YOHANES 3:36 - ALLAH NIHYET MEM TUNGWATU NYA

³⁶ No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

YOHANES 3:36 ပူးပေါင်းရင်းမြစ်များ

AYUB 33:28

Allah cuon dinnei leu ba, duug ei minu nimai nya ide bi. Diyaisi no jo yo dini.

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

MAZMUR 36:9

Ingon cut hon njita di mpung bipias hagau ei Ade Ig. Asindui sut ba, nidut minyei di biam kwei leu angon singat tut nyeti.

MAZMUR 49:19

Mbro nok gino tungwagom bong kei gwam kei ba, joi sut niyai munti nya ba, tungwatu nya inggei sut niyai munti di mipbor ngat nya cem kikau ug bipek niyaijo ningwig honti lo,

HABAKUK 2:4

Ma apas kep ‘Yo di imbuk bibor mingwes ngun bi noro yo di ingon sren nya migyai niyaijo drek dip ide ningon gom tut Allahti.’ ”

MBEN ISRAEL IMBUT-MBUT NYEN 32:11

‘Yo dini iba ingon di gom bibit Da bi. Gima rino deheng tut bipia bikwop yo di ide njap ug ei ari bingwam nyatungwagom bikui mpe di po yehei leu minu Mesir pima lene hi dima micoi ug ei minu di dipreu ei bak Abraham Ishak Yakub yoni pima bi.’

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

MARKUS 16:16

Yo iba ingon com Noni bi mitug ndei hukum. Noro yo di iba ingon com Noni di itur yok ei minyeiti migyai niteu leu sisarti kin niyaijo nijep.

LUKAS 2:30

Dingat No di miteu tungwatu nya leu ide sisar biyai niyaijo nijep biyok bou diyai him tu.

LUKAS 3:6

Tungwatu dihyeisi dini hagom mingat Allah de niteu tungwatu nya leu sisar biyai niyaijo nijep biyoti bou igyai him!’ ”

YOHANES 1:12

Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

YOHANES 4:36

No di biang njita kwei sindi tug ndei nimuhup bibiang njita di bit bon pror yon kan bi kwei ndam niyaijo nijep di jo kikau. Gima rino no di ndim ningan kin no di biang njita kwei leu beisi yahacem igyai nillei noyam.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

YOHANES 6:58

Gi dipai dini tut roti di juk kwei leu gwamti noro dem kep manna di jide pung di jintun him nya igyem bi. Yoni igyem kep manna noro jei bi lene igyaijo ngwig hon nohonti. Noro no di yem roti dini yai niyaijo nijep di jo kikau.”

YOHANES 8:51

Dipai nijit bije bipia no di bit dihyet mai bu bi sren.”

KISAH 14:2

Noro mben Yahudi di ikou sut ningon jo kepti nya ikes ingon kanti bak ngkiai nya leu binhyepo ingon sibui sut yo di ingon jo kep nya.

ROMA 4:15

Puig Yahudi nicukti nya bindei ba, Allah kes hukum ei tungwatu nya dip. Noro gino nicukti hi jo bi ne nipigau hanjopti cem jo bi.

ROMA 5:9

Nogindini igyai ingon kwes kin Allah tug hon Kristus nimaisi. Gima rino jo nibreisi bipia Noni miteu nye leu hukum di Allah mikes ei tungwatu nya dip.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

GALATIA 3:10

Allah sigion yo di iba ingon com bipia igyai ingon di kwes kin Noni tug hon gino ibit Puig Yahudi niggai serti nya yahagom. Bit leu nok gi ipas ei Allah nihyetti “Tungwa tou rino ba ningon di gom bibit Puig Yahudi niggai serti kikau bi ne Allah sigion no dima.”

EFESUS 5:6

Ma jitindei ser yo di iba ighyet mini biris je. Lewo tut gima rino Allah ningon misibui sut yo di ibit nihyet bi.

TESALONIKA GI NIGOM 1:10

jimem kep ser Nipmot nikwei hanyenti leu gwamti. Lewo Allah win Nipmot Yesus hanyen leu nimai eisi tu ba, Noni miteu nye leu hukum di mikwei drek dip Allah nigga biborti.

TESALONIKA GI NIGOM 5:9

Allah dimig nye leu binhyepo itug ndei hukum leu Noni bi noro teu nye leu sisar biyai niyaijo nijep binye tug hon ide Tuhan Yesus Kristus.

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

IBRANI 3:18

Tirigi Allah sigion yok bipai “Yo dima micoi ug ei mpia dima bibong kep inghuisi bit Da bi sren” lene pai gima tut tou nya i? Noni pai sut yo di yaham imbuk kep Noni.

IBRANI 3:19

Jo nibreisi bipia bit bon icoi ug ei mpia dima bi drek dip ingkek di ndok kin gi igiba ingon com Allah cem bi ri.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”