YOHANES 3:18 - ALLAH NIHYET MEM TUNGWATU NYA

¹⁸ No di ba ningon com Nipmot tug ndei hukum bi. Noro no di ba ningon com Noni bi tug ndei hukum leu Allah tu lewo ba ningon com Nipmot di nimig gom ngat dima bi.

YOHANES 3:18 ပူးပေါင်းရင်းမြစ်များ

MARKUS 16:16

Yo iba ingon com Noni bi mitug ndei hukum. Noro yo di iba ingon com Noni di itur yok ei minyeiti migyai niteu leu sisarti kin niyaijo nijep.

YOHANES 1:12

Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

YOHANES 6:40

Lewo Dicig joi sut gima tungwatu nya yahagom ingat igbit Allah Nipmot leu api iba ingon com Noni apino yo dima igyai niyaijo nijep di jo kikau lene diwin yok hanyen leu imai eisi ei Njap Ningwig Honti.”

YOHANES 6:47

Ma jingon jo kep bipia bikwop no di ba ningon com Da yai niyaijo nijep di jo kikau ei ningonti tu.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

ROMA 8:1

Nogindini Allah mikes hukum ei yo di inok gom kin Kristus Yesus dip bi.

ROMA 8:34

Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

IBRANI 3:19

Jo nibreisi bipia bit bon icoi ug ei mpia dima bi drek dip ingkek di ndok kin gi igiba ingon com Allah cem bi ri.

YOHANES GI NIGOM 3:23

Nicuk nyeti dima ne suar ingon jo kep Nipmot Yesus Kristus ba, ingon ngakei yam bit leu nok Kristus nicuk nyeti.

YOHANES GI NIGOM 4:9

Allah ndo ningon ngakei nyeti brei binye tirigi pinak Nipmot di nimig gom ngat kwei ei dihyeisi dini leu binhyepo igyai niyaijo nijep tug hon Noni.

YOHANES GI NIGOM 5:10

Gima rino no di ningon jo kep Allah Nipmot pwoi mun di Allah ngat bou niyai him bitri tut dima ei ningonti. Noro no di ningon jo kep Allah bi pai kep Noni bipia Noni ris. Noni pai nok lewo ningon jo kep mun di Allah ngat bou niyai him bitri tut Nipmot bi.

YOHANES GI NIGOM 5:12

Ba, no di yai Nipmot ei ningonti yai niyaijo nijep tu. No di yai Allah Nipmot ei ningonti bi yai niyaijo nijep cem bi.