YOHANES 4:10 - ALLAH NIHYET MEM TUNGWATU NYA

¹⁰ Yesus buhup “Gino akan igbit tut mun di Allah yai bak tungwatu nya ba, angat igbit Da di dahara na tut minyei dini lene nanti ma ahara Da leu api duhug minyei niyaijo nijep hi bina ba, adut.”

YOHANES 4:10 ပူးပေါင်းရင်းမြစ်များ

MAZMUR 10:17

tuhan e, ningat ne amiap kep yo di ibon inyeng bi nya ide nadi leu api abiwin kep ingonti.

MAZMUR 46:4

Mbro nok gino sigau hwen muk ndigsi ba, muk tti nindig bibor bibindei ba, nungug tou nya digit-digit nyen lo, nittin tut bi.

NEHEI LEUSI 17:6

Mbigom midiya ei bor ngug dip ei aho bei ei Nungug Sinai nikiou ei jikwei leusi. Tirigi juug krau tig dima lene abui tig apino minyei su di kei mem jidut mibiam kwei leu tig ninsi leu binhyepo mben Israel yahagom midut bindei yok.” Lene Musa yai hagom bit leu nok tuhan nicuk noti bou nibou mben Israel igyai him.

DIUN MIMUN 4:15

Nani ne minyei yaisi ei ditde miaisi di bindei hei minyei di biam kikau di biam kwei leu Libanon ri.”

YESAYA 12:3

Mijipai doia bijiyai nillei noyam kin minyei hou di bibon yo di inggobiau ingon nggei-hi-nggei lewo Allah teu je bijingwes ngun.

YESAYA 35:6

Yo di imig lit mipri-pri nyen cem noyam kin rusa ba, mibbwe nya iba ingon di llei bibor bimbos-hi-mbos. Lewo ei mpe dima lene minyei nya biam-biam nyen ei iggum ndigsi ba, minyei pmem biam ei iggum ndigsi.

YESAYA 42:6

“Da di tuhan dihig na kwei bidiyai nisindemti bina leu binhyepo abindei mbut ningon sren-srausi bikieng kep dihyeisi dini ug e. Midipreu ei mem tungwatu nya yahagom bidipiga digai ngkiai nya yahagom tug hon na.

YESAYA 43:20

Mpe dima lene mindhe-ndhe bigbehei nya mikuk yok biDani lene nsien di niten-pos kin ha unta nya mikon dinyeng ei mpe dino dibindei ba, minyei biam nok gi dem ei iggum ndigsi mem Ditde limwa di didimig ei su nya bidut kep.

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 49:10

Mpe dima lene yoni inggobiau ba, inggum cem bi. Mpia di wam bibor kin iggum ndigsi di dut bibor mipijuk yok bi. Lewo Da di dingondut yok midiwin kep ingonti bidibuwak yok kep minyei bousi nya.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 2:13

Lewo Ditde limwa nya ibon sisar ninyeng can tu. Mbro nok gino dinok minyei niyaijo nijep nibousi mem tungwatu nya lo, iba inghim biDa leu api ibon ide bak di ki ei dip di bit bon minyei ut eisi kan bi.”

YEHEZKIEL 16:35

Na di sop sundal minu ndig Yerusalem e, angig atingou mem mun di tuhan Di Ninyeng Jei Bibor simbot dat a.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

ZAKHARIA 14:8

Njap dima dem ne minyei di su mibiam kwei leu minu ndig Yerusalem. Minyei dima mikwas ninggram can ba, hi biam buug com Igpong Nsim lene hi biam buug com Muk Hacan. Minyei dima mibiam bijo-jo wai ari bingwam jei dimo ba, ningei jo-jo wai bidem nijam di biang biget kin nijam di biang ngei-ndung bipingge bi sren.

LUKAS 11:13

Mbro nok gino jisibut lo, jingondut jimunggwom bat nya lene jo nibreisi bipia Jicig ei gwamti miyai Ninnei Gi Kwes bak yo di yahara Noni tut!”

YOHANES 16:3

Yo dima ibibon je nok lewo ikan igbit tut Dicig kin Dani cem bi.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 6:35

Yesus pai biyok “Dinok roti di bindei ba, tungwatu nya igyai niyaijo nijep. No di bit Da minggum bu bi ba, no di ba ningon com Da minggobiau cem bi.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

KISAH 9:11

Tuhan pai binoni “Akiju ba, aug ei Simpak Sren leu api acem kep Yudas de ig bei ba, anggok ser tungwagom di ninyeng Saulus di nitimieisi leu minu ndig Tarsus. Noni ngat nadi ei sirima.

ROMA 8:32

Allah jem Nipmot bou Nonti bingondut Noni bi noro kes Noni ei mem nyeni yahagom. Gima rino Noni miyai mun nyeng nindigsi hagom binye mikuisi bi e?

KORINTUS GI NIGOM 1:30

Allah Nonti bindei ba, jinok gom kin Kristus Yesus. Igyai ningon kiti tug hon Kristus cem tu. Allah bindei ba, igyai ingon di kwes kin Noni tug hon Kristus ba, inok Nide limwa di ingon kwes-kwau nya ba, Noni kwek nye leu ide sisar cem tu.

KORINTUS GI NIGOM 10:4

lene idut kep ndia ngei di mindur di Allah pai tes mem yok cem noyam. Idut leu minyei bousi di hei kwei leu tig mindur di abia kep yok ba, tig dima ne Kristus Nonti ri.

KORINTUS GI NICAN 9:15

Jikwei ba, yahagom ipai sigyo bak Allah tut munkwas di mindur bibor di Noni yai binye tu!

EFESUS 2:8

Jide niba ningon com Kristusti bindei ba, jiyai niteu leu sisarti kin niyaijo nijep tug hon Allah nisingat tut jeti. Jitug ndei niteu leu sisarti tug hon jiyai munti nya bi noro tug hon Allah nisingat tut jeti leu binhyepo bit bon hi ningon jei sut nonti drek dip niyai munti nya kan bi.

IBRANI 6:4

Lewo bit bon ibrim yo di ingkwei hanyen tu nya bibindei ba, ittin ser ide sisar hanyen kan bi. Nipou ne ikwei mbut ei Allah de nipigati cem igyem njita di Allah kwas tut yok cem igyai nisindemti leu Allah Ninnei noyam kin yo di hiter cem,

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”