YOHANES 5:20 - ALLAH NIHYET MEM TUNGWATU NYA

²⁰ Lewo Nicig ningon ngakei Nipmot ba, ndo Nide midyai nya hagom brei biNoni. Lene gima he bi lewo Nicig mindo midyai nindig bibor bu bak Nipmot apino jahagom mijinga leu sut.

YOHANES 5:20 ပူးပေါင်းရင်းမြစ်များ

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

MATIUS 4:8

Lene Bilis buwak Yesus ug ei mbigdip anai bibor leu api ndo minu ninyeng tak kepti di jodihyei nisurti-nipekti tut nikei-kausi nya hagom bak.

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 10:32

Noro Yesus pai biyok “Diyai midyai di kei mang bibor brei ei jiyai him bit leu Dicig nicuk Dati. Midyai di kei di diyai dima gi tou rino jihwen Da drek dip i?”

YOHANES 14:12

Dipai nijit bije bipia no di ba ningon com Da miyai midyai noyam kin midyai di diyai nya. Ningat ne noni miyai midyai nindig bibor dor njiriek bu lewo duug gwam bit Dicigya.

YOHANES 15:15

Dijem je awak bu bi lewo awak nya ikan tut iceu niyai munti nya bi. Noro dijem je disut bat di dingon kieti nya lewo ditri tut mun di dimiap leu Dicig hagom bije tu.

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 3:35

Nicig ningon ngakei Nipmot bibindei ba, Noni krau nisindemti hagom ei nindati.

YOHANES 5:21

Bit leu nok Nicig win yo di imai nya bibindei ba, igyaijo hanyen lene Nipmot cem bindei ba, tungwatu nya igyai niyaijo hanyen bit leu ningon kanti.

YOHANES 5:25

Ma jiyok ngon kep bipia nituti dem tu ba, mpe dima kwei bu cem yo di imai nya imiap Allah Nipmot nihyet. Leu api yo di imiap nihyet igyai niyaijo nijep.

YOHANES 5:29

leu api mikiju leu nimai nya ikieti. Yo di igyai munti kei nya ikiju um niyaijo nijep noro yo di igyai munti kinei nya ikiju um hukum.”

PETRUS GI NICAN 1:17

Nyeni ningat rin bit Noni ei mpe di Nicig Allah kon Noni ninyeng biyai nikei-kau-keisi bak. Mpe dima lene nihyet gom tibim kwei leu Allah Di Sieng-Siau nuhui him di pai biNoni “No dini ne Dipmot di dingon ngakei rin ba, dingon kei sut Noni.”