YOHANES 4:21 - ALLAH NIHYET MEM TUNGWATU NYA

²¹ Yesus pai binoni “Ma ayok ngon kep bipia ei nidipti bu ne tungwatu nya mikuk yok bak Icig Allah ei mpia ttou nsi dini kin minu ndig Yerusalem cem bu bi.

YOHANES 4:21 ပူးပေါင်းရင်းမြစ်များ

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YEHEZKIEL 14:3

“Na di tungwatu di ayaijo kikau bi e, yo dini ikuk yonti bak kwar nya apino icut ei sisarti tu. Leu api nggon rima ihig ser Da i?

YEHEZKIEL 20:3

“Na di tungwatu di ayaijo kikau bi e, ambrap bit nibou dima yok ba, apai biyok bipia Da di tuhan Di Dinyeng Jei Bibor dipai ‘Jikwei brim jingkek bibor ba, jahara Da mem gima dindo dingon kanti bijeni e? Dipai tug hon Da di Allah di niyaijo dinyeng bipia midice tut gi jahara Da tut dingon kanti mem je bi! Da di tuhan Di Dinyeng Jei Bibor disimbot dat tu.’

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MATIUS 18:20

Gino ibou can ibou ningai imbus yam ei drek dip Dani lene Dani cem dingat rin ei ikieti.”

MATIUS 28:19

Gima rino ma je juug ba, jibindei tungwatu dihyeisi dini hagom bibit Da leu api jitur yok ei minyeiti tug hon ninyeng Nicig kin Nipmot kin Ninnei Gi Kwes.

LUKAS 21:24

Lewo siceu nya iba simeda bitot bihi bikri bihi ug ei ingkiaisi cem leu api ngkiai nya mico kep minu ndig Yerusalem binnir-wap kikau bibou nijam di Allah kos tut mem yok ngwig ug e.”

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 16:2

Nibou nya micom je leu ig mbusyamei. Ei nidipti bu lene tungwatu nya ikan bipia gino igyai nimai bije lene gima bit leu Allah ningon kanti mem yok.

YOHANES 16:32

Ma jiyok ngon kep bipia tto bou mem jintek gimahap midem ba, tto bou dima dem tu. Bikwop jahagom mijingkwei hanyen ug ei jide ig bijikes Da ei apino digwam biDangkom. Noro digwam biDangkom bi lewo Dicig ningat rin bit Da.

YOHANES 4:23

Tungwatu nya iba Allah Ninnei de nisindemti bibikuk yo bak Icig di nok Allah di nijit-jau mem nijam di nidipti bu kin nijam dini cem lewo Noni joi sut yo di iba ingon gom bibikuk yok biNoni.

YOHANES 5:25

Ma jiyok ngon kep bipia nituti dem tu ba, mpe dima kwei bu cem yo di imai nya imiap Allah Nipmot nihyet. Leu api yo di imiap nihyet igyai niyaijo nijep.

YOHANES 5:28

Ma jinga leu tirigi jimiap tut gini au. Mpe dima kwei bu ne yo di imai nya yahagom imiap Noni nihyet,

KISAH 6:14

Nimiap nihyet di noni pai Yesus leu minu ndig Nazaret minggek Tuhan De Ig binggek tut nyeni igyai kepti nya di iba nyekep leu Musa hagom!”

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

EFESUS 3:14

Gima rino diba dibiau bicom mpia ei Icig Allah Noho bei.

TIMOTIUS GI NIGOM 2:8

Dijoi sut gino pinai nya bidem minu hagom iba ingon di kwes bingat nadi. Tirigi ingat nadi lene ma ingon sibui sut yam ba, iba ighyet bidahat yam cem au.

PETRUS GI NIGOM 1:17

Tirigi jingat nadi bak Allah lene jindat kep ninyeng Arigya. Noni mbus nggok tungwatu nya bibit leu nok yonti njem di Noni ngat bou niyai him bi. Noro buhup biyok bit leu nok igyai munti nya. Gima rino ma jiba jiyaijoti ei dihyeisi dini bikon Allah ninyeng.

NINGAT-HI-NGAT NYA 21:22

Leu api dingat lo, Allah De Ig hi jo ei minu ndig dima bi. Lewo Allah Di Sindem Bibor kin Domba Pmot yonti ne Allah De Ig ri.