YOHANES 3:34 - ALLAH NIHYET MEM TUNGWATU NYA

³⁴ No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

YOHANES 3:34 ပူးပေါင်းရင်းမြစ်များ

NIBOU NDIG NYA GI NICAN 2:9

Yuug krau su lene Elia hig ser Elisa “Ma ahara da tut mun nyeng hi bit leu angon kanti nipou tirigi tuhan kon da bidipror leu na bigyo!” Lene Elisa buhup “Asindui sut ba, diba dakep ade nisindemti ndrim hi leu binhyepo diya luei ahoti bu.”

MAZMUR 45:7

Allah yai nisindemti bina mem gima anyeng tak kep limwa nya. Ade nisindemti jo ngkiem bijo ninno bijo kikau. Aba angon srenti binyeng tak kep ade limwa nya.

YESAYA 59:21

Dibon nipreu ei mem jeti nok gini. Diyai Ditde nisindemti kin dingginausi bije bijo ninno bijo kikau. Njap di ammani kui ne ma jiba dihyet bingginau jimunggwom bat nya leu binhyepo ibingginau imunggwom bat nya leu nintun him yamti di bram yam ug ei nintun him yamti di bram yam gi bram bu bijo ninno bijo kikau.”

IMAM NYA IDE MIDYAI 7:35

Ninghui dini kwei leu mindhe di ibui bindig kep hum mem tuhan ei njap dino ata Harun kin nipmot bat nya nok imam.

MBEN ISRAEL IMBUT-MBUT NYEN 11:25

Lene tuhan juk kwei ei bumbuhui ttou di nggai kep Noni bimbrap bit Musa. Leu api Noni kus nisindemti po yai bak Musa pima ndrim hi biyai bak nibou nya pima. Tirigi tuhan Ninnei coi ug ei yo dima ingonti lene sindi itri tut nihyet mem nituti poi dem kep nok nabi nya.

MATIUS 12:18

“No dini ne Ditde Awak rin ba, didimig Noni ei su. Dingon ngakei Noni bidingat dingwes ei Noniti cem. Midikes Dinnei ei Noni dip leu api Noni mitri tut dingon kanti bak ngkiai nya yahagom.

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

YOHANES 1:16

Nihyet dima nisingat tut nyeti bindei ba, Noni njei mun di kei binye sindam buug hon nohonti bi.

YOHANES 15:26

Midicuk No Di Mpu je hwou ba, Noni mikwei leu Dicigya. Noni ne Ninnei Gi Kwes di mbot kep tut nihyet di nijit-jau tut Allah bije ri. Tirigi Noni kwei lene mitri tut Da.

YOHANES 16:7

Noro dipai nijit bije bipia gino dimbut leu je lene dimbutti dima kei bibor mem je. Gino dimbut bi lene No Di Mpu je mikwei gwam bit je bi sren. Noro gino dimbut lene midicuk Noni kwei ei jingonti.

YOHANES 3:17

Lewo Allah cuk Nipmot kwei ei dihyeisi dini nok nikei di pai kep tungwatu nya bi noro nok No di teu yok leu sisar biyai niyaijo nijep biyok.

YOHANES 5:26

Nicig ne niyaijo nijep nibousi ri. Nicig bindei ba, Nipmot cem nok niyaijo nijep nibousi.

YOHANES 7:16

Yesus buhup “Mun di tibim ei duhui him kwei leu dingon kanti bi noro kwei leu Allah di cuk Da kwei ningon kanti.

YOHANES 8:40

Ditri tut mun di nijit-jau di dimiap leu Allah bije hak. Noro jibingon mem gima jiyai nimai biDa. Abraham bon mun bit leu nok gima bi!

YOHANES 8:47

No di ntun Allah him ngig nitingou mem Allah nihyet. Noro jintun Allah him bi. Gima rino jingig jitingou mem dihyet bi.”

KISAH 1:2

kikau ug bipek njap di Allah kon Noni ug ei gwamti hanyen. Noro nipou tirigi Noni ug ei gwamti bigyo lene Noni pingok yo di igya kui Noni di mbus yok ei su nya ingonti tug hon nisindemti leu Allah Ninnei.

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

ROMA 8:2

Lewo Allah Ninnei niggai serti di bindei ba, igyaijo nok gom kin Kristus Yesus kwek da leu niggai ser dati dibindei sisar kin nimai kat da dima tu.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

KOLOSE 1:19

Allah kos tut bipia mun nyeng hagom di ningat rin ei Nonti ningon bei ningat rin ei Nipmot cem ningon bei.

KOLOSE 2:9

Lewo mun di bitut Allah hagom ningat rin ei Kristusti mem nijam di Noni ningat rin nok tungwatu ei dihyeisi dini.

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,