YOHANES 3:5 - ALLAH NIHYET MEM TUNGWATU NYA

⁵ Yesus buhup “Dipai nijit bina bipia gino tungwagom srek tug hon minyei kin Ninnei Gi Kwes bi ne bit bon noni coi bit Allah Ninyeng Tak Kepti kan bi.

YOHANES 3:5 ပူးပေါင်းရင်းမြစ်များ

MATIUS 18:3

Leu api pai biyok “Ma jiyok ngon kep bipia gino jiluei jingon kanti dem kep munggwom mien dini ningon kanti bi ne mijicoi bit Allah Ninyeng Tak Kepti bi sren.

MATIUS 19:24

Dipai mun nyeng gom kin bu bije bipia krop kei mem unta ningut gom coi kak mup mbrei mihyeti leu gima no di nyeng bibor coi Allah De Dihyei Di Nijep.”

MATIUS 21:31

Gima rino jindo igbit gi tou riyai igbit nicig nicuk noti i?” Lene imam ndig nya kin nibou mben Yahudi nya ibuhup “Nipmot mighumbou a.” Gima rino Yesus sok kep yok “Ma jiyok ngon kep bipia yo di igya tindei belasten bigyem jimuhup kin sop sundal nya micoi bit Allah Ninyeng Tak Kepti njiriek je.

MATIUS 28:19

Gima rino ma je juug ba, jibindei tungwatu dihyeisi dini hagom bibit Da leu api jitur yok ei minyeiti tug hon ninyeng Nicig kin Nipmot kin Ninnei Gi Kwes.

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

MATIUS 5:20

Ma jiyok ngon kep bipia gino jingon gom tut niggai serti nya dima dor njiriek guru Puig Yahudi nicukti kin Farisi nya bi lene bit bon jicoi bit Allah Ninyeng Tak Kepti kan bi.”

MARKUS 10:14

Tirigi Yesus ngig niyai kep yok lene wok yo di igya kui Noni bipai biyok “Jisindui sut munggwom dima yok bikwei ndam Da ba, jibigen ser yok au. Lewo tungwatu di ingonti noyam kin munggwom dini yok ingonti minggre kin Allah Ninyeng Tak Kepti.

MARKUS 16:16

Yo iba ingon com Noni bi mitug ndei hukum. Noro yo di iba ingon com Noni di itur yok ei minyeiti migyai niteu leu sisarti kin niyaijo nijep.

MARKUS 9:47

Gino jiyai njep hi bindei ba, jicut ug ei sisarti lene ma jiket jiyai njep leu hak ug! Gi kei mem jiba jiyai gom ngat bicoi ug ei Allah Ninyeng Tak Kepti leu gima jiyai njep hacem jo kikau lene gima bindei ba, jisar ei hum njengti.

LUKAS 13:24

“Ma jigruap mem gima jicoi kak dimbou hui di kom lewo tungwatu nya imang bibor igruap mem gima icoi kak dimbou hui di kom noro bit bon icoi bi.

LUKAS 13:3

Nok bi! Ma jiyok ngon kep bipia gino jittin ser sisar bijikiek ndam Allah bi lene jahagom mijitug ndei nimai noyam kin yo dima.

LUKAS 13:5

Nok bi! Dipai bije mbigom kin bu. Gino jittin ser sisar bijikiek ndam Allah bi lene jahagom mijitug ndei nimai noyam kin yo dima.”

YOHANES 1:13

Yoni inok nimunggwom bat nya tug hon nisrek leu tungwatu nyati ba, tug hon tungwatu nya ingut kanti cem bi. Noro Allah bindei ba, igyai niyaijo nijep.

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

YOHANES 3:4

Nikodemus hig ser Yesus “Gino tungwagom ug wer andigpoi su ne notou nipmem srek tut noni hanyen bu i? Bit bon noni coi hanyen ug ei nipmem ninghopti bisrek tut noni hanyen bu kan bi!”

KISAH 2:38

Petrus buhup “Ma jittin ser jide sisar bijikiek ndam Allah bibikwop tungwagom-gom leu ba, jiyai nitur je ei minyeiti tug hon Yesus Kristus ninyeng apino Allah mikos ser jide sisar. Gima ngwig leu leu api Allah miyai Nonti Ninnei bije.

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

KORINTUS GI NIGOM 15:50

Disut bat jen, nimbot kepti rinok gini. Bit bon ningut di bon ninghui kin ninggrom nggre kin Allah Ninyeng Tak Kepti kan bi. Ba, bit bon mun di kroi ei dihyeiti nggre kin mun di jo gingga kan bi.

KORINTUS GI NIGOM 2:12

Nyeni ipriet kin mun di kei di Allah njei bak nyeni hagom lewo Noni yai ninnei di ntun dihyeisi dini him binye bi noro yai Nonti Ninnei binye.

KORINTUS GI NIGOM 6:11

Nipou ne jibou poi jibon mun tunggwei nok gima. Noro tini bu ne Tuhan Yesus Kristus kin nisindemti di kwei leu ide Allah Ninnei bindei ba, jiyai nipiap leu sisarti ba, Allah dimig je ei mem Nonti leu api jiyai ningon di kwes kin Allah hanyen tu.

GALATIA 6:15

Niyai midut sunat kin niyai midut sunat bi hacem bon ninyeng bi. Noro gino Allah luei hi nitta binijep-jau bu ne gini bon ninyeng a.

EFESUS 5:26

Noni kes niyaisi ei leu binhyepo ba Nihyet Di Kei kin ningginausi bibindei pwoi mbusyamei tug hon nitur yok ei minyeiti leu binhyepo bikes mbusyamei dima bak Allah,

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.

PETRUS GI NIGOM 3:21

Ba, minyei dima ndo tut nitur tungwatu ei minyeiti di biteu je leu sisar biyai niyaijo nijep bije tug hon Yesus Kristus nikiju hanyen leu nimai eisi ri. Nitur tungwatu ei minyeiti dima ne midut nipiap ningut leu map di kuisi rin bi noro mun di nyeni ibipreu ei mem Allah tug hon ingon mien di kwes.

YOHANES GI NIGOM 2:29

Jikan tut bipia Kristus yai mun bibit leu Allah ningon kanti mem Noni. Gima rino ma jiyok ngon kep bipia bikwop no di yai mun bibit leu Allah ningon kanti ne Allah nimunggwom ri.

YOHANES GI NIGOM 5:1

No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.