YOHANES 4:20 - ALLAH NIHYET MEM TUNGWATU NYA

²⁰ Pung di nyeni nintun him nya ikuk yok bak Allah kikep ei nungug tou dini noro je di mben Yahudi jitri tut bipia minu ndig Yerusalem ne mpia ttou nsi gom ngat mem tungwatu nya ikuk yok kikep bak Allah eisi ri.”

YOHANES 4:20 ပူးပေါင်းရင်းမြစ်များ

NIBOU NDIG NYA GI NIGOM 9:3

bipai binoni “Dingig ditingou mem ahyet tirigi angat nadi pima tu. Didimig Ditde Ig di angot dini pijum ei nok gumihyep gom ngat mem tungwatu nya ikwei kuk yok biDa eisi bijo ninno bijo kikau. Lene midiyok diyai kep ig dini ba, midinyohou kikau.

NIBOHON MBEN ISRAEL GI NIGOM 21:26

Noni win nimbar hum dok gom mem tuhan eisi leu api bibon midut nindig mindhe titut kep humti kin nibon midut nibiyai ningon kwes kin Allahti cem eisi. Leu api bingat nadi bak tuhan. Apino tuhan buhup nadi dima tug hon nisinati dino pinak hum kwei leu mpia-bbed him biyem mindhe-ndhe di ibui di ikes ei nimbar hum dokti dip pima bingwig.

NIBOHON MBEN ISRAEL GI NIGOM 22:1

Lene Daud tri tut “Suar nyeni iwin tuhan Allah De Ig ei gumihyep dini. Suar mben Israel ijem ide mindhe-ndhe di ibui kwei ba, indig kep hum bak tuhan ei nimbar hum dokti dini.”

NIBOHON MBEN ISRAEL GI NICAN 7:12

lene tuhan ndo Nonti bak noni hanyen bu mem mmun bipai bak “Dimiap ade nadi di angat tu ba, dice tut ig dini nok gumihyep mem gima ibui mindhe-ndhe bindig ei nimbar hum dokti bibikuk yok bak Dani.

NIBOHON MBEN ISRAEL GI NICAN 7:16

Midibon mun nyeng dini yok hagom lewo didimig mpia dini pijum ei binok gumihyep di tungwatu ikuk yok bak Dani eisi bijo ninno bijo kikau. Midiyok diyai kep bidinyohou Ig dini bidem nijam hagom.

MAZMUR 132:13

tuhan dimig Sion ei bindo minu ndig dima nok mpia di Noni bong ser.

MAZMUR 78:68

Noro dimig keret Yehuda kin Mbigdip Sion di ningon ngakei.

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

LUKAS 9:53

Noro timiei nya ei minu mien dima ikou sut gima Yesus kwei bong bit yok lewo jo nibreisi bipia Noni kak puig buug ei Yerusalem.

YOHANES 4:12

Niba nyekep minyei bousi dini leu Yakub di nok pung di nintun him ba, noni kin nimunggwom bat nya kin nide mindhe-ndhe nya yahagom idut kikep leu minyei bousi dini habiei su. Akan bipia anyeng jei dor njiriek Yakub e?”

NINDAT KEP TUHAN NICUKTI NYA 11:29

Tirigi jide tuhan Allah buwak je bijicoi ug ei minu di mijibong niti dima tu lene ma jibon midut nitri tut tuhan de mun di kei pimati biyam ei mbigdip Nungug Gerizim lene ma jibon midut nitri tut Nide nisigion pimati biyam ei mbigdip Nungug Ebal. (

NINDAT KEP TUHAN NICUKTI NYA 27:12

“Tirigi jisigon Minyei Yordan ba, juug dihip ei nite hi tu lene ma keret Simeon kin Lewi kin Yehuda kin Isakhar kin Yusuf kin Benyamin ikui ug ei Nungug Gerizim tirigi nihyet tut mun di kei di tuhan miyai bak mben Israel tibim kwei.