YOHANES 3:2 - ALLAH NIHYET MEM TUNGWATU NYA

² Mpe di gom lene noni ug ngat Yesus mem mmun bihig ser Noni “Guru e, nikan tut bipia Nani ne guru di Allah cuk kwei ri. Gino Noni ningat rin bit Na bi ne bit bon abibon mindur nok gi abibon dima kan bi.”

YOHANES 3:2 ပူးပေါင်းရင်းမြစ်များ

NIBOU NDIG NYA GI NIGOM 17:24

Lene kibom dima buhup “Jo nibreisi mem da bipia na di Andigpoi anok Allah de awak. Ningat ne Noni tri tut nihyet tug hon nani!”

YESAYA 51:7

Ditde mben jen e, ma jimiap kep dihyet. Jikan tut mun di igbit ba, dingginausi jo nyahan ei jingonti tu. Gino tungwatu iba ighyet bicig je lene ma jittin tut au. Ma jingon bos-bos nyen drek dip gino ighyet wer mpiahi tut je au.

YEREMIA 38:16

Lene Nibou Ndig Zedekia preu ei mem da nyahan bipai “Deheng bitug hon Allah Di Niyaijo di bindei ba, nyeni igyaijo ninyeng bipia midiyai nimai bina bi. Midikes na ei yo di igyok ingon gom mem gima igyai nimai bina indati cem bi.”

MATIUS 22:16

Gima rino icuk ibou poi di igya kui yok kin ibou poi di itti kin nimpung Herodes biyuug ngat Yesus. Yo dini ipai bak Yesus “Guru e, nikan tut bipia angon sren. Ba, nikan tut bipia apai mingat tut Allah ningon kanti mem tungwatu nya lene amig mbus yok bi.

MATIUS 23:7

ingon llei sut gino tungwatu nya ibou cut biyok ei biyati bindat kep inyeng ‘Guru.’

MATIUS 23:8

Noro ma jibidip huk tungwatu nya leu binhyepo ijem jinyeng ‘Guru’ au. Lewo jahagom jikinjoi bat yam ba, jibon jide Guru gom ngat.

MARKUS 12:14

Ikwei pai biNoni “Guru e, nikan tut bipia angon sren ba, amig mbus tungwatu nya bi. Gima cem nikan tut bipia apai mingat tut Allah ningon kanti mem tungwatu nya lene adigit tut ibuhupti bi. Gima rino ma apai sut angon kanti binye tut belasten di igo gau nyenti bak nibou Kaisar Roma ug e. Igyaisi dima tunggwei sut Puig Yahudi nidimig sutti e? Ma igo belasten bak e, he igo bi e?”

YOHANES 1:38

Yesus ngat yo cin di ibit Noni lene hig simber yok “Nggon rino jibit Da i?” Leu api ibuhup “Rabi e, abong ei siritou i?” (Ninyeng rabi noyam kin ninyeng guru.)

YOHANES 10:38

Mbro nok gino jingon jo kep Da bi lo, gino diyai midyai bit leu Dicig ningon kanti ne ma jingon jo kep Ditde midyai hak ug leu binhyepo jikan tut mungkun bipia Dicig kin Dani ninok gom kin yam.”

YOHANES 12:37

Mbro nok gino Noni bibon mindur mang bibor bou igyai him lo, ingon jo kep Noni bi.

YOHANES 14:10

Filipus e, angon jo kep bipia dinok gom kin Dicig ba, Dicig cem nok gom kin Da bi e? Nihyet di ditri tut bije kwei leu dingon kanti bi. Dicig di nok gom kin Da bindei mbut Nonti nikos tutti.

YOHANES 15:24

Gino diyai midyai di bit bon yo di hiter igyai kan bi ei ikieti bi lene ingon mui ba, sisar ntun him bi. Noro tini bu ne ingat Ditde midyai nya hagom bou igyai him ba, ingon mpo tut Dani kin Dicig tu.

YOHANES 2:11

Mindur dima ne Yesus sindi bibon tirigi nimbie him ei minu mien Kana ei hanjop Galilea. Noni ba bindo dima bindo tut Nide ninyeng jei biborti. Gima rino yo di igya kui Noni ingon jo kep Noni.

YOHANES 20:16

Yesus hig noni “Maria e!” Maria kiek noho ndam Yesus lene ba nihyet Ibrani bibuhup “Rabuni!” (Gi ijem bipia “Guru”.)

YOHANES 3:26

Yoni yuug ba, ihig ser Yohanes “Guru e, ayok ngon kep No di bit na ei Minyei Yordan nite dima ug di ando binye pima e? Nogindini Noni cem tur tungwatu nya ei minyeiti apino yahagom induk yam bingwig kep Noni!”

YOHANES 4:31

Mpe dima lene yo di igya kui Yesus ipai biNoni bipia “Guru e, ma ayem njita dini.”

YOHANES 5:36

Mun nyeng gom di bindo tut Da nindig bibor dor njiriek bindo di Yohanes ndo pima. Dicig cuk Da mem diyai kep midyai apino midyai di diyai kep nya hagom bon ninyeng dor njiriek mun di Yohanes tri tut Da. Ditde midyai nya ndo brei bipia Dicig cuk Da kwei.

YOHANES 6:2

Noni kwei krau lene imang bibor ingwig kep Noni lewo ingat mindur di Noni bibon nya tirigi bindei ba, yo di inggwen ikei hanyen.

YOHANES 7:31

Imang bibor sindi iba ingon com Noni bipai biyam “Mpe di Nibou Ndig di teu tungwatu nya biyai niyaijo nijep biyok kwei lene Noni mibon mindur mang bibor dor njiriek mindur di No dini bon kep dima yok e?”

YOHANES 9:16

Farisi nya ibou poi isimbot kep biyam “Jo nibreisi bipia No di bindei ba, no dini niyai da hanyen ntun Allah him bi lewo niyai munti dima bit nidimig sutti tut Njap Nigwam Kep Ninghuisi bi.” Noro hiter isrep “Notou no di bon sisar bon mindur dini i?” Lene isrep yam.

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KISAH 2:22

Disut bat mben Israel jen, ma jingig jitingou mem dihyet. Allah ndo midyai bak Yesus leu minu ndig Nazaret mem je. Gini jo nibreisi mem je tug hon mindur kin bindo di Allah bibon tug hon Noni ei jikieti bijikan tut mun dini yok hagom tu.

FILIPI 1:14

Disima ei ig bui nsi lo, gini biyai nisindem bak yo di Kresten imang bibor ei minu ndig dini leu api ibikum ei ide niba ningon com Tuhanti. Iba ingon di nddong kei bibrim ingkek kep tungwatu nya bitri tut Nihyet Di Kei cem.

NIJAM NIKEI NYA 6:27

Lene Gideon nduk nide awak nya ibou simnai biyai hagom bit leu nok tuhan nicuk noti. Noro noni yai gima mem njap bi lewo ttin tut nide bat nya kin timiei minu dima. Gima rino noni yai gima mem mmun mau.