YOHANES 4:3 - ALLAH NIHYET MEM TUNGWATU NYA

³ Tirigi Yesus kan tut bipia Farisi nya ikkin kep ninghapti lene Noni jo leu hanjop Yudea bingkwei hanyen ug ei hanjop Galilea.

YOHANES 4:3 ပူးပေါင်းရင်းမြစ်များ

MATIUS 10:23

Gino timiei minu ttou nsi gom ihwen bit je lene ma jinang ug ei minu ttou nsi hiter bu. Dipai bije bipia nipou tirigi jicem kep mben Israel ide minu ndig nya hagom bidem bigyo lene Munggwom Tungwatu Nipmot kwei hanyen tu.

MARKUS 3:7

Mpe dima lene Yesus kin yo di igya kui Noni ingkwei hanyen ug ei Igpong Galilea nintig dip leu api tungwatu ningot ndig di ikwei leu hanjop Galilea kin Yudea,

LUKAS 17:11

Tirigi Yesus ug ndam Yerusalem lene ug mbut minu niya kwas yamti ei hanjop Samaria kin Galilea.

YOHANES 1:43

Njapti kui bu lene Yesus kos tut ningon kanti mem gima ug ei hanjop Galilea. Noni ttau kep Filipus bipai binoni “Akwei bit Da.”

YOHANES 10:40

Noni ngkwei hanyen ug ei Minyei Yordan nite dima ug ndam mpia ttou nsi di Yohanes tur tungwatu nya ei minyeiti bibong ei sirima.

YOHANES 11:54

Gima rino Yesus hei ei nibreisi ei mben Yahudi igyai him bi. Noni jo leu hanjop Yudea buug bong ei minu ndig Efraim dideu iggum ndigsi bit yo di igya kui Noni.

YOHANES 2:11

Mindur dima ne Yesus sindi bibon tirigi nimbie him ei minu mien Kana ei hanjop Galilea. Noni ba bindo dima bindo tut Nide ninyeng jei biborti. Gima rino yo di igya kui Noni ingon jo kep Noni.

YOHANES 3:22

Gima ngwig leu api Yesus kin yo di igya kui Noni yuug ei hanjop Yudea. Noni bong bit yok ei sirima mem bed poi ba, tur tungwatu nya ei minyeiti.

YOHANES 3:32

Noni tri tut mun di Noni ngat bou niyai him bimiap ei nitingou nsi cem noro tungwatu nya ingon jo kep nihyet bi.

YOHANES 4:47

Tirigi noni miap Yesus ninghapti tut gijo leu hanjop Yudea bikwei krau hanjop Galilea hanyen tu lene noni ug ngat Yesus bitigtai Noni mem gima ug ei minu ndig Kapernaum leu binhyepo bindei nipmot di nggwen di ningon tai-tai bou ba, kei hanyen.

YOHANES 7:1

Leu api Yesus mbut-mbut nyen ei hanjop Galilea. Noni joi sut ngkwei ug ei hanjop Yudea hanyen bi lewo nibou mben Yahudi nya ibingon mem gima igyai nimai biNoni.