YOHANES 3:35 - ALLAH NIHYET MEM TUNGWATU NYA

³⁵ Nicig ningon ngakei Nipmot bibindei ba, Noni krau nisindemti hagom ei nindati.

YOHANES 3:35 ပူးပေါင်းရင်းမြစ်များ

NITRITI 41:44

Ba, Firaun pai binoni “Mbro nok gino danti rino nibou ndig mben Mesir lo, ditri tut bipia gino na di Yusuf ace tut bi lene bit bon timiei minu Mesir nya yahagom igyai mun nyeng hi kan bi.”

NITRITI 41:55

Tirigi ninggum sindi hwen timiei minu Mesir nya lene yahara Firaun noro noni cuk yok leu binhyepo yuug ngat Yusuf bibit nicuk yoti.

MAZMUR 2:8

Ahara Da hak ug leu api midikes ngkiai nya bidem dihyeisi dini hagom bina lene ma anyeng tut dihyei nisurti-nipekti hagom nok ade cem.

NIPINGOK NINGONTI 8:30

Dindun ninda him dem kep nok nimunggwom ngi-ngat. Noni joi sut da bikwop njap ngwa hagom leu api dikek-kek nyen ei Noho bei.

YESAYA 42:1

tuhan pai “No dini ne Ditde awak rin ba, dahati tut noni bididimig noni ei cem ba, dingat dingwes ei noniti. Midikes dinnei ei noni dip leu api noni mitri tut ningon sren-srausi bak ngkiai nya gom-gom ei dihyeisi dini hagom.

DANIEL 7:14

No di niyaijo kikau yai ninyeng di jei kin nisindemti binoni noyam kin nibou ndig. Apino bikwop timiei minu nya kin mben nya kin gi imbrap ighyet hiter nya yahagom ikuk yok bak. Nide nisindemti jo ninno bijo kikau ba, ninyeng tak kepti ug hon nohonti bi sren cem.

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 28:18

Yesus son dideu yok bipai biyok “Dinyeng tak kep nisindemti hagom ei gwamti kin dihyeisi dini.

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

LUKAS 10:22

Dicig kes mun nyeng hagom ei dindati tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem mikan igbit tut Noni.”

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 15:9

Dingon ngakei je bit leu nok Dicig ningon ngakei Da. Ma jicom jigau ninghig-niker ei Dati leu binhyepo dingon ngakei je.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 17:23

Dinok gom kin yok ba, Nani anok gom kin Da ba, yahagom inok gom kin yam leu binhyepo tungwatu dihyeisi dini ikan tut bipia Nani rino acuk Da kwei ba, angon ngakei yok bit leu nok angon ngakei Da.

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 5:20

Lewo Nicig ningon ngakei Nipmot ba, ndo Nide midyai nya hagom brei biNoni. Lene gima he bi lewo Nicig mindo midyai nindig bibor bu bak Nipmot apino jahagom mijinga leu sut.

YOHANES 5:22

Nicig Nonti mbus tungwatu nya ingonti bi noro yai nisindemti hagom bak Nipmot leu binhyepo Nipmot mbus ingonti,

KORINTUS GI NIGOM 15:27

Bit leu nok gi ipas ei Allah nihyetti “Allah bindei cut mun nyeng hagom ei Kristus nimig him.” Jo nibreisi bipia nipas kepti “Mun nyeng hagom” dima ne bitut Allah Nonti di bindei cut mun nyeng hagom ei Kristus nimig him bi.

EFESUS 1:22

Allah om mun di hagom ei bijehei Kristus nimig him leu api bindei ba, Kristus ninyeng tak kep mun di hagom nok nibou ndig mem mbusyamei.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

PETRUS GI NIGOM 3:22

Yesus Kristus kui ug ei gwamti biya kui Allah ninda com tu. Ba, ninyeng tak kep malaikati nya kin nibou nya kin nisindemti nindigsi nya ei mpia-bbed him.