YOHANES 5:14 - ALLAH NIHYET MEM TUNGWATU NYA

¹⁴ Niabiati bu lene Yesus ttau kep noni ei Tuhan De Ig bisok kep noni “Amiap e, akei hanyen tu noro ma abon sisar bu au. Leu binhyepo mun di kinei bibor bu micut igkep na hanyen bi.”

YOHANES 5:14 ပူးပေါင်းရင်းမြစ်များ

NIBOHON MBEN ISRAEL GI NICAN 28:22

Mbro nok gino mun di buhun dima bindin Ahas nindig bibor lo, noni bon kep sisar tut tuhan bikum eisi kikau.

NEHEMIA 9:28

Tirigi ibong kei igwam kei hanyen tu lene ibon sisar sindam apino asindui sut yok ba, icut bak ide siceu nya hanyen bu. Noro ittin ser ide sisar dima ba, yahara Na ei gwamti leu binhyepo ateu yok bingwes ngun leu api angig atingou mem ighyet nyen-nyen ba, angondut yok cem leu api ateu yok bingwes ngun cem.

MAZMUR 118:18

Noni ttem da sindem bibor noro sindui sut da bidimai drek dip bi.

MAZMUR 18:22

Dibit tuhan nicukti nya. Digikiek doho tai leu ditde Allah bi.

MAZMUR 27:6

Gima rino midibindei timek ditde siceu nya di igyon ttai da bingwig. Midiba dingon di llei bibor bibon midut nindig mindhe kep humti ei Nide Ig. Midiba doia binggei sut tuhan.

MAZMUR 9:13

Lewo Noni yok ngon kep yo di yuum mun di nggruk nya. Noni gibbwe ser yok tirigi yahara Noni bi. Noro kes hukum ei yo di imbuk tut yok nya dip.

YESAYA 38:20

tuhan e, ayai ninghuisi kwes bida hanyen tu. Apino minipai doia ei Ade Ig ba, nibikek nggong mbrei mem nijam di niyaijo ei dihyeisi dini.

IMAM NYA IDE MIDYAI 13:20

Lene ma imam dima ngig niyai kep nibokti. Gino ninta-nta di joti nya tiei kei ba, buhwei dima yem ningkek bimui lai-lai de cem lene ma imam dima simbot dat bipia map kui no dimati. Lewo buhwei dima bindei ba, bras mbrei sindi yem noni.

IMAM NYA IDE MIDYAI 26:27

Gino hukum dima hagom cut igkep je leu su lo, jaham nimbuk kep Da kikau ba, jibit dihyet bi cem,

IMAM NYA IDE MIDYAI 7:12

Gino tungwagom mipai sigyo hanyen tug hon nibon midut dini lene ma noni jem mindhe ningut gom bitut roti di roti ninjep srigsi bi kwei. Roti dima ne roti nindak di mini zaitun srigsi kin roti di dile di noni ba mini zaitun bibijos nidip kin roti nyop di mini zaitun srigsi cem.

MATIUS 12:45

Gima rino ninnei rom dima ug buwak nisut ninnei rom di ikinei bibor dor njiriek noni ibou muhwindacan bu ba, icoi ug ei no dima ningonti apino nide niyaijoti kinei bibor dor njiriek gi nipou bu. Mun dini micut igkep yo di isibut nya di ingat rin ei nijam dini.”

MARKUS 2:5

Tirigi Yesus ngat lo, iba ingon com Noni lene pai bak no di las hwen “He mot de ug o, dwai! Dikos ser ade sisar tu.”

YOHANES 5:13

Noro no dima kan tut Yesus ninyeng bi lewo Yesus mbut bisrig tungwatu nya imang bibor di ingwig ei mpia ttou nsi dimati.

YOHANES 5:5

Tungwagom di nimig lit kikau mem ari bingwam nitindur ningot ningai ba, muhwindaningai cem no rinaha.

YOHANES 8:11

Noni buhup “Andigpoi e, hi bi.” Yesus pai “Kei Dani cem dipai kep na bi. Ambut hak ug noro ma abon sisar bu au.”]

PETRUS GI NIGOM 4:3

Nipou ne jiyai munti nya dem kep nok yo di ingon tindur nya. Mpe dima lene jikrar kep yam cem jidut mun di pu je kikau cem jikwek njita cem jibihim cem jibon pesta kep jide kwar di jikuk je bak di bindei ba, tungwatu nya igyai ttin cem.