YOHANES 5:23 - ALLAH NIHYET MEM TUNGWATU NYA

²³ leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

YOHANES 5:23 ပူးပေါင်းရင်းမြစ်များ

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

YESAYA 42:8

Dangkom he rino jide tuhan. Midikwas Ditde nikei-kau-keisi ndrim hi tut kwar di tungwatu nya ikuk yok bak bi sren. Midisindui sut ba, tungwatu nya inggei sut Dangkom he. Ma inggei sut kwar nya au.

YESAYA 44:6

tuhan Di Sindem Bibor di ninyeng tak kep mben Israel binyohou yok pai “Dangkom ngat he rino Allah ei nimbie him kikau ug ei ningwig honti cem.

YESAYA 45:15

Allah di teu mben Israel bingwes ngun ne Allah di ku No nding leu tungwatu nya igyai him ri.

YESAYA 45:21

Ma jikwei ya ei nikei noho bei bijisimbot dat jide munhyet ba, yo di ibicom yam nya isimbot kep biyam tut. Tou ripai nisinati ei nimbie him tut mun di cut igkep je i? Dangkom di Allah rino dipai sut bi e? Lewo kwar di ikuk yok bak ne allah nijit rin bi. Dani ne Allah di kwes-kwau rin ba, diteu Ditde limwa nya bingwes ngun. Dangkom ngat he rino Allah!

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 10:37

No di ningon ngakei nicig kin nipmem nindig dor njiriek ningon ngakei Dati ne dem mem noni ya kui Da bi. No di ningon ngakei nipmot kin nipmisop nindig dor njiriek ningon ngakei Dati ne dem mem noni ya kui Da bi.

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 12:21

Lene ngkiai nya yahagom miba ingon com Noni.”

MATIUS 15:8

‘Allah pai sut yo dini bipia inggei sut Da ei yuhui him he noro ingonti jo ei minu ting leu Da.’

MATIUS 28:19

Gima rino ma je juug ba, jibindei tungwatu dihyeisi dini hagom bibit Da leu api jitur yok ei minyeiti tug hon ninyeng Nicig kin Nipmot kin Ninnei Gi Kwes.

LUKAS 10:16

Lene Yesus pai bak yo di ibit Noni “Bikwop no di ngig nitingou mem jihyet lene gima dem kep nok ngig nitingou mem Dani dihyet. No di kou sut je lene gima dem kep nok noni kou sut Dani cem. No di kou sut Dani ne gima dem kep nok noni kou sut No di cuk Da kwei cem.”

YOHANES 14:1

Yesus pai biyok “Ma jingon buhun bijingon bos-bos nyen au. Ma jiba jingon com Allah lene jiba jingon com Dani cem.

YOHANES 16:14

Noni mikon dinyeng lewo mimbot kep tut mun di Noni miap leu duhui him bije.

YOHANES 17:10

Ditde limwa nya yahagom ne Ade limwa nya ri. Ade limwa nya yahagom ne Ditde limwa nya ri. Diyai Dinyeng jei biborti tug hon yoni.

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

ROMA 15:12

Nabi Yesaya pai, “Tungwagom di ntun Isai him mittau kwei ba, ninyeng tak kep ngkiai nya bibindei ba, inok Nide limwa nya leu api igyok ingon mem Noni.”

ROMA 6:22

Noro tini bu ne Allah kwek je leu sisar de nisindemti ba, jinok awak mem Noni. Jiba jekep jingon di gom tut Noni apino niyaijo nijep di jo kikau ntun him.

ROMA 8:9

Noro jiyai mun bit leu jingut kanti di ntun dihyeisi dini him nicuk jeti bi. Noro jiyai mun bit leu Ninnei Gi kwes nicuk jeti gino ningat ne Allah Ninnei ningat rin ei jingonti. Gino Kristus Ninnei ningat rin ei tungwagom ningonti bi ne Kristus nyeng tut no dima bi.

KORINTUS GI NIGOM 1:3

Handei kon ba, Icig Allah kin Tuhan Yesus Kristus isingat tut jeni ba, ibiyai jingon jo nyahan.

KORINTUS GI NIGOM 10:31

Nnaba tut njita di jiyem kin ndia ngei di jidut ne ma jiba jiyai munti dima yok hagom binggei sut Allah.

KORINTUS GI NIGOM 16:22

Ma Allah sigion no di ningon ngakei Tuhan bi! Maranatha! Tuhan e, ma akwei hanyen!

KORINTUS GI NIGOM 6:19

Suar jikan tut bipia jingut nok ig mem Allah Ninnei ba, Allah kes Nonti Ninnei ei jingonti bibong ser jingonti. Jimbun jenti jingut bi noro Allah rino mbun jeni.

KORINTUS GI NICAN 1:9

Nikan bigya nicoi bit yo di itug ndei hukum nimai. Noro mun dima cut igkep nye leu binhyepo bindei ba, niba ningon com nyende nisindemti bi. Noro niba ningon com Allah di sindem mem gima win yo di imai bikiju hanyen.

KORINTUS GI NICAN 5:14

Kristus ningon ngakei nyeti ninyeng tak kep niyai munti nya. Ba, nikan tut bipia tungwagom ngat mai biya luei nindigsi nya yahagom. Gini ndo bipia yahagom imai ei ide sisarti tu.

KORINTUS GI NICAN 5:19

Nitri tut bipia Allah yai tungwatu yahagom ingon kwes kin Noni hanyen tug hon Kristus. Noni kwop kep ide sisar di ibon tunggwei sut Noni bu bi. Leu api Allah kes midyai nitri tut ningon kwes kin Noniti hanyen ei nye dip tu.

EFESUS 6:24

Handei kon ba, Allah singat tut je dino jiba jide ningon ngakei yamti di ug hon nohonti bi dima bingon ngakei ide Tuhan Yesus Kristus. Nipigo leu dani, Paulus

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

IBRANI 1:6

Noro dem igbit nituti di Allah cuk Nipmot mighumbou kwei ei dihyeisi dini lene Noni tri tut “Suar Allah de malaikati nya yahagom ikuk yok biNoni.”

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus

YOHANES GI NIGOM 2:23

No di rok Nipmot rok Nicig cem. No di cigit Nipmot ei ningonti cigit nicig cem.

YOHANES GI NICAN 1:9

No di krau kep Kristus nipingok nyeti bi noro krau tunggwei nipingokti niyaijo nok gom kin Allah bi. No di krau kep Kristus nipingok nyeti niyaijo nok gom kin Icig Allah kin Nipmot cem.