YOHANES 3:29 - ALLAH NIHYET MEM TUNGWATU NYA

²⁹ Bit leu nok pinai pilei di wak nitnem. Nongkom ninyeng tak kep sop gwam nitta pilei di noni yok wa kep tu. Noro nisut di ya kui noni ntu kep nihyet apino ningon llei sut. Nok gima tut dani cem. Nogindini diyai nillei titut yam ei dingonti.

YOHANES 3:29 ပူးပေါင်းရင်းမြစ်များ

DIUN MIMUN 3:11

Je di sop gwam nitta pilei minu ndig Yerusalem e, jehei kwei bijitou kep Nibou Ndig Salomo di su no tut topi nibou ndig di nipmem bijuk nibou ei njap di nitnem yoni iwak yamti. Njap dima ne ningon llei nindig bibor!”

DIUN MIMUN 5:1

“Dikinjoi ninyan e, dikwei ei ditde miaisi tu. Dimbus ditde mur kin biei ngat di nyop kei nya keyam bidiyem ditde ahwei lon ngei. Didut ditde sapi do ngei kin ba anggur ngei.” “Nisut bat jen e, jiyem njita lene jibidut ndia ngei. Jidut kikau ba, jibou bibuwei kep jingon ngakei yamti.”

YESAYA 54:5

Jide Nipai Tes Mun Cig mibon Nonti nok ajjep. Mben Israel ide Allah di kwes-kwau miteu na ba, angwes ngun. Ninyeng rino tuhan Di Sindem Bibor ba, ninyeng tak kep dihyeisi dini hagom.

YESAYA 66:11

Mijingat jingwes ei minu ndig Yerusalem de nibong kei nigwam keiti noyam kin munggwom mien gom di dut kep nipmem nido ngei.

YEREMIA 2:2

leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.

YEHEZKIEL 16:8

Tirigi dimbut ei mpia dima bu lene dingat lo, ade njap dem mem gima apai pinai tu. Diba Ditde sinsun ndok di jei bijuk na ser ade ningat nguti dima. Dipreu ei bina tut Ditde ningon ngakei nati. Gima igbit rin ba, dibon nipreu sut niwak yamti bit na. Ba, Ditde nani tu. Da di tuhan Di Dinyeng Jei Bibor disimbot dat tu.

HOSEA 2:19

Na di Israel e, midiwak na ba, anok ditnem di ningat-ngat bijo ninno bijo kikau. Midingondut na bidingon ngakei na cem. Midiba ningon srenti kin ningon gomti bibon na.

MATIUS 22:2

Noni pai biyok “Allah Ninyeng Tak Kepti rinok nibou ndig di bon pesta nindig bibor mem nipmot di wak nitnem.

MATIUS 25:1

“Allah Ninyeng Tak Kepti rinok mun di pek kep mem sop gwam nitta pilei nya ibou simnai di igyai ide mini ninjeng lene yuug um pinai di buwak nitnem nikweisi.

MATIUS 9:15

Yesus buhup “Jikan bipia yo di induk yam kwei mem pesta niwak yamti ingon buhun tirigi pinai di wak nitnem ningat rin bit yok e? Nok bi! Noro ei nidipti bu tirigi pinai dima ningat rin bit yok bi lene yoni migyem njita bi mem nituti poi.

LUKAS 15:6

bingkwei hanyen tut ug ei ig bei. Lene noni nduk nisut bat nya kin nide bat nya kwei bipai biyok ‘Ma jingon llei bit da lewo dittau kep domba di pror hanyen tu!’

YOHANES 15:11

Ditri tut mun dini hagom bije leu binhyepo dingon llei biborti coi ug ei jingonti bibindei ba, jingon llei biborti kei-kau.

YOHANES 16:24

Leu nimbie him kikau kwei bipek ammani kep jahara Da tut mun nyeng hi tug hon dinyeng bigyo. Ma jahara Da leu api jiyai mun dima leu binhyepo jiyai nillei titut yam ei jingonti.”

YOHANES 17:13

Jei bi ne dihwou ndam Na. Noro ditri tut dihyet dini hagom brei tirigi digwam ei dihyeisi dini leu binhyepo yo di ibit Da igyai Ditde ningon llei titut yam ei ingonti.

YOHANES 3:30

Suar Noni bon ninyeng di jei bibor noro dibon dinyeng wer cun he.”

KORINTUS GI NICAN 11:2

Dingon ya mem je nindig bibor noyam kin gi Allah Nonti cem ningon ya mem je. Lewo jinok dikwohop nigwam nitta pilei. Diyok wab kep je mem tungwagom ba, No dima ne Kristus ri.

FILIPI 2:2

Gima rino jibingon ba, jiyaijo bit yam ba, jide ningon gomti dem yam kin jide ningon ngakei yamti dem yam kin jide niyok ningon gomti dem yam kin jide ningon kanti gomti dem yam ba, jibiyai dingon di nggan-triot.

YOHANES GI NIGOM 1:4

Nipas kep srat dini leu binhyepo yahagom igyai nillei titut ei ingonti.

YOHANES GI NICAN 1:12

Dipi bidipui kep bina tut mun nyeng mang bibor bu noro dingon hukti bipia dipas kep tut ei srat diniti bi. Diyok dingon mem nituti di dihwou cem kep na leu binhyepo simbrap bit yam tut lene gima mibindei ba, sillei ngwig ei singonti.

NINGAT-HI-NGAT NYA 21:9

Lene malaikati gom leu malaikati ibou muhwindacan di ikwei sut bokor di ut tut nsuwer ajar ningat muhwindacan di jo mem njap ningwig honti kwei pai bida “Akwei bidindo no di sop di Domba Pmot wak tu ba, noni ne nitnem rin bina.”