13:14

Miditeu yo dini bingwes ngun leu gumihyep nimai nide nisindemti bi. We Nimai e, nna ba ade nsuwer ajar ham nye hak ug! We Nimai e, nna ba ade nisindemti bindei cut nye hak ug! Midingondut yo dini bu bi.

YOHANES 3:7

Anga leu sut gi dipai bina bipia suar jahagom jiyai nisrek nimbicanti au.

YOHANES 4:21

Yesus pai binoni “Ma ayok ngon kep bipia ei nidipti bu ne tungwatu nya mikuk yok bak Icig Allah ei mpia ttou nsi dini kin minu ndig Yerusalem cem bu bi.

YOHANES 4:23

Tungwatu nya iba Allah Ninnei de nisindemti bibikuk yo bak Icig di nok Allah di nijit-jau mem nijam di nidipti bu kin nijam dini cem lewo Noni joi sut yo di iba ingon gom bibikuk yok biNoni.

YOHANES 5:20

Lewo Nicig ningon ngakei Nipmot ba, ndo Nide midyai nya hagom brei biNoni. Lene gima he bi lewo Nicig mindo midyai nindig bibor bu bak Nipmot apino jahagom mijinga leu sut.

YOHANES 5:25

Ma jiyok ngon kep bipia nituti dem tu ba, mpe dima kwei bu cem yo di imai nya imiap Allah Nipmot nihyet. Leu api yo di imiap nihyet igyai niyaijo nijep.

KISAH 24:15

Diyok dingon mem Allah noyam kin yo dini igyok ingon mem Noni tut gima Noni miwin yo di ingon sren nya kin yo di ingon rom nya cem yahagom leu imai eisi.

KISAH 3:12

Tirigi Petrus ngat yo dima lene noni hig ser yok “Disut bat mben Israel jen, nggon rino jinggap leu tut mun dini i? Nggon rino jibimian huk nye i? Jikan bipia no dini mbut nyen tug hon nyende nisindemti kin nyeni ningon kwes-kwausi e?

KORINTUS GI NIGOM 15:22

Bit leu nok tungwatu yahagom itug ndei nimai drek dip gi intun Adam him lene yahagom mikiju hanyen leu imai eisi drek dip gi inok gom kin Kristus.

FILIPI 3:21

Noni miluei ingut di sindem bi di mipror yon dini binoyam kin Nonti ningut di kei-kau-kei. Bon Noni yai gima drek dip gima Noni mbun nisindemti mem gima bikuk nipai testi nya hagom ei nimig him.

NINGAT-HI-NGAT NYA 20:12

Leu api dingat lo, yo di imai su nya bitut yo di inyeng jei nya kin yo di inyeng bi nya yahagom igya simiak banggo mbrei. Lene hi mbrek leu srat nya lo, mbrek leu srat gom kin bu ba, srat dini ne Srat Yo Di Igyaijo Nya ri. Yo di imai su nya itug ndei hukum bibit leu igyai munti nya di jo ei srat dimati.