YOHANES 3:25 - ALLAH NIHYET MEM TUNGWATU NYA

²⁵ Yo di igya kui Yohanes ibou poi kin mben Yahudi gom isrep yam tut midut nipiap yonti bipwoisi.

YOHANES 3:25 ပူးပေါင်းရင်းမြစ်များ

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

MARKUS 7:8

Jiba jingha bak Allah nicukti nya leu api jikrau kep tungwatu nya ide nidimig sutti nya.”

YOHANES 2:6

Dibijig ngwak mem ibipiap inda eisi ningat muhwindagom jo ei mpia dima bit leu nok mben Yahudi igyai kepti. Dibijig gom dem mem ikiber kau nuut simnaimuhwidip eisi.

IBRANI 6:2

kin ningginausi tut nitur tungwatu kin nikes ninda ei tungwatu nya dipti kin nikiju hanyen leu nimai eisiti kin hukum di jo kikau buug hon nohonti bisi bu au.

IBRANI 9:10

Mun dima yok hagom bindo tut mun di pror yon nok njita di igyem kin ndia ngei di idut kin nidimig sutti tut nipiap nindati kin nipiap njitati cem. Nidimig sutti dima yok hagom mbut kikau bi noro mipror yon mpe dino Allah bindei mun nyeng hagom nijep bu.

IBRANI 9:23

Tug hon nisinati dima lene mun di jo dihyeisi di dat mun di jo kikau ei gwamti yai nipiapti di bindei bipwoi hanyen. Lene suar mun di jo kikau ei gwamti pima cem yai nipiapti tug hon ninggrom di kei-kau.

PETRUS GI NIGOM 3:21

Ba, minyei dima ndo tut nitur tungwatu ei minyeiti di biteu je leu sisar biyai niyaijo nijep bije tug hon Yesus Kristus nikiju hanyen leu nimai eisi ri. Nitur tungwatu ei minyeiti dima ne midut nipiap ningut leu map di kuisi rin bi noro mun di nyeni ibipreu ei mem Allah tug hon ingon mien di kwes.