YOHANES 5:18 - ALLAH NIHYET MEM TUNGWATU NYA

¹⁸ Yesus nihyet dima bindei ba, nibou mben Yahudi nya ibrim ingkek mem gima igyai nimai biNoni drek dip niyai midyai njiriek nicukti mem Njap Nigwam Kep Ninghuisi he bi noro drek dip nihyet di Noni tri tut bipia Allah ne Nicig ri. Tug hon nisinati dima rino Noni pai sut Nonti bipia Noni kin Allah yahacem noyam.

YOHANES 5:18 ပူးပေါင်းရင်းမြစ်များ

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MATIUS 12:5

He jikwop Allah niggai serti dima tut imam nya cem di iba midyai di igyai ei Tuhan De Ig bipigau nidimig sutti dima bikwop Njap Nigwam Kep Ninghuisi nya bi e? Noro ingon mui drek dip bi.

YOHANES 1:19

Nibou mben Yahudi nya ei minu ndig Yerusalem isok ighyet ei imam nya kin yo di intun Lewi him dip bak Yohanes bihig ser noni “Nani tou i?”

YOHANES 10:30

Dicig kin Dani ninok gom kin yam.”

YOHANES 10:33

Mben Yahudi ibuhup “Nihwen Na drek dip Ade midyai di kei nya bi. Noro drek dip ahyet di wer mpiahi tut Allah. Nani ne tungwatu dihyeisi dini he rin noro apai sut Nanti bipia Nani ne Allah ri.”

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 14:9

Noro Yesus buhup “Filipus e, digwam bit je ninno tu noro akan igbit tut Da bigyo e? No di ngat igbit Da ngat igbit Dicig cem tu. Nggon rino ahara Da mem dindo Dicig brei bije i?

YOHANES 19:7

Mben Yahudi dima ibuhup “Suar Noni tug ndei nimai drek dip nye di mben Yahudi nyende nicuk nyeti lewo Noni tri tut bipia Noni ne Allah Nipmot ri.”

YOHANES 5:15

Leu api noni kes Yesus leu lene ug mbot kep tut Yesus di bindei ba, noni kei hanyen tu bak nibou pima yok.

YOHANES 5:16

Hon kep njap dima kui lene yoni ihwen bit Yesus drek dip gi bindei no di nggwen bikei hanyen mem Njap Nigwam Kep Ninghuisi.

YOHANES 5:17

Noro Yesus pai biyok “Dicig yai kep midyai nya kikau kwei bipek ammani kep ba, Dani cem diyai kep midyai nya.”

YOHANES 5:23

leu binhyepo yahagom ikon Nipmot ninyeng bit leu nok ikon Nicig cem ninyenga. No di kon Nipmot ninyeng bi kon Allah di cuk Nipmot kwei ninyeng cem bi.

YOHANES 7:1

Leu api Yesus mbut-mbut nyen ei hanjop Galilea. Noni joi sut ngkwei ug ei hanjop Yudea hanyen bi lewo nibou mben Yahudi nya ibingon mem gima igyai nimai biNoni.

YOHANES 7:19

Apo Musa yai Allah nicukti bije bi e? Noro jigom bit nicukti dima cem bi. Nggon rino jibingon mem gima jiyai nimai biDa i?”

YOHANES 8:54

Yesus buhup “Gino dibingon mem gima dikon dinyeng ne dinyeng jeisi dima bon ninyeng bi. Noro gi kon dinyeng ne Dicig di jipai sut Noni bipia jide Allah rin lo,

YOHANES 8:58

Yesus buhup “Dipai nijit bije bipia nipou tirigi Abraham srek bigyo ne DANI DINGAT RI.”

FILIPI 2:6

Mbro nok gino ningat ne Noni kin Allah yahacem noyam lo, Noni krau kep Nide nikei-kau-keisi kin ninyeng di jei noyam kin Allah bi.

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,

NINGAT-HI-NGAT NYA 22:3

Mun di Allah sigion nya hi jo ei minu ndig dima bi sren. Allah kin Domba Pmot ide banggo mbrei jo ei minu ndig dima lene Nide awak nya mikuk yok binggei sut Noni.