YOHANES 4:14 - ALLAH NIHYET MEM TUNGWATU NYA

¹⁴ Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 4:14 ပူးပေါင်းရင်းမြစ်များ

YESAYA 49:10

Mpe dima lene yoni inggobiau ba, inggum cem bi. Mpia di wam bibor kin iggum ndigsi di dut bibor mipijuk yok bi. Lewo Da di dingondut yok midiwin kep ingonti bidibuwak yok kep minyei bousi nya.

YESAYA 55:1

tuhan pai “Jahagom di jinggobiau e, ma jikwei dut minyei di ditau ei mem je! Je di jima mitiei hi bi e, ma jikwei yai gandum mikuisi bijiyem ug! Ditin ei anggur ngei kin sapi do ngei tu ba, jikwei yai hi mikuisi bijidut ug!

YESAYA 58:11

Midibie tut je bidibindei ba, jingon llei bibor tirigi jingat rin ei iggum ndigsi. Midinyohou je leu binhyepo jinghuisi kwes bijiyai nisindemti. Mijinok beisi di minyei dem ba, ngat ningat di kei kin minyei bousi di pingge hanyen bi sren.

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YEREMIA 31:25

Midibindei ba, yo di inghuisi jet nya inghuisi sindem hanyen ba, yo di inghuisi mbris drek dip ninggum di hwen yok migyem njita bigyai nisindemti bu.

YEHEZKIEL 47:9

Ei mpia di minyei dini biam ug eisi nya lene bikwop wau ninyeng hagom kin mindhe-ndhe hagom idigek bibor. Minyei di biam dini mibindei ba, Igpong Nsim ningei midem minyei su ningei di nyop bi. Minyei dini nibiamti bindei ba, mun nyeng hagom yai niyaijo hanyen.

IMAM NYA IDE MIDYAI 11:36

Ne gino mindhe mai hi cut bingget minyei bousi kin bak minyei lene mibindei ba, map kui gima yokti bi. Noro tut mun nyeng nindigsi lene map mikui hagomti.

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

MATIUS 5:6

Bikwop yo di ijoi sut gima ibit leu Allah ningon kanti mem yok nya ingon nggei-hi-nggei lewo Allah misindem tut yok mem gima!

YOHANES 10:10

Ninggimang kep mun cig gau sar bimbrai domba nya leu api bui nok mikwau bidigou binggek tut domba nya. Noro dikwei leu binhyepo tungwatu nya igyai niyaijo nijep di mpung kin pias-hagau ei ingonti.

YOHANES 11:26

No di niyaijo di ba ningon com Da miyai niyaijo nijep ei ningonti. Gima rino noni mimai hak bi sren. Angon jo kep dipaisi dini e?”

YOHANES 4:10

Yesus buhup “Gino akan igbit tut mun di Allah yai bak tungwatu nya ba, angat igbit Da di dahara na tut minyei dini lene nanti ma ahara Da leu api duhug minyei niyaijo nijep hi bina ba, adut.”

YOHANES 4:11

Misop dima pai “Andigpoi e, aba mindei bitau minyei i? Minyei yaisi dini jo jui nsi di jut bibor. Atau minyei niyaijo nijep leu sirigitou i?

YOHANES 4:13

Yesus pai “No di dut minyei dini mporo nggobiau hanyen.

YOHANES 4:36

No di biang njita kwei sindi tug ndei nimuhup bibiang njita di bit bon pror yon kan bi kwei ndam niyaijo nijep di jo kikau. Gima rino no di ndim ningan kin no di biang njita kwei leu beisi yahacem igyai nillei noyam.

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

YOHANES 6:35

Yesus pai biyok “Dinok roti di bindei ba, tungwatu nya igyai niyaijo nijep. No di bit Da minggum bu bi ba, no di ba ningon com Da minggobiau cem bi.

YOHANES 6:58

Gi dipai dini tut roti di juk kwei leu gwamti noro dem kep manna di jide pung di jintun him nya igyem bi. Yoni igyem kep manna noro jei bi lene igyaijo ngwig hon nohonti. Noro no di yem roti dini yai niyaijo nijep di jo kikau.”

YOHANES 7:37

Ei njap ningwig honti di bon ninyeng mem Njap Ndig Ig Jibei Mpam Meng lene Yesus kiju biya leu api ba nihyet nindig bahara “Ma no di nggobiau kwei ndam Da bidut minyei.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

KORINTUS GI NICAN 1:22

bitak buk kep nye cem. Noni mbun nye bikes Ninnei ei ingonti cem. Ba, Allah Ninnei dima nok wa di yok ser di bindo bipia Nide nipreu ei mem nyeti hagom mipek kep mem nye.

EFESUS 4:30

Ma jibindei ba, Allah Ninnei ningon pus tut je au. Lewo Allah ba Ninnei dima bitak buk kep je nok bindo di bindo bipia nyeng tut je binyohou je kikau bibou Njap Nikwek Jeti dem ug e.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

NINGAT-HI-NGAT NYA 7:16

Bit bon inggum ba, inggobiau cem bu bi sren. Mpia njap di wam bibor mitigut yok bu bi sren.

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”